ព័ត៌មានអន្ដរជាតិ

គំនូររបស់វិចិត្រករ Picasso ដាក់ដេញថ្លៃបានតម្លៃ ១០៨,៩ លានដុល្លារ នៅ Las Vegas

បានផុស

៣ years មុន

នៅ

ថ្ងៃអង្គារ ២៦ តុលា ២០២១

ដោយ

ស្នាដៃចំនួន ១១ ដោយលោក Pablo Picasso ត្រូវបានលក់ក្នុងតម្លៃជាង ១០៨,៩ លានដុល្លារ ក្នុងការដាក់ដេញថ្លៃមួយនៅ Sotheby’s នៅ Las Vegas កាលពីថ្ងៃសៅរ៍។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស្នាដៃទាំងនោះ បានស្ថិតនៅក្រោមការគ្រប់គ្រងរបស់សណ្ឋាគារ និងកាស៊ីណូ Bellagio ដែលត្រូវបានគេស្គាល់ថា ជាកន្លែងដ៏ធំសម្រាប់ការប្រមូលសិល្បៈដ៏ទូលំទូលាយ និងដើម្បីរំលឹកដល់ខួបកំណើតគម្រប់ ១៤០ ឆ្នាំរបស់វិចិត្រករជនជាតិអេស្ប៉ាញ លោក Pablo Picasso ។

ការប្រមូលដាក់ឲ្យដេញថ្លៃនេះមានដូចជា “Femme au beret rouge-orange” (ស្ត្រីដែលមានមួកក្រហម-ទឹកក្រូច) ដែលជារូបចុងក្រោយមួយរបស់វិចិត្រករ Marie-Therese Walter ដែលគាត់បានចាប់ផ្ដើមមានទំនាក់ទំនងស្នេហានៅពេលនាងមានអាយុ ១៧ ឆ្នាំ។

វាត្រូវបានលក់ក្នុងតម្លៃជិត ៤០.៥ លានដុល្លារ បន្ទាប់ពីតម្លៃចាប់ផ្តើមត្រូវបានប៉ាន់ប្រមាណពី ២០ លានដុល្លារទៅ ៣០ លានដុល្លារ។ Sotheby’s បាននិយាយនៅក្នុងធ្វីតធឺថា “គំនូរនេះត្រូវបានលាបពណ៌ក្នុងខែ មករា ឆ្នាំ ១៩៣៨ រូបគំនូររបស់ muse Marie-Therese Walter គឺជាសមិទ្ធផលដ៏អស្ចារ្យមួយ ចំពេលដែល Picasso មានការបំផុសគំនិត និងផលិតភាព” ។

ដោយឡែកក៏មានរូបគំនូរចំនួន២ពីឆ្នាំចុងក្រោយនៃជីវិតរបស់វិចិត្រកររូបនេះ ក៏ត្រូវបានលក់ផងដែរដូចជា៖” Homme et enfant” (បុរស និងកុមារ) ក្នុងតម្លៃ ២៤.៤ លានដុល្លារ និង “Buste d’homme” (Bust of Man) ក្នុងតម្លៃ ៩.៥លានដុល្លារ ដែលលក់ក្រោមការប៉ាន់ស្មានរបស់វាចាប់ផ្ដើម តម្លៃ ១០ លាន។