ព័ត៌មានអន្ដរជាតិ
មហាសន្និបាត Interpol ចាប់ផ្តើមនៅ តួកគី ផ្តោតសំខាន់លើការគំរាមកំហែងសន្តិសុខពិភពលោក
មហាសន្និបាតអង្គការប៉ូលិសឧក្រិដ្ឋកម្មអន្តរជាតិ (Interpol) លើកទី៨៩ បានចាប់ផ្តើមកាលពីថ្ងៃអង្គារនៅក្នុងមជ្ឈមណ្ឌលហិរញ្ញវត្ថុ និងវប្បធម៌ អ៊ីស្តង់ប៊ុល របស់ប្រទេសតួកគី ជាមួយគោលបំណង ដោះស្រាយការគំរាមកំហែងសន្តិសុខពិភពលោក។
លោក Kim Jong Yang ប្រធាន Interpol បាននិយាយថា មហាសន្និបាតនេះ នឹងពិភាក្សាអំពីទិសដៅយុទ្ធសាស្ត្រខ្ពស់បំផុតរបស់អង្គការ និងការគំរាមកំហែងជាសកល ដែលធ្វើឲ្យសកម្មភាពរបស់ Interpol ត្រូវការជាចាំបាច់។
មហាសន្និបាតលើកដំបូងរបស់ Interpol ចាប់តាំងពីការផ្ទុះឡើងនៃជំងឺកូវីដ-១៩នេះ មានការចូលរួមពីរដ្ឋមន្ត្រី មេប៉ូលិស និងមន្ត្រីប៉ូលិសកំពូលៗមកពីជាង ១៦០ប្រទេស។
ថ្លែងទៅកាន់កិច្ចប្រជុំតាមរយៈសារជាវីដេអូ ប្រធានាធិបតីតួកគីលោក Recep Tayyip Erdogan បាននិយាយថា ប្រទេសតួកគី កំពុងប្រឈមមុខនឹងហានិភ័យសន្តិសុខជាច្រើន។
លោក Erdogan បានចង្អុលបង្ហាញថា “តួកគីជាប្រទេសមួយក្នុងចំណោមប្រទេសដែលរងផលប៉ះពាល់ខ្លាំងបំផុតដោយជម្លោះប្រដាប់អាវុធ ជាពិសេសនៅប្រទេសជិតខាងរបស់យើងគឺស៊ីរី និងអ៊ីរ៉ាក់”។
គួរបញ្ជាក់ថា មហាសន្និបាតរបស់ Interpol ជួបប្រជុំម្តងក្នុងមួយឆ្នាំ ដើម្បីទទួលយកការសម្រេចចិត្ត ដែលជះឥទ្ធិពលដល់គោលនយោបាយទូទៅ, ធនធានដែលត្រូវការសម្រាប់កិច្ចសហប្រតិបត្តិការអន្តរជាតិ, វិធីសាស្រ្តការងារ, ហិរញ្ញវត្ថុ និងកម្មវិធីនៃសកម្មភាព៕
ប្រែសម្រួល៖ Vann Vann
ប្រភព៖ Xinhua
ចុចអាន៖ មហាសន្និបាត UN លើកនេះ ក្បាលមីក្រូហ្វូន សុទ្ធតែពាក់ស្រោម (វីដេអូ)
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)