ព័ត៌មានជាតិ
ស.ស.យ.ក នឹងបើកមហាសន្និបាតវិសាមញ្ញតំណាងទូទាំងប្រទេសនៅចុងសប្ដាហ៍នេះ
សហភាពសហព័ន្ធយុវជនកម្ពុជា (ស.ស.យ.ក) នឹងបើកមហាសន្និបាតវិសាមញ្ញតំណាងទូទាំងប្រទេសដើម្បីបូកសរុបសមិទ្ធផលការងាររបស់សហភាពសហព័ន្ធយុវជនកម្ពុជាទូទាំងប្រទេស និងលើកទិសដៅការងារឆ្នាំ២០២៣-២០២៨។ មហាសន្និបាតវិសាមញ្ញនេះនឹងប្រព្រឹត្តទៅនៅថ្ងៃទី២៦ ដល់ថ្ងៃទី២៧ ខែវិច្ឆិកា ឆ្នាំ២០២២ខាងមុខនេះនៅសណ្ឋាគារ ហ្គាឌិន សុីធី។
បើតាមសេចក្ដីជូនដំណឹងរបស់សហភាពសហព័ន្ធយុវជនកម្ពុជា មហាសន្និបាតវិសាមញ្ញតំណាងទូទាំងប្រទេសនេះ នឹងធ្វើឡើងក្រោមអធិបតីភាពរបស់ឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា ដោយមានការចួលរួមរបស់លោក លោកស្រី ជាអនុប្រធាន សមាជិកគណៈអចិន្ត្រៃយ៍ សមាជិកគណៈកម្មាធិការកណ្ដាល និងតំណាង ស.ស.យ.ក នៅទូទាំងប្រទេស។
ទន្ទឹមនឹងការរៀបចំមហាសន្និបាតនេះ សហភាពសហព័ន្ធយុវជនកម្ពុជា ក៏នឹងមានការប្រគំតន្ត្រីអបអរសាទរខួបលើកទី ៤៤ នៃកំណើតសហភាពសហព័ន្ធយុវជនកម្ពុជា ដែលនឹងប្រព្រឹត្តិទៅនៅថ្ងៃទី៣ ខែធ្នូ ឆ្នាំ២០២២ នៅវិមានឈ្នះ-ឈ្នះ ផងដែរ។
គួរជម្រាបថា សហភាពសហព័ន្ធយុវជនកម្ពុជា បានចាប់កំណើតឡើងនៅថ្ងៃទី២ ខែធ្នូ ឆ្នាំ១៩៧៨ ដែលកាលនោះមានឈ្មោះថា សមាគមយុវជនសាមគ្គីសង្គ្រោះជាតិកម្ពុជា ដែលជាកម្លាំងនៃរណសិរ្សសាមគ្គីសង្គ្រោះជាតិកម្ពុជា។
សមាគមយុវជនសាមគ្គីសង្គ្រោះជាតិកម្ពុជា មានគោលដៅ និងបេសកកម្មចំបងតែមួយគត់ គឺការជួយសង្រ្គោះអាយុជីវិតប្រជាជនពីរបបប្រល័យពូជសាសន៍ខ្មែរក្រហម។ ក្រោយពេលប្រទេសជាតិត្រូវបានរំដោះ និងស្របពេលដែលប្រទេសជាតិត្រូវការកម្លាំង ដើម្បីកសាង និងអភិវឌ្ឍន៍សង្គម-សេដ្ឋកិច្ច សមាគមយុវជនសាមគ្គីសង្រ្គោះជាតិកម្ពុជា ក៏បានផ្លាស់ប្ដូរឈ្មោះជា សមាគមយុវជនកម្ពុជា ដោយបន្តបេសកកម្មក្នុងបុព្វហេតុជាតិមាតុភូមិ និងការអភិវឌ្ឍសង្គមជាតិ។
នៅឆ្នាំ២០១២ មហាសន្និបាតវិសាមញ្ញលើកទី៣ របស់សមាគមយុវជនកម្ពុជា បានសម្រេចជាឯកឆន្ទផ្លាស់ប្ដូរឈ្មោះទៅ ជាសហភាពសហព័ន្ធយុវជនកម្ពុជា ដែលមហាជនទូទៅស្គាល់ថា ស.ស.យ.ក។
ក្រោមម្លប់សន្ដិភាព ដែលជាសម្ធិផលដ៏ថ្លៃថ្លានៃនយោបាយឈ្នះ-ឈ្នះ សហភាពសហព័ន្ធយុវជនកម្ពុជា បានធ្វើសកម្មភាពជាច្រើនក្នុងការប្រមូលផ្ដុំយុវជនពីគ្រប់មជ្ឈដ្ឋានចូលរួមជាធ្លុងមួយ ដើម្បីថែរក្សា ការពារ និងលើកស្ទួយវិស័យនានា ដូចជា សិល្បៈ វប្បធម៌ ទំនៀមទំលាប់ប្រពៃណី អប់រំ កីឡា ទេសចរណ៍ វិទ្យាសាស្រ្ដ បច្ចេកវិទ្យា សុខមាលភាព ជាដើម៕
ដោយ៖ ធឿន វ៉ាន់សុង
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៥ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ