Connect with us

ព័ត៌មានអន្ដរជាតិ

WHO ប្រកាស វីរុសបំប្លែងថ្មីជាក្តីព្រួយបារម្ភ និងដាក់ឈ្មោះ Omicron

បានផុស

នៅ

អង្គការសុខភាពពិភពលោក (WHO) បានប្រកាសថា វីរុសបំប្លែងខ្លួនថ្មីជាក្តីព្រួយបារម្ភ ហើយដាក់ឈ្មោះឲ្យថា Omicron។

WHO និយាយថា វីរុសនេះមានបម្រែបម្រួលមួយចំនួនធំ ហើយភស្តុតាងដំបូងបានបង្ហាញពីការកើនឡើងហានិភ័យនៃការឆ្លងឡើងវិញ។

វាត្រូវបានរាយការណ៍ជាលើកដំបូងទៅកាន់ WHO ពីប្រទេសអាហ្វ្រិកខាងត្បូង នៅថ្ងៃទី២៤ខែវិច្ឆិកា ហើយក៏ត្រូវបានរកឃើញផងដែរនៅក្នុងប្រទេស បុតស្វាណា ទីក្រុងហុងកុង និងប្រទេសអ៊ីស្រាអែល។

ឥឡូវនេះ ប្រទេសមួយចំនួនបានសម្រេចចិត្តហាមឃាត់ ឬរឹតបន្តឹងការធ្វើដំណើរទៅ និងមកពីអាហ្វ្រិកខាងត្បូង។

កាលពីថ្ងៃសុក្រ WHO និយាយថា ចំនួនករណីឆ្លងនៃវីរុសបំប្លែងខ្លួនដែលមានឈ្មោះដំបូងថា B.1.1.529 មួយនេះ ហាក់ដូចជាកំពុងកើនឡើង ស្ទើរតែនៅក្នុងគ្រប់ខេត្តទាំងអស់របស់ប្រទេសអាហ្វ្រិកខាងត្បូង។

ការឆ្លងមេរោគ B.1.1.529 ដែលគេដឹងដំបូងបំផុត គឺបានមកពីសំណាកដែលប្រមូលកាលពីថ្ងៃទី៩ខែវិច្ឆិកា។

ស្របពេលជាមួយគ្នានោះដែរ WHO និយាយថា វានឹងចំណាយពេលពីរបីសប្តាហ៍ដើម្បីស្វែងយល់អំពីផលប៉ះពាល់នៃវីរុសបំប្លែងថ្មីនេះ ខណៈអ្នកវិទ្យាសាស្ត្រកំពុងធ្វើការដើម្បីកំណត់ថាតើវាឆ្លងសាហាវកម្រិតណា៕

ប្រែសម្រួល៖ Vann Vann

ប្រភព៖ BBC

ចុចអាន៖ វីរុសកូវីដបំប្លែងខ្លួនមហាគ្រោះថ្នាក់ឆ្លងតាមខ្យល់ ចូលដល់ហុងកុងហើយ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម