ព័ត៌មានអន្ដរជាតិ
ដឹងទេមាន វីរុសកូវីដបំប្លែងខ្លួន ប៉ុន្មានទម្រង់លេចចេញមកក្នុងឆ្នាំ ២០២១ នេះ
រហូតមកដល់ពេលនេះវីរុសកូវីដ ១៩ នៅតែបន្តរីករាលដាលលើប្រទេសស្ទើរតែទូទាំងពិភពលោក ចាប់តាំងពីវាបានផ្ទុះឡើងកាលពីចុងឆ្នាំ ២០១៩ ។
ទន្ទឹមនោះក្នុងរយៈពេល ៣ ឆ្នាំកន្លងមកនេះកូវីដមិនបានថមថយឥទ្ធិពលចម្លងរបស់វានោះទេ ហើយថែមទាំងលេចឡើងទម្រង់ថ្មីៗជាច្រើនទៀតគួរឲ្យព្រួយបារម្ភ ។ ការបម្រែបម្រួលនៃវីរុសកូវីដថ្មីៗនេះត្រូវបានអ្នកជំនាញសុខាភិបាលឲ្យឈ្មោះថា “វីរុសកូវីដបំប្លែងខ្លួន” ។
គ្រាន់តែវីរុសកូវីដបំប្លែងខ្លួនដែលពិភពលោកត្រូវប្រឈមមុខកាលពីឆ្នាំ ២០២០ មានរហូតទៅដល់ ៨ ទម្រង់ឯណោះក្នុងនោះមានដូចជា វីរុសបំប្លែងខ្លួន Alpha, Belta, Gamma, Delta, Eta, Iota, Kappa និងវីរុសបំប្លែងខ្លួន Lambda ជាដើម ។
ចំណែកក្នុងឆ្នាំ ២០២១ នេះវិញវីរុសបំប្លែងខ្លួនថ្មីៗនៅតែអុកឡុកពិភពលោកក្នុងនោះមានដូចជាវីរុសបំប្លែងខ្លួន Omicron និង Omicron-Like ដែលឆ្លងសាហាវ និងរហ័ស ក៏ដូចជាធន់នឹងវ៉ាក់សាំងជាងវីរុសំប្លែងខ្លួន Delta ទៅទៀត ។
Omicron ត្រូវបានរកឃើញជាលើកដំបូងនៅអាហ្វ្រិកខាងត្បូង ហើយបានរាយការណ៍ទៅកាន់អង្គការសុខភាពពិភពលោក (WHO) នៅថ្ងៃទី ២៤ ខែវិច្ឆិកា ឆ្នាំ ២០២១ ។ នៅថ្ងៃទី ២៦ ខែវិច្ឆិកា ឆ្នាំ ២០២១ WHO បានកំណត់វីរុសប្រភេទ B.1.1.529 ជាវីរុសបំប្លែងខ្លួនគួរឲ្យព្រួយបារម្ភ ហើយដាក់ឈ្មោះវាថា “Omicron” ដែលជាអក្សរទី ១៥ នៅក្នុងតួអក្ខរក្រិក ។
ចំណែករោគសញ្ញារបស់ Omicron មានដូចជា ឡើងកម្ដៅ, ឈឺបំពង់ក, ក្អកស្ងួត, អស់កម្លាំង, កណ្តាស់, ជីពចរលោតញាប់, ឈឺក្បាល, បែកញើសពេលយប់ និងឈឺសាច់ដុំ ។
ចុងក្រោយគឺវីរុសបំប្លែងខ្លួន Omicron-Like ។ អាជ្ញាធររដ្ឋ Queensland របស់ប្រទេសអូស្ត្រាលីបានរកឃើញវីរុសកូវីដបំប្លែងខ្លួន Omicron ពូជថ្មីមួយនេះនៅក្នុងអ្នកដំណើរម្នាក់ដែលបានមកពីអាហ្វ្រិកខាងត្បូងកាលពីថ្ងៃទី៨ ខែធ្នូ ឆ្នាំ ២០២១ ។
ពូជថ្មីនេះមានការវិវត្តហ្សែនប្រហែលពាក់កណ្តាល ឬ ១៤ នៃវីរុសកូវីដបំប្លែងខ្លួន Omicron ប្រភេទដើម ដែលមានការវិវត្តហ្សែនជាង ៣០ ហើយមិនអាចត្រូវបានរកឃើញជាមួយនឹងការពិនិត្យធម្មតានោះទេ ។
គួរបញ្ជាក់ថា ចាប់តាំងពីវីរុសបំប្លែងខ្លួន Omicron ផ្ទុះឡើង ប្រទេសភាគច្រើននៅលើពិភពលោកបានរឹតត្បិត និងរឹតបន្តឹងអ្នកដំណើរមកពីប្រទេសអាហ្វ្រិកដើម្បីទប់ស្កាត់ការរីករាលដាលនៃវីរុសនេះ ប៉ុន្តែទោះជាយ៉ាងណាក៏ដោយអ្នកជំនាញអះអាងថា វ៉ាក់សាំងកូវីដនៅតែអាចការពារការឈឺធ្ងន់ធ្ងរ និងការស្លាប់ពី Omicron បាន ៕
អត្ថបទ ៖ ជីវ័ន្ត
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ