ប្រទេស អាស៊ាន ចំនួន ៣ កត់ត្រាករណីគ្រោះថ្នាក់ចរាចរណ៍ថ្ងៃឆ្លងឆ្នាំ ស្លាប់ជាង ១០០ នាក់

ប្រទេសអាស៊ីអាគ្នេយ៍ (អាស៊ាន) ចំនួន ៣ ក្នុងនោះមាន កម្ពុជា ថៃ វៀតណាម បានកត់ត្រាពីករណីគ្រោះថ្នាក់ចរាចរណ៍ជាច្រើន ដោយមានទាំងអ្នកស្លាប់ និងរបួសនៅថ្ងៃចូលឆ្នាំថ្មី ឆ្នាំសកល ២០២២ នេះ ។

សម្រាប់ព្រះរាជាណាចក្រកម្ពុជា មនុស្ស​ចំនួន ១៥ នាក់បាន​ស្លាប់ និង ២២ នាក់បាន​រងរបួស (​របួសស្រាល​ចំនួន ៤ នាក់ និង​របួសធ្ងន់​ចំនួន ១៨ នាក់​) នៅក្នុង​គ្រោះថ្នាក់ចរាចរណ៍​ទូទាំងប្រទេសនៅ​ថ្ងៃទី​១ ខែមករា ឆ្នាំ​២០២២ នេះ ។​

ចំណែកបើយោងតាមការធ្វើបច្ចុប្បន្នភាពចុងក្រោយពីមជ្ឈមណ្ឌលបង្ការ និងកាត់បន្ថយគ្រោះថ្នាក់ចរាចរណ៍ថៃបានឲ្យដឹងថា មនុស្ស ៧៣ នាក់បានស្លាប់ និង ៥៧៤ នាក់ផ្សេងទៀតបានរងរបួសនៅក្នុងគ្រោះថ្នាក់ចរាចរណ៍ចំនួន ៥៧៤ លើកនៅទូទាំងប្រទេសថៃនៅថ្ងៃចូលឆ្នាំសកល ដោយសារការបើកបរក្នុងស្ថានភាពស្រវឹង ។

រីឯបើ​តាម​គណៈកម្មាធិការ​ជាតិ​សុវត្ថិភាព​ចរាចរណ៍របស់វៀតណាមបានឲ្យដឹងថា នៅថ្ងៃដំបូងនៃឆ្នាំ ២០២២ មនុស្ស ១៥ នាក់បានស្លាប់ និង ១២ នាក់ផ្សេងទៀតរងរបួសក្នុងគ្រោះថ្នាក់ចរាចរណ៍ទូទាំងប្រទេសវៀតណាម ។

គួរបញ្ជាក់ថា ទិន្នន័យនេះគឺគិតត្រឹមថ្ងៃទី១ ខែមករា ឆ្នាំ២០២២ ខណៈអ្នកស្លាប់ពីគ្រោះថ្នាក់ចរាចរណ៍សរុបក្នុងប្រទេសទាំង ៣ មានចំនួន ១០៣ នាក់ និងមានអ្នករបួស ៦០៨ នាក់ ខណៈទាំងចំនួនអ្នកស្លាប់ និងរបួសប្រទេសថៃខ្ពស់ជាងគេ ៕

ប្រែសម្រួលដោយ ៖ ជីវ័ន្ត

ប្រភព ៖ Tuio Tre / Thai PBS

ចុចអាន ៖ ធ្លាយរូបថតស្រាតននលគករបស់ Selena Gomez ចេញពី iCloud