ព័ត៌មានអន្ដរជាតិ
ក្នុងជំនួបជាមួយអាមេរិក រុស្ស៊ីថា គ្មានចេតនាឈ្លានពានអ៊ុយក្រែនទេ
ប្រទេសរុស្ស៊ីបានប្រាប់សហរដ្ឋអាមេរិកថា ខ្លួនគ្មានចេតនាឈ្លានពានអ៊ុយក្រែនទេ។ នេះជាការលើកឡើងបន្ទាប់ពីមន្ត្រីនៃប្រទេសទាំងពីរ ជួបប្រជុំគ្នាសម្រាប់កិច្ចពិភាក្សាកម្រិតខ្ពស់នៅក្នុងទីក្រុងហ្សឺណែវ ប្រទេសស្វីស។
អនុរដ្ឋមន្ត្រីការបរទេសរុស្ស៊ី លោក Sergei Ryabkov បានប្រាប់អ្នកយកព័ត៌មានក្រោយកិច្ចប្រជុំនោះថា “យើងបានពន្យល់ដល់សហការីរបស់យើងថា យើងមិនមានផែនការ គ្មានចេតនាវាយប្រហារអ៊ុយក្រែនឡើយ”។
រុស្ស៊ីបានប្រាប់សមភាគីអាមេរិករបស់ពួកគេថា រាល់វិធានការសម្រាប់ការហ្វឹកហ្វឺនកងទ័ព និងកងកម្លាំងប្រយុទ្ធ ត្រូវបានអនុវត្តនៅក្នុងទឹកដីរបស់យើងហើយថា គ្មានហេតុផលអ្វីដែលត្រូវភ័យខ្លាចដល់សេណារីយ៉ូនៃការកើនឡើងភាពតានតឹងណាមួយនៅក្នុងរឿងនេះទេ។
បន្ទាប់ពីកិច្ចប្រជុំរយៈពេលប្រាំពីរម៉ោងកាលពីថ្ងៃចន្ទ ភាគីទាំងពីរបានយល់ព្រមបន្តកិច្ចខិតខំប្រឹងប្រែងដើម្បីកាត់បន្ថយភាពតានតឹង។ ប៉ុន្តែមិនមានសញ្ញានៃការទម្លាយភាពទាល់ច្រកទេបន្ទាប់ពីកិច្ចពិភាក្សានោះ។
ទាហានរុស្ស៊ីប្រហែល ១០០,០០០ នាក់ត្រូវបានគេជឿថា នៅជិតព្រំដែនជាមួយប្រទេសអ៊ុយក្រែន ដែលបង្កឲ្យមានភាពភ័យខ្លាចអំពីការលុកលុយ និងការព្រមានពីលោកខាងលិច។ អាមេរិកនិយាយថា នឹងមានទណ្ឌកម្មប្រសិនបើរុស្ស៊ីវាយប្រហារអ៊ុយក្រែនពិតមែន។
ទន្ទឹមនឹងនេះ រុស្ស៊ីបានព្រមានសហរដ្ឋអាមេរិកកុំឲ្យមើលស្រាលហានិភ័យ ពាក់ព័ន្ធនឹងការប្រឈមមុខដាក់គ្នារបស់ទីក្រុងមូស្គូ ជាមួយលោកខាងលិច។
គួរបញ្ជាក់ថា នេះជាឱកាសដំបូងដែលអ្នកការទូតរុស្ស៊ី និងអាមេរិកបានជួបពិភាក្សាទល់មុខគ្នា ដើម្បីដោះស្រាយបញ្ហាអ៊ុយក្រែន និងការទាមទាររបស់រុស្ស៊ីឲ្យអង្គការណាតូ ដកទ័ពពីអឺរ៉ុបខាងកើត៕
ប្រែសម្រួល៖ Vann Vann
ប្រភព៖ BBC
ចុចអាន៖ អង់គ្លេស ព្រមាន រុស្ស៊ី ប្រឈមផលវិបាក បើឈ្លានពានអ៊ុយក្រែន
-
ព័ត៌មានជាតិ៤ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៧ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
កីឡា១ សប្តាហ៍ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៦ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ២ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៣ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ