ព័ត៌មានអន្ដរជាតិ
អង់គ្លេស ព្រមាន រុស្ស៊ី ប្រឈមផលវិបាក បើឈ្លានពានអ៊ុយក្រែន
រដ្ឋមន្ត្រីការបរទេសអង់គ្លេសលោកស្រី Liz Truss បានព្រមានរុស្ស៊ីថា ពួកគេនឹងប្រឈមមុខផលវិបាកផ្នែកសេដ្ឋកិច្ច ប្រសិនបើឈ្លានពានអ៊ុយក្រែន។
លោកស្រីនិយាយថា កិច្ចប្រជុំរដ្ឋមន្ត្រីការបរទេស G7 ក្នុងទីក្រុង Liverpool នៅចុងសប្តាហ៍នេះ នឹងបង្ហាញពីការរួបរួម និងបញ្ជាក់ច្បាស់ៗថា ទង្វើបែបនេះនឹងក្លាយជា កំហុសយុទ្ធសាស្ត្រ។ ចក្រភពអង់គ្លេស និងសម្ព័ន្ធមិត្តត្រូវតែរារាំងរុស្ស៊ី ពីការធ្វើសកម្មភាពនោះ។
ភាពតានតឹងកំពុងកើនឡើងខ្លាំង ខណៈទីក្រុងមូស្គូដាក់ពង្រាយកងទ័ពនៅព្រំដែនអ៊ុយក្រែន ប៉ុន្តែវិមានក្រឹមឡាំងបានបដិសេធថា ខ្លួនគ្មានគម្រោងឈ្លានពានទេ។
ដោយបញ្ជាក់សារជាថ្មីអំពីការព្រមានលើកមុនពីសហរដ្ឋអាមេរិកនិងសម្ព័ន្ធមិត្ត លោកស្រី Truss បាននិយាយថា ក្រុមប្រទេស G7 នឹងពិតជារឹងមាំនៅក្នុងជំហរប្រឆាំងការឈ្លានពាន ទាក់ទងនឹងអ៊ុយក្រែន។
ប្រទេសអ៊ុយក្រែនមានព្រំដែនជាប់ទាំង EU និងរុស្ស៊ី ប៉ុន្តែក្នុងនាមជាអតីតសាធារណរដ្ឋសូវៀត អ៊ុយក្រែនមានទំនាក់ទំនងសង្គម និងវប្បធម៌យ៉ាងស៊ីជម្រៅជាមួយរុស្ស៊ី។
ទោះបីជាយ៉ាងណាក៏ដោយ រុស្ស៊ីបានចោទប្រកាន់អ៊ុយក្រែនពីការបង្កហេតុ ហើយស្វែងរកការធានា ប្រឆាំងនឹងការពង្រីក និងការដាក់ពង្រាយអាវុធរបស់ណាតូនៅភាគខាងកើត ជិតព្រំដែនរបស់ខ្លួន។
មុនពេលកិច្ចប្រជុំ G7 លោកស្រី Truss បានជួបពិភាក្សាជាមួយរដ្ឋមន្ត្រីការបរទេសអ៊ុយក្រែន លោក Dmytro Kuleba ក្នុងទីក្រុងឡុងដ៍។
នៅពេលសួរថាតើ លោកស្រីអាចបដិសេធការឆ្លើយតបខាងយោធាចំពោះការឈ្លានពានរបស់រុស្ស៊ីដែរឬទេ លោកស្រី Truss បាននិយាយថា ចក្រភពអង់គ្លេសកំពុងធ្វើការជាមួយអ៊ុយក្រែនលើសមត្ថភាពការពារនិងសន្តិសុខ៕
ប្រែសម្រួល៖ Vann Vann
ប្រភព៖ BBC
-
ព័ត៌មានអន្ដរជាតិ៣ ថ្ងៃ ago
កម្ពុជា ជាមេកន្ទ្រាញគ្រងលើអត្រាស្ទុះងើបឡើងវិញនៃវិស័យទេសចរណ៍ខ្ពស់ជាងគេនៅអាស៊ាន
-
KPT+២ ថ្ងៃ ago
ខ្លះៗពីទិវាកុហក ១ មេសា ឬ April Fools’ Day
-
ព័ត៌មានជាតិ៣ ថ្ងៃ ago
មន្ត្រីរាជការ កងកម្លាំងប្រដាប់អាវុធ ពាក់ព័ន្ធការទន្ទ្រានយកដីរដ្ឋ នឹងត្រូវបញ្ចប់តួនាទី
-
ចរាចរណ៍៥ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ២ ថ្ងៃ ago
ក្រុមហ៊ុនអ្នកឧកញ៉ា គិត ម៉េង ប្រកាសបង្កើតតំបន់សេដ្ឋកិច្ចពិសេសថ្មីមួយទៀតនៅខេត្តកណ្តាល
-
ព័ត៌មានអន្ដរជាតិ២៤ ម៉ោង ago
អ៊ីស្រាអែល វាយប្រហារកម្ទេចស្ថានកុងស៊ុលអ៊ីរ៉ង់ សម្លាប់ទាំងមេទ័ពកំពូល
-
ព័ត៌មានអន្ដរជាតិ៧ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore
-
ព័ត៌មានជាតិ១ សប្តាហ៍ ago
ផ្លូវប្របមាត់ព្រែកពីគល់ស្ពានថ្មីដល់ស្ពានចាស់ រួមជាមួយសួនកម្សាន្ត និងលេចរូបរាងឆាប់ៗក្នុងខេត្តកំពត