ព័ត៌មានអន្ដរជាតិ
លោកខាងលិចប្តេជ្ញា«សាមគ្គីគ្នា»ដើម្បីឆ្លើយតបរុស្ស៊ីជុំវិញអ៊ុយក្រែន
សហរដ្ឋអាមេរិក និងប្រទេសលោកខាងលិចបានស្វែងរកការរួបរួមគ្នា និងគោលជំហររឹងមាំជុំវិញអ៊ុយក្រែនកាលពីថ្ងៃព្រហស្បតិ៍ បន្ទាប់ពីប្រធានាធិបតីអាមេរិក លោក ចូ បៃដុន បានស្នើសម្ព័ន្ធមិត្តបំបែកគ្នាពីរពីរបៀបឆ្លើយតបទៅនឹងការវាយប្រហារតិចតួចឥទ្ធិពលណាមួយពីរុស្ស៊ី។
លោក បៃដិន បានប្តេជ្ញាគាំទ្រជាថ្មីចំពោះការលើកឡើងរបស់លោកកាលពីថ្ងៃពុធដោយបាននិយាយបន្ថែមនៅថ្ងៃព្រហស្បតិ៍ងថា ៖«ខ្ញុំច្បាស់លាស់ណាស់ជាមួយលោកប្រធានាធិបតី វ្លាឌីមៀរ ពូទីន។ គាត់មិនយល់ច្រឡំទេ។ ប្រសិនបើអង្គភាពប្រមូលផ្តុំរបស់រុស្ស៊ីណាមួយឆ្លងបន្ទាត់ព្រំដែនចូលអ៊ុយក្រែន នោះគឺជាការឈ្លានពាន»។
លោក បៃដិន បានប្រាប់អ្នកកាសែតថា ៖«ការឈ្លានពានបែបនេះនឹងត្រូវបានឆ្លើយតបវិញយ៉ាងធ្ងន់ធ្ងរ និងសម្របសម្រួល ការឆ្លើយតបសេដ្ឋកិច្ច ដូចដែលបានពិភាក្សាលំអិតជាមួយសម្ព័ន្ធមិត្តរបស់យើង ដូចដែលបានគូសបញ្ជាក់ច្បាស់ជាមួយលោក ពូទីន»។
ការលើកឡើងរបស់លោកស្របទៅនឹងកិច្ចខិតខំប្រឹងប្រែងពីសមាជិកផ្សេងទៀតនៃរដ្ឋបាលកាលពីព្រឹកថ្ងៃព្រហស្បតិ៍ និងយប់ថ្ងៃពុធ នៅពេលសេតវិមានបានព្យាយាមលុបបំបាត់រាល់ការលើកឡើងណាមួយដែលថា ការលុកលុយយោធារុស្ស៊ីកម្រិតតូចជាងអាចត្រូវនឹងការឆ្លើយខ្សោយជាងរបស់អាមេរិក។
រុស្ស៊ីបានដាក់ពង្រាយកងទ័ពរាប់ពាន់នាក់នៅព្រំដែនជាមួយអ៊ុយក្រែន ហើយប្រទេសលោកខាងលិចបារម្ភថា រដ្ឋាភិបាលក្រុងមូស្គូកំពុងរៀបផែនការវាយប្រហារជាថ្មីលើប្រទេសដែលពួកគេបានវាយប្រហារម្តងហើយកាលពីឆ្នាំ២០១៤។ រុស្ស៊ីបានបដិសេធចំពោះផែនការវាយប្រហារណាមួយ ប៉ុន្តែនិយាយថា ខ្លួនអាចធ្វើសកម្មភាពយោធាមិនជាក់លាក់ ប្រសិនបើបញ្ជីនៃសេចក្តីត្រូវការរបស់ខ្លួនមិនបានសម្រេច ក្នុងនោះចង់ឲ្យមានការសន្យាពីអង្គការណាតូឈប់ទទួលស្គាល់អ៊ុយក្រែនជាសមាជិកជាដើម។
លោក បៃដិន បាននិយាយថា ៖«វាជារឿងមួយ ប្រសិនបើការលុកលុយកម្រិតតូច ហើយយើងត្រូវតែតស៊ូពីអ្វីដែលគួរធ្វើ និងអ្វីដែលមិនគួរធ្វើ» និងបានបន្ថែមថា បើមានការលុកលុយមែននោះគឺជាគ្រោះថ្នាក់សម្រាប់រុស្ស៊ី។
ការលើកឡើងរបស់លោក បៃដិន កាលពីថ្ងៃពុធបានបញ្ជូនទៅរដ្ឋបាលរបស់លោក និងសម្ព័ន្ធមិត្តយ៉ាងឆាប់រហ័សចូលទៅក្នុងរបៀបគ្រប់គ្រងខូចខាតដោយសង្កត់ធ្ងន់ពី«ការរួបរួម»។
រដ្ឋមន្ត្រីក្រសួងការពារជាតិអាមេរិក លោក Antony Blinken បាននិយាយក្នុងសន្និសីទជាមួយរដ្ឋមន្ត្រីការបរទេសអាល្លឺម៉ង់លោកស្រី Annalena Baerbock ដែលកំពុងទស្សនកិច្ចនៅទីក្រុងប៊ែកឡាំងជួបរដ្ឋមន្ត្រីអង់គ្លេស បារាំង និងអាល្លឺម៉ង់ថា ៖«មិនថាផ្លូវអ្វីដែលរុស្ស៊ីជ្រើសរើសទេ វានឹងស្វែងរកអាមេរិក អាល្លឺម៉ង់ និងសម្ព័ន្ធមិត្តរបស់យើងផ្សេង គឺត្រូវតែសាមគ្គីគ្នា»។
ចំណែកលោកស្រី Baerbock មានប្រសាសន៍ថា ៖«យើងខ្ញុំទាមទារជាបន្ទាន់ឲ្យរុស្ស៊ីចាត់វិធានការឆ្ពោះទៅរកការថយក្រោយ។ ឥរិយាបថឃ្លានពាន ឬ ការឈ្លានពានណាមួយនឹងជាលំផលវិបាកធ្ងន់ធ្ងរសម្រាប់រុស្ស៊ី»៕
ប្រែសម្រួល៖ វីរបុត្រ
ប្រភព៖ reuters
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ