ព័ត៌មានអន្ដរជាតិ
បៃដិន រៀបចំបញ្ជូនទាហាន យន្តហោះនិងនាវាចម្បាំងទៅកៀក រុស្ស៊ី (មានវីដេអូ)
លោកប្រធានាធិបតី ចូ បៃដិន កំពុងពិចារណាដាក់ពង្រាយទាហានអាមេរិកជាច្រើនពាន់នាក់ ក៏ដូចជានាវាចម្បាំង និងយន្តហោះចម្បាំងផងដែរ ទៅកាន់សម្ព័ន្ធមិត្តអង្គការណាតូនៅតំបន់បាល់ទិក និងអឺរ៉ុបខាងកើត ដែលនេះជាការបង្ហាញការចូលរួមកាន់តែធំរបស់យោធាអាមេរិក ចំពេលមានក្តីព្រួយបារម្ភកាន់តែខ្លាំងឡើង អំពីការលុកលុយរបស់រុស្ស៊ីក្នុងប្រទេសអ៊ុយក្រែន។
ទង្វើនេះនឹងបង្ហាញពីចំណុចរបត់ដ៏សំខាន់សម្រាប់រដ្ឋបាលរបស់លោក បៃដិន ដែលតែងតែប្រកាន់ជំហរអត់ធ្មត់លើបញ្ហាអ៊ុយក្រែន។ ប៉ុន្តែដោយសារប្រធានាធិបតីរុស្ស៊ីលោក វ្ល៉ាឌីមៀរ ពូទីន បានបង្កើនសកម្មភាពគម្រាមកំហែងរបស់គាត់ចំពោះអ៊ុយក្រែន ហើយកិច្ចពិភាក្សារវាងមន្ត្រីអាមេរិក និងរុស្ស៊ីមិនបានទទួលជោគជ័យក្នុងការបន្ធូរបន្ថយភាពតានតឹងនោះ ឥឡូវនេះ រដ្ឋបាលអាមេរិកកំពុងងាកចេញពីយុទ្ធសាស្ត្រមិនបង្កហេតុរបស់ខ្លួន។
មន្ត្រីរដ្ឋបាលអាមេរិកបាននិយាយក្នុងលក្ខខណ្ឌមិនបញ្ចេញឈ្មោះថា ក្នុងកិច្ចប្រជុំមួយកាលពីថ្ងៃសៅរ៍ទី២២ខែមករានៅឯ Camp David ក្នុងរដ្ឋ Maryland, មន្ត្រីជាន់ខ្ពស់មន្ទីរបញ្ចកោណបានបង្ហាញដល់លោក បៃដិន នូវជម្រើសជាច្រើន ដែលនឹងបញ្ជូនគ្រឿងសព្វាវុធយោធាអាមេរិក ចូលកាន់តែជិតទៅមាត់ទ្វាររបស់លោក ពូទីន។
ជម្រើសរួមមានការបញ្ជូនទាហានពី១,០០០ទៅ៥,០០០នាក់ ទៅកាន់បណ្តាប្រទេសនៅអឺរ៉ុបខាងកើត ជាមួយនឹងសក្តានុពលក្នុងការបង្កើនចំនួននោះដប់ដង ប្រសិនបើស្ថានការណ៍កាន់តែយ៉ាប់យ៉ឺន។
លោក បៃដិន ត្រូវបានគេរំពឹងថានឹងធ្វើការសម្រេចចិត្តនៅដើមសប្តាហ៍នេះ។ លោកកំពុងថ្លឹងថ្លែងអំពីការបង្កើនទ័ព ខណៈរុស្ស៊ីបង្កើនការគំរាមកំហែងដល់អ៊ុយក្រែន រួមទាំងការប្រមូលផ្តុំកងទ័ព និងសព្វាវុធច្រើនជាង១០០,០០០នាក់នៅតាមព្រំដែន និងការឈរជើងរបស់កងកម្លាំងរុស្ស៊ីនៅក្នុងប្រទេសបេឡារុស្សផងដែ៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ NY Times
ចុចអាន៖ អ៊ុយក្រែន ទទួល បាន អាវុធផ្នែក ទី ២ ពី អាមេរិក ចំពេលកំពុងក្តៅនឹងរុស្ស៊ី
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានជាតិ១២ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)