Connect with us

ព័ត៌មានអន្ដរជាតិ

លោក​ស្រីប្រធានាធិបតី​សិង្ហបុរី​អបអរ​​ចិន​ចំពោះ​ការ​បើក​កីឡា​អូឡាំពិក​ដ៏​ជោគជ័យ​

បានផុស

នៅ

ប្រធានាធិបតី​សិង្ហបុរី លោកស្រី Halimah Yacob បាន​ជួប​ប្រធានាធិបតី​ចិន លោក ស៊ី ជីនពីង កាល​ពី​ថ្ងៃ​ទី​៦ ខែ​កុម្ភៈ​នេះ​នៅ​ប្រទេស​ចិន និង​បាន​ធ្វើ​ការ​​អបអរសាទរ​ដល់​​មេ​ដឹក​នាំ​ចិន​ដែល​បាន​​រៀប​ចំ​ពិធី​បើក​កីឡា​អូឡាំពិក​រដូវ​រងា​នៅ​ក្រុង​ប៉េកាំង​បាន​ជោគជ័យ។​

ក្រសួង​ការ​បរទេស​សិង្ហបុរី​បាន​និយាយ​ថា ៖«​មេ​ដឹក​នាំ​ទាំង​ពីរ​បាន​បញ្ជាក់​ជា​ថ្មី​អំពី​ស្ថានភាព​នៃ​ទំនាក់​ទំនង​ទ្វេ​ភាគី​ដែល​រក្សា​បាន​នូវ​សន្ទុះ​វិជ្ជមាន​​ចំពេល​វិបត្តិ​កូវីដ-១៩​»។

លោកស្រី Halimah Yacob និង​លោក ស៊ី
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក​ស្រីប្រធានាធិបតី Halimah និង​លោក​ ស៊ី ក៏​បាន​ស្វាគមន៍​​​​ចំពោះ​ការចុះហត្ថលេខា​លើ​អនុស្សរណៈនៃការយោគយល់ (MOU) ដែលនឹង​ផ្តល់​ឲ្យ​ក្រប​ខណ្ឌ​មួយ​សម្រាប់​កិច្ច​សហ​ប្រតិបត្តិការ​ទ្វេ​ភាគី​ស្តី​ពីការ​អភិក្ស និង​​ស្រាវ​ជ្រាវ​ខ្លាឃ្មុំ​យក្ស។ ​អនុស្សរណៈនៃការយោគយល់​គ្នា​​ត្រូវ​បាន​ចុះ​ហត្ថលេខាធិការ​ដោយ​​​ក្រសួង​ពាណិជ្ជកម្ម​ និង​ឧស្សាហកម្ម​សិង្ហបុរី និង​រដ្ឋបាលព្រៃឈើ​ជាតិ​របស់​ចិន (NFGA)។

លោក​ស្រី Halimah និង​លោក​ ស៊ី ក៏​បាន​បង្ហាញ​ពី​ឈ្មោះ​ផ្ទះ​និស្សិត​មួយ​ដែល​ត្រូវ​បាន​កសាង​នៅ​តំបន់ Pengshui County ក្នុង​ទី​ក្រុង Chongqing ដែល​ជា​ផ្នែក​មួយ​នៃ​គម្រោង​សប្បុរស​ធម៌​​ចាប់ផ្តើម​​ឡើង​ដោយ​សហគមន៍​សិង្ហបុរី​នៅ​ប្រទេស​ចិន។ ផ្ទះ​និស្សិត​​ក៏​ជា​ផ្នែក​មួយ​នៃ​ការ​រំលឹក​ខួប​លើក​ទី​៣០​នៃ​ទំនាក់​ទំនង​ការ​ទូត​សិង្ហបុរី-ចិន​កាល​ពី​ឆ្នាំ​២០២០។

ផ្ទះ​និស្សិត​ឈ្មោះ Zhixinlou មាន​កម្ពស់​​៤​ជាន់​ដែល​អាច​ឲ្យ​និស្សិត​ជាង​១០០​នាក់​ស្នាក់​នៅ និង​ផ្តល់​ឲ្យ​និស្សិត​ជួប​ការ​លំបាក​សម្រាប់​បន្ត​ការ​សិក្សា។

​ក្រសួង​ការបរទេស​សិង្ហបុរីថា ៖«លោក​ស្រី​ប្រធានាធិបតី និង​លោក​ ស៊ី បាន​ឯកភាព​គ្នា​ថា ប្រទេសទាំង​ពីរ​នឹង​ធ្វើ​ការ​រួម​គ្នា​ជិត​ស្និទ្ធ​ទៀត​ដើម្បី​ពង្រឹង​ទំនាក់​ទំនាក់​ទ្វេ​ភាគី​ឲ្យ​កាន់​តែ​ប្រសើរ​ឡើង»។ កាល​ពី​ថ្ងៃ​សៅរ៍ លោក​ស្រី Halimah ក៏​បាន​ជួប​លោក​នាយក​នាយក​រដ្ឋ​មន្ត្រី​​ចិន Li Keqiang ដែរ។

សូម​បញ្ជាក់​ថា លោក​ប្រធានាធិបតី​ចិន ស៊ី បាន​ជួប​​មេដឹក​នាំ​ពិភព​លោក​ជា​ច្រើន​មាន​ដូច​ជា មេ​ដឹក​នាំ​រុស្ស៊ី ស៊ែប៊ី អេហ្ស៊ីប កាហ្សាក់ស្ថាន អ៊ូសបេគីស្ថាន និងតូមិននីស្ថានជា​ដើម ដែល​មាន​វត្តមាន​នៅ​ប្រទេស​ចិន​ដើម្បី​ចូល​រួម​ពិធី​បើក​កីឡា​អូឡាំពិក​រដូវ​រងានៅ​ទី​ក្រុង​ប៉េកាំង៕

ប្រែ​សម្រួល៖ វីរបុត្រ
ប្រភព៖ CNA

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សេចក្ដីជូនដំណឹង១ ម៉ោង មុន

គុណភាព​ល្អឥតខ្ចោះ​! ខុន​ដូ​ប្រណិត​រំដួល​ស៊ី​ធី​លំដាប់​ខ្ពស់​ដំបូង​នៅ​ភ្នំពេញ​ត្រូវបាន​ប្រគល់ជូន​ជា​ផ្លូវការ​

សេចក្ដីជូនដំណឹង១ ម៉ោង មុន

សេចក្ដីជូនដំណឹងស្ដីពីការអញ្ជើញចូលរួមដេញថ្លៃគម្រោងទិញឧបករណ៍បញ្ជូនស៊ីញ៉ាល់ប្រចាំឆ្នាំ២០២៤

ព័ត៌មានជាតិ២ ម៉ោង មុន

សារមន្ទីរព្រះស្រីឦសានវរ្ម័ន ចាប់ដៃគ្នាជាមួយសមាគមធនាគារនៅកម្ពុជា ដើម្បីលើកកម្ពស់ចំណេះដឹងហិរញ្ញវត្ថុយុវជន

ព័ត៌មានអន្ដរជាតិ២ ម៉ោង មុន

Breaking News! ប្រធានាធិបតី វៀតណាម ប្រកាសលាលែងពីតំណែង

ជីវិតកម្សាន្ដ២ ម៉ោង មុន

នេន ទុំ ប្រកាស​ផលិតចម្រៀង​បន្សល់ទុកស្នាដៃចុងក្រោយដល់​វីរ:សិល្បករអាយ៉ៃលោក ព្រហ្ម ម៉ាញ 

Sokha Hotels

ព័ត៌មានពេញនិយម