ព័ត៌មានអន្ដរជាតិ

ហាងស្រាអាយុជាងមួយសហស្សវត្សនៅអង់គ្លេសបិទទ្វារព្រោះវិបត្តិកូវីដ

បានផុស

៤ years មុន

នៅ

ថ្ងៃពុធ ៩ កុម្ភៈ ២០២២

ដោយ

ហាងស្រា Ye Olde Fighting Cocks ស្ថិតនៅផ្លូវ Albans ភាគខាងជើងទីក្រុងឡុងដ៍បានចាប់ផ្តើមបើកដំណើរការអាជីវកម្មតាំងពីឆ្នាំ៧៩៣។ នេះបើយោងតាមវេបសាយរបស់ហាង។

យោងតាមសេចក្តីប្រកាសរបស់លោក Christo Tofalli ដែលផ្សាយនៅលើផេករបស់ហាងកាលពីថ្ងៃសុក្រថា ឥឡូវហាងបានបិទទ្វារអាជីវកម្មរបស់ខ្លួនហើយ បន្ទាប់ពីជួបបញ្ហាស្ថានភាពហិរញ្ញវត្ថុ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Tofalli បានសរសេរថា ៖«យូរមកហើយជាមួយក្រុមការងារ ខ្ញុំបានព្យាយាមធ្វើអ្វីគ្រប់យ៉ាងដើម្បីបន្តហាងឲ្យដំណើរការ។ ទោះបីជាយ៉ាងណា រយៈពេល២ឆ្នាំចុងក្រោយនេះ មានបញ្ហាធ្ងន់ធ្ងរមិនធ្លាប់មានពីមុនសម្រាប់ឧស្សាហកម្មបដិសណ្ឋារកិច្ច និងបានយកឈ្នះពួកយើងទាំងអស់គ្នាដែលបានកំពុងខំប្រឹងប្រែងយ៉ាងខ្លាំងដើម្បីធានាហាងដែលឈ្នះពានរង្វាន់រាប់មិនអស់នេះអាចបន្តបើកនាថ្ងៃខាងមុខទៀត»។

លោក Tofalli បាននិយាយថា លក្ខខណ្ឌពាណិជ្ជកម្មជួបបញ្ហាលំបាកខ្លាំងតាំងពីមុនពេលវិបត្តិកូវីដ-១៩កើតឡើង ប៉ុន្តែផលប៉ះពាល់ដោយសារកូវីដបានបំផ្លិចបំផ្លាញបន្ថែមទៀត និងបានចាកចេញពីហាងស្រាដែលតស៊ូបំពេញកាតព្វកិច្ចហិរញ្ញវត្ថុរបស់ខ្លួន។

លោកបានសរសេរថា ៖«វាទៅដោយគ្មានវាចា ខ្ញុំពិតជាខូចចិត្តខ្លាំងណាស់។ ហាងស្រានេះមានអ្វីពិសេសច្រើនលើសពីអាជីវកម្មសម្រាប់ខ្ញុំ ហើយខ្ញុំមានកិត្តិយសដែលបានរួមចំណែកជាផ្នែកមួយតូចនៅក្នុងប្រវត្តិសាស្ត្ររបស់វា»។

ឧស្សាហកម្មហាងស្រានៅចក្រភពអង់គ្លេសបានកំពុងវេទនាតាំងពីមុនពេលវិបត្តិកូវីដ ស្របពេលមនុស្សម្នាបានផ្អាកពិសាគ្រឿងស្រវឹងនៅក្លឹបកម្សាន្ត បារ ភោជនីយដ្ឋាន និងផ្ទះសម្បែងង។

យោងតាមការិយាល័យស្ថិតិជាតិអង់គ្លេសបានឲ្យដឹងថា ចន្លោះឆ្នាំ២០០៨ និង២០១៨ ហាងស្រាជាង១១០០០កន្លែងបានបិទទ្វារ។ កាត់បន្ថយចំនួនសរុបជិត១ភាគ៤។

យោងតាមក្រុមប្រឹក្សាទេសចរណ៍ក្នុងស្រុកបានបង្ហាញថា រចនាបថសំខាន់របស់ហាងស្រា Ye Olde Fighting Cocks ត្រូវបានកសាងក្នុងសតវត្សរ៍ទី១១ និងដើមឡើយត្រូវបានគេប្រើសម្រាប់ជាផ្ទះព្រាប៕

ប្រែសម្រួល៖ វីរបុត្រ
ប្រភព៖ CNN

Related Topics: