ព័ត៌មានអន្ដរជាតិ

កូរ៉េខាងជើងថា កម្មវិធីនុយក្លេអ៊ែររបស់ខ្លួននឹងមិនវិលថយក្រោយឡើយ

បានផុស

១១ វិនាទី មុន

នៅ

ថ្ងៃអាទិត្យ ១៤ មិថុនា ២០២៦

ដោយ

សារព័ត៌មានកូរ៉េខាងជើង បានឲ្យដឹងនៅថ្ងៃទី១៤ ខែមិថុនា ថា ការលុបបំបាត់អាវុធនុយក្លេអ៊ែរគឺជាបញ្ហាមួយដែលត្រូវបញ្ចប់ដោយមិនអាចត្រឡប់វិញបាន ខណៈដែលខ្លួនបានថ្កោលទោសការចរចាទប់ស្កាត់អាវុធនុយក្លេអ៊ែរថ្មីៗនេះរវាងសហរដ្ឋអាមេរិក និងកូរ៉េខាងត្បូង។

លោក គីម ជុងអ៊ុន បានចុះត្រួតពិនិត្យប្រព័ន្ធបាញ់មីស៊ីលកាលពីពេលកន្លងមក។ KCNA

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកនាំពាក្យក្រសួងការបរទេសកូរ៉េខាងជើង បាននិយាយនៅក្នុងសេចក្តីថ្លែងការណ៍មួយដែលចេញផ្សាយដោយទីភ្នាក់ងារព័ត៌មានមជ្ឈិមកូរ៉េ ដែលជាប្រព័ន្ធផ្សព្វផ្សាយរដ្ឋ (KCNA) ដោយប្រើអក្សរកាត់នៃឈ្មោះផ្លូវការរបស់ប្រទេសថា «វោហាសាស្ត្រគ្មានន័យរបស់សហរដ្ឋអាមេរិក និងកងកម្លាំងចំណុះពួកគេ [កូរ៉េខាងត្បូង] ប្រឆាំងនឹងកូរ៉េខាងជើង និងកិច្ចសហប្រតិបត្តិការក្នុងការបង្កការគំរាមកំហែងនុយក្លេអ៊ែរដល់ខ្លួន មិនអាចប៉ះពាល់ដល់ជំហរដែលមិនអាចត្រឡប់វិញបានរបស់កូរ៉េខាងជើងជារដ្ឋអាវុធនុយក្លេអ៊ែរនោះទេ»។

កូរ៉េខាងជើងបានបន្ថែមថា «ការលុបបំបាត់អាវុធនុយក្លេអ៊ែរគឺជាបញ្ហាដែលមិនអាចត្រឡប់ទៅវិញបានទេ»។

យោងទីភ្នាក់ងារព័ត៌មានរ៉យទ័រ នៅថ្ងៃទី១១ ខែមិថុនា មន្ត្រីសហរដ្ឋអាមេរិក និងកូរ៉េខាងត្បូងបានពិភាក្សាអំពីការពង្រឹងការទប់ស្កាត់អាវុធនុយក្លេអ៊ែរ និងការត្រៀមខ្លួនប្រឆាំងនឹងកម្មវិធីអាវុធដែលកំពុងកើនឡើងរបស់កូរ៉េខាងជើងនៅក្នុងកិច្ចចរចានៅទីក្រុងសេអ៊ូលក្រោមក្រុមប្រឹក្សានុយក្លេអ៊ែរ (NCG) របស់ពួកគេ។

ប្រធានាធិបតីសហរដ្ឋអាមេរិក លោក ដូណាល់ ត្រាំ បាននិយាយ ក្រោយជំនួបជាមួយលោក ស៊ី ជីនពីង ប្រធានាធិបតីចិន នៅទីក្រុងប៉េកាំងកាលពីពាក់កណ្តាលខែឧសភាថា ប្រមុខដឹកនាំទាំងពីរបានពិភាក្សាគ្នាអំពីថា កូរ៉េខាងជើងមិនអាចជារដ្ឋនុយក្លេអ៊ែរបានទេ ប៉ុន្តែលោក ស៊ី ជីនពីង ទៅទស្សនកិច្ចនៅកូរ៉េខាងជើងកាលពីដើមខែមិថុនានេះ មិនបានលើកឡើងថា ពីការលុបបំបាត់នុយក្លេអ៊ែរ ជាមួយមេដឹកនាំកូរ៉េខាងជើង លោក គីម ជុងអ៊ុនទេ។

លើសពីនេះ កូរ៉េខាងត្បូងបានប្រឹងប្រែងតាមមធ្យោបាយការទូតទៅកាន់សភាពអឺរ៉ុប ដើម្បីធ្វើឲ្យណា មិនឲ្យមានការទទួលស្គាល់កូរ៉េខាងជើងជារដ្ឋនុយក្លេអ៊ែរនោះទេ៕

រ៉ាន់ រើយ