ព័ត៌មានអន្ដរជាតិ

យន្តហោះចម្បាំងអាមេរិកជួបគ្រោះថ្នាក់ធ្លាក់ ពេលកំពុងហ្វឹកហាត់នៅរដ្ឋវ៉ាស៊ីនតោន

បានផុស

២៩ វិនាទី មុន

នៅ

ថ្ងៃអាទិត្យ ១៤ មិថុនា ២០២៦

ដោយ

សេចក្តីរាយការណ៍របស់ CBS News របស់សហរដ្ឋអាមេរិក ដោយដកស្រង់មន្ត្រីមូលដ្ឋាន បានឲ្យដឹងថា យន្តហោះចម្បាំងមួយគ្រឿងរបស់សហរដ្ឋអាមេរិក បានធ្លាក់ចូលទៅក្នុងភ្នំមួយនៅរសៀលថ្ងៃសៅរ៍នៅក្នុងស្រុកយ៉ាគីម៉ា រដ្ឋវ៉ាស៊ីនតោន ដែលបង្កឱ្យមានភ្លើងឆេះព្រៃ។

ប្រភេទយន្តហោះ F/A-18 Hornet របស់សហរដ្ឋអាមេរិក។ U.S. Air Force

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការធ្លាក់យន្តហោះនេះបានកើតឡើងនៅម៉ោងប្រហែលថ្ងៃត្រង់នៅជិតបឹង Rimrock ក្នុងរដ្ឋវ៉ាស៊ីនតោន (Washington) ។ ការិយាល័យនគរបាលស្រុកយ៉ាគីម៉ា (Yakima) បាននិយាយថា អ្នកបើកយន្តហោះបានរងរបួសស្រាល បន្ទាប់ពីលោតចេញពីយន្តហោះ ហើយត្រូវបានបញ្ជូនទៅមន្ទីរពេទ្យ។

មន្ត្រី បាននិយាយថា ការធ្លាក់យន្តហោះនេះបានបង្កឱ្យមានអគ្គីភ័យនៅក្នុងតំបន់នោះ ដែលជំរុញឱ្យមានការជម្លៀសអ្នកបោះតង់ស្នាក់នៅ ខណៈដែលក្រុមពន្លត់អគ្គីភ័យបានខិតខំទប់ស្កាត់វា។

កងម៉ារីនសហរដ្ឋអាមេរិកបានប្រាប់បណ្តាញសារព័ត៌មាន KIRO-TV ដែលជាសាខារបស់ CBS នៅក្នុងសេចក្តីថ្លែងការណ៍មួយថា យន្តហោះដែលធ្លាក់នោះគឺជាយន្តហោះ F/A-18 Hornet «ដែលត្រូវបានចាត់តាំងឱ្យទៅក្រុមយន្តហោះម៉ារីនលេខ ១១ កងអនុសេនាធំយន្តហោះម៉ារីនលេខ ៣»។

សេចក្តីថ្លែងការណ៍នេះបានសរសេរថា យន្តហោះនេះ «បានជួបប្រទះនឹងគ្រោះថ្នាក់នៅលើអាកាសចរណ៍ដែលមិនបណ្តាលឱ្យស្លាប់ ខណៈពេលកំពុងធ្វើការហ្វឹកហាត់ជាប្រចាំប្រហែល ៨៨.៥ គីឡូម៉ែត្រ (៥៥ម៉ាយ) ភាគអាគ្នេយ៍នៃទីក្រុងស៊ីអាថល រដ្ឋវ៉ាស៊ីនតោន»។

នាយកដ្ឋានពន្លត់អគ្គីភ័យ Naches បាននិយាយថា អគ្គីភ័យកំពុងត្រូវបានពន្លត់ដោយឧទ្ធម្ភាគចក្រ និងយ៉ាងហោចណាស់ម៉ាស៊ីនមួយគ្រឿងពីក្រុមអ្នកជួយសង្គ្រោះព្រៃឈើជាតិ Okanogan-Wenatchee។

ឧទ្ធម្ភាគចក្រ និងយ៉ាងហោចណាស់ម៉ាស៊ីនមួយគ្រឿងពីក្រុមអ្នកជួយសង្គ្រោះព្រៃឈើជាតិ Okanogan-Wenatchee របស់សហរដ្ឋអាមេរិក ក៏បានចេញប្រតិបត្តិការពន្លត់អគ្គិភ័យនេះ។ ទំហំនៃអគ្គីភ័យមិនទាន់ដឹងច្បាស់លាស់នៅឡើយទេ។

មន្ត្រីបាននិយាយថា មូលហេតុនៃការធ្លាក់យន្តហោះកំពុងស្ថិតក្រោមការស៊ើបអង្កេត៕

ប្រែសម្រួល រើយ