Connect with us

ព័ត៌មានអន្ដរជាតិ

អ៊ុយក្រែន ឲ្យពេល រុស្ស៊ី ៤៨ ម៉ោង ពន្យល់សកម្មភាពយោធាតាមព្រំដែន

បានផុស

នៅ

រដ្ឋមន្ត្រីការបរទេសអ៊ុយក្រែនបាននិយាយកាលពីថ្ងៃសុក្រថា អ៊ុយក្រែនបានស្នើឲ្យរុស្ស៊ីពន្យល់ពីសកម្មភាពយោធារបស់ខ្លួននៅតាមព្រំដែននៃប្រទេសអ៊ុយក្រែនក្នុងរយៈពេល ៤៨ ម៉ោងបន្ទាប់ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Dmytro Kuleba បាននិយាយថា “យោងតាមឯកសារទីក្រុងវីយែន អ៊ុយក្រែនបានស្នើឲ្យរុស្ស៊ីផ្តល់ការពន្យល់លម្អិតអំពីសកម្មភាពយោធានៅក្នុងតំបន់ដែលនៅជាប់នឹងទឹកដីនៃអ៊ុយក្រែន និងនៅតំបន់គ្រីមៀដែលកាន់កាប់ជាបណ្តោះអាសន្ន” ។ .

លោកបាននិយាយនៅក្នុងសេចក្តីថ្លែងការណ៍មួយថា “រុស្ស៊ីត្រូវផ្តល់ការពន្យល់លម្អិតអំពីគោលបំណង ទីតាំងច្បាស់លាស់ និងកាលបរិច្ឆេទនៃការបញ្ចប់សកម្មភាពយោធារបស់ខ្លួន ក៏ដូចជាការកំណត់ ការចាត់តាំង ចំនួន និងប្រភេទនៃការបង្កើតទ័ព ព្រមទាំងប្រភេទនៃឧបករណ៍ដែលពាក់ព័ន្ធផងដែរ” ។

លោក Kuleba បញ្ជាក់ថា “រុស្ស៊ីមានពេល ៤៨ ម៉ោងដើម្បីឆ្លើយតប ។ ក្នុងករណីដែលគ្មានការឆ្លើយតប អ៊ុយក្រែននឹងថ្លែងទៅកាន់ប្រទេសរុស្ស៊ី ក៏ដូចជារដ្ឋដែលចូលរួមផ្សេងទៀតនៃឯកសារទីក្រុងវីយែន ដើម្បីកោះប្រជុំវិសាមញ្ញមួយដែលរុស្ស៊ីនឹងត្រូវផ្តល់ការពន្យល់ ។ យើងនឹងបន្តប្រើប្រាស់គ្រប់មធ្យោបាយការទូត ដើម្បីធានាសន្តិសុខអ៊ុយក្រែន” ។

អ៊ុយក្រែន​បាន​ញាំញី​ដោយ​ជម្លោះ​ក្នុង​តំបន់​ភាគ​ខាង​កើត​របស់​ខ្លួន​តាំង​ពី​ខែ​មីនា ឆ្នាំ​២០១៤ បន្ទាប់​ពី​ការ​ឈ្លានពាន​របស់​រុស្ស៊ី ​និង​ការ​បញ្ចូល​តំបន់​គ្រីមៀ ។

ទីក្រុងមូស្គូនាពេលថ្មីៗនេះបានប្រមូលកងទ័ពជាង ១០ ម៉ឺននាក់នៅជិតប្រទេសអ៊ុយក្រែន ដែលបង្កឲ្យមានការភ័យខ្លាចថា វិមានក្រឹមឡាំងអាចនឹងរៀបចំផែនការវាយលុកយោធាមួយផ្សេងទៀតប្រឆាំងនឹងអតីតអ្នកជិតខាងរបស់សូវៀតមួយនេះ ។

ទន្ទឹមនោះ រុស្ស៊ីក៏បានចេញមកបដិសេធដែលថា ខ្លួនកំពុងរៀបចំខ្លួនដើម្បីធ្វើសកម្មភាពយោធា និងចោទប្រកាន់ប្រទេសលោកខាងលិចថាបានធ្វើឲ្យខូចសន្តិសុខរបស់ខ្លួនដោយការពង្រីករបស់ណាតូទៅកាន់ព្រំដែនរបស់ខ្លួន ៕

ប្រែសម្រួលដោយ ៖ ជីវ័ន្ត

ប្រភព ៖ Anadolu

ចុចអាន ៖ រឿងមួយគ្រប់គ្នាមិននឹកស្មានដល់ក្នុងជំនួបរវាង Putin និង Macron

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៥៩ នាទី មុន

ឯកឧត្តម ហ៊ុន ម៉ានី៖ ការបោះឆ្នោតជូនគណបក្សប្រជាជនកម្ពុជា គឺជាការបោះឆ្នោតប្រកបដោយភាពជឿជាក់ និងការពារសុខសន្តិភាព

ព័ត៌មានជាតិ១ ម៉ោង មុន

តោះ! មក​ស្វែង​យល់ដំណាំ​កសិកម្ម​សំខាន់ៗ​របស់​កម្ពុជា ទ្រទ្រង់កំណើន​ការ​នាំ​ចេញ

សេដ្ឋកិច្ច៣ ម៉ោង មុន

មរតកបសេដ្ឋ៖ ប្រែក្លាយតំបន់ចងគោរបស់កសិករ ទៅជាកន្លែងកសិទេសចរណ៍​

ព័ត៌មានជាតិ៣ ម៉ោង មុន

កម្ពុជា ថ្កោលទោសចំពោះការវាយប្រហារភេរវកម្ម នៅសាលមហោស្រពនាទីក្រុងមូស្គូ ប្រទេសរុស្ស៊ី

ព័ត៌មានជាតិ៤ ម៉ោង មុន

សម្ដេច ហ៊ុន ម៉ាណែត អំពាវនាវដល់តួអង្គពាក់ព័ន្ធបន្តសហការគ្នាអនុវត្តឯកសារគតិយុត្តគោល ទាក់ទងនឹងវិទ្យាសាស្រ្ដ បច្ចេកវិទ្យា និងនវានុវត្តន៍

Sokha Hotels

ព័ត៌មានពេញនិយម