ព័ត៌មានអន្ដរជាតិ
អ្នកទេសចររុស្ស៊ី និងអ៊ុយក្រែនជិត២ម៉ឺននាក់ជាប់គាំងនៅដូមីនិក
ភ្ញៀវទេសចររុស្ស៊ីជិត១៥០០០នាក់ និងអ៊ុយក្រែនប្រហែលជា២០០០នាក់កំពុងជាប់គាំងនៅសាធារណៈរដ្ឋដូមីនិក ដោយសារការរឹតបន្តឹងហោះហើរត្រូវបានកំណត់ បន្ទាប់ការវាយប្រហាររបស់រុស្ស៊ីលើអ៊ុយក្រែន។ នេះបើតាមរដ្ឋាភិបាលនៅទីក្រុង Santo Domingo បាននិយាយកាលពីថ្ងៃពុធ ទី២ ខែមីនា។
ប្រទេសការីបៀនមួយនេះបាននិយាយថា ខ្លួនឈានដល់ការព្រមព្រៀងជាមួយនឹងបណ្តាញសណ្ឋាគារដើម្បីធានាដល់ការស្នាក់នៅរបស់ភ្ញៀវទេសចររហូតដល់ពេលវេលាមានដំណោះស្រាយ។
សណ្ឋាគារនៅសាធារណៈរដ្ឋដូមីនិក ដែលជាប្រទេសមានល្បីល្បាញខាងឆ្នេរខ្សាច់ស្រស់ស្អាតទទួលបានភ្ញៀវទេសចរ៥លាននាក់កាលពីឆ្នាំ២០២១។ ទេសចររុស្ស៊ីចំនួន១៤៨០០នាក់ភាគច្រើនស្ថិតនៅខេត្ត La Altagracia ភាគខាងកើតប្រទេសដែលជាកន្លែងភ្ញៀវទេសចរចូលចិត្តទីកម្សាន្ត Punta Cana។
ការស្ទង់មតិផ្លូវការមួយក៏ត្រូវបានរកឃើញថា ភ្ញៀវទេសចរអ៊ុយក្រែនប្រមាណ១៩០០នាក់ក៏ស្ថិតនៅក្នុងប្រទេសនេះដែរដែលពូកគេស្ថិតនៅសណ្ឋាគាររហូតដល់ផែនការមាតិភូមិនិវត្តន៍មានដំណោះស្រាយ។
មន្ត្រី Ilona Oleksandrivna នៅស្ថានកុងស៊ុលរបស់អ៊ុយក្រែននៅប្រទេសដូមីនិកបានបញ្ជាក់ថា មានពលរដ្ឋអ៊ុយក្រែនទាំងបុរស និងនារីប្រហែលជា៣០០០នាក់ស្ថិតនៅដូមីនិក។ ក្នុងចំណោមអ្នកទាំងនោះមានចំនួន១២០០នាក់ត្រូវបានបណ្តេញចេញពីសណ្ឋាគាររបស់ពួកគេ។
ស្ថានកុងស៊ុលកាលពីថ្ងៃពុធបានជួបនឹងប្រធានាធិបតីដូមីនិកលោក Luis Abinader។
លោក Anibal Felix ទីប្រឹក្សារបស់ Oleksandrivna បានប្រាប់អ្នកកាសែតថា ៖«រដ្ឋាភិបាលដូមីនិកបានសន្យាមិនដាក់គំនាបលើពលរដ្ឋអ៊ុយក្រែនឲ្យចាកចេញពីសណ្ឋាគាររបស់ពួកគេទេ ប្រសិនបើខ្វះថវិកា។ នោះគឺជាការប្តេជ្ញាចិត្តពីលោកប្រធានាធិបតី។
សេចក្តីថ្លែងការណ៍មួយពីការិយាល័យរដ្ឋមន្ត្រីទេសចរណ៍ លោក David Collado បាននិយាយថា មន្ត្រីនឹងទៅជួបម្ចាស់សណ្ឋាគារនាប៉ុន្មានថ្ងៃខាងមុខដើម្បីកំណត់ពីតម្រូវការនៃក្រុមគ្រួសារដែលមិនអាចវិលត្រឡប់ទៅផ្ទះវិញ។
សហភាពអឺរ៉ុប ចក្រភពអង់គ្លេស និងកាណាដាបានបិទដែនអាកាសរបស់ពួកគេចំពោះយន្តហោះរុស្ស៊ីដើម្បីជាការឆ្លើយតបទៅនឹងការវាយប្រហារ ហើយរុស្ស៊ីក៏បានហាមការហោះហើរពីប្រទេសទាំងនោះដូចគ្នាដែរ៕
ប្រែសម្រួល៖ វីរបុត្រ
ប្រភព៖ AFP
-
ព័ត៌មានជាតិ៧ ថ្ងៃ agoថ្ងៃទី១៦មិថុនា រដ្ឋបាលភ្នំពេញរកមិនឃើញបទល្មើស ONLINE SCAMS និងទំនិញនាំចូលពីប្រទេសថៃខុសច្បាប់ទេ
-
ព័ត៌មានអន្ដរជាតិ៥ ថ្ងៃ agoអង់គ្លេសនឹងបញ្ជូនដ្រូន ១៥០ ០០០គ្រឿង និងប្រព័ន្ធរ៉ាដាជាង ៣៥០ ទៅអ៊ុយក្រែន ដោយយកលុយរុស្ស៊ីដែលបង្កកបង់ថ្លៃ
-
ព័ត៌មានជាតិ១ សប្តាហ៍ agoក្រុមហ៊ុន Visa បានធ្វើបច្ចុប្បន្នភាពផែនទីសុវត្ថិភាពលើប្រព័ន្ធទូទាត់ប្រាក់ ដើម្បីបន្តកសាងទំនុកចិត្ត និងពង្រឹងភាពធន់ នៃប្រព័ន្ធទូទាត់តាមរយៈឌីជីថលនៅកម្ពុជា
-
សន្តិសុខសង្គម៥ ថ្ងៃ agoសមត្ថកិច្ចចុះស្រាវជ្រាវករណីព្រះសង្ឃចាក់សាក់លើរាងកាយស្ត្រីបង្ហោះ TikTok រកឃើញព្រះសង្ឃ ៥អង្គមានសារធាតុញៀន
-
ព័ត៌មានជាតិ៦ ថ្ងៃ agoគម្រោងស្តារផ្លូវជាតិលេខ ៤ ប្រវែងជិត ២០០ គីឡូម៉ែត្រ ចាយថវិកាជាង ១០០ លានដុល្លារ សម្រេចបញ្ចប់ ១០០%
-
កីឡា១០ ម៉ោង agoក្រុមជម្រើសជាតិកម្ពុជា មានស្ថិតិល្អការប្រកួត ASEAN Championship នៅស្តាតមរតកតេជោ
-
ព័ត៌មានជាតិ៥ ថ្ងៃ agoតើរោងចក្រសហគ្រាសបែបណា តម្រូវបំពាក់ប្រព័ន្ធប្រព្រឹត្តកម្មទឹកកខ្វក់ការពារបរិស្ថាន?
-
សន្តិសុខសង្គម១ សប្តាហ៍ agoបុរសម្នាក់ត្រូវផ្ទាំថ្មបាក់សង្កត់ស្លាប់ ក្រោយព្យាយាមចុះរណ្ដៅរុករករ៉ែមាស