ព័ត៌មានអន្ដរជាតិ
អ្នកជំងឺកូវីដកូរ៉េខាងត្បូងក៏អាចទៅបោះឆ្នោតជ្រើសរើសប្រធានាធិបតីបាន
ប្រទេសកូរ៉េខាងត្បូងបានរៀបចំឲ្យអ្នកឆ្លងកូវីដ-១៩ដែលមានជាងមួយលាននាក់អាចទៅបោះឆ្នោតជ្រើសរើសប្រធានាធិបតីបាន បើទោះជាវិបត្តិកូវីដ-១៩ប្រចាំថ្ងៃកំពុងរាតត្បាតខ្លាំងយ៉ាងណាក៏ដោយ។
ទីភ្នាក់គ្រប់គ្រង និងបង្ការជំងឺកូរ៉េខាងត្បូង (KDCA) បាននិយាយនៅថ្ងៃពុធ ទី៩ ខែមីនា នេះថា កូរ៉េខាងត្បូងមានករណីឆ្លងកូវីដ-១៩ប្រចាំថ្ងៃថ្មីខ្ពស់បំផុតជាប់កំណត់ត្រាដល់ទៅ ៣៤២ ៤៤៦នាក់ ខណៈវីរុសបំប្លែងខ្លួន Omicron កំពុងរាតត្បាតខ្លាំង។
ទីភ្នាក់ងារ KDCA បានបន្ថែមថា ជាមួយគ្នានេះ ករណីស្លាប់ថ្មីមានចំនួន១៥៨នាក់។
កូរ៉េខាងត្បូងកំពុងទទួលរងរលកនៃវីរុស Omicron ដែលមានករណីឆ្លងប្រចាំថ្ងៃជារៀងរាល់ថ្ងៃជាង២សែនក្នុងខែមីនានេះ។
អាជ្ញាធរសុខភាពបាននិយាយថា ខណៈពេលប្រទេសកំពុងត្រៀមរៀបចំសម្រាប់ថ្ងៃចុងក្រោយនៃការបោះឆ្នោតជ្រើសរើសប្រធានាធិបតីនាថ្ងៃពុធនេះ ប្រជាជនជាងមួយលាននាក់បានកំពុងព្យាបាលជំងឺកូវីដ-១៩ បន្ទាប់ពីធ្វើតេស្តឃើញវិជ្ជមាន។ កាលពីខែមុន ប្រទេសនេះក៏បានកែប្រែច្បាប់បោះឆ្នោតដើម្បីធានាឲ្យអ្នកដែលឆ្លងកូវីដក៏អាចទៅបោះឆ្នោតបានដែរ។
ប្រជាជនដែលឆ្លងកូវីដ ឬកំពុងធ្វើចត្តាឡីស័កអាចដើរ ឬជិះរថយន្តឈ្នួល ឬក៏រថយន្តសង្គ្រោះបន្ទាន់ដែលរៀបចំដោយអាជ្ញាធរមូលដ្ឋានដើម្បីបានទៅកាន់មណ្ឌលបោះឆ្នោតដែលកន្លែងបោះឆ្នោតត្រូវបានរៀបចំដាច់ដោយឡែក។ ពួកគេត្រូវបានបែងចែករយៈពេលមួយម៉ោងនៅចុងបញ្ចប់នៃថ្ងៃទី២មុនកាលកំណត់ និងរយៈពេលមួយម៉ោងកន្លះនៅថ្ងៃពុធ៕
ប្រែសម្រួល៖ វីរបុត្រ
ប្រភព៖ CNA
-
សេចក្ដីជូនដំណឹង៥ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៣ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៥ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៦ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៤ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ១ សប្តាហ៍ agoលោក ត្រាំ ទ្រាំលែងបាន ជះសម្តីធ្ងន់ៗ ដាក់លោក ណេតាន់យ៉ាហ៊ូ ដែលបំផ្លាញផ្លូវទៅរកសន្តិភាព
-
ព័ត៌មានអន្ដរជាតិ១ សប្តាហ៍ agoពូទីន ចំណាយជាង ២៦ពាន់លានដុល្លារ ស្វែងរកវិធីពន្យារជីវិត
-
សន្តិសុខសង្គម១ សប្តាហ៍ agoបង្ហាញមុខក្រុមជនដៃដល់សម្លាប់នារីភេទទី៣ និងអ្នកបើកតាក់ស៊ី រួចបញ្ជូនទៅកាន់តុលាការ