លោក Zelensky ជាប់ឆ្នោតមួយទៀតនៅ អឺរ៉ុប

ប្រធានាធិបតីអ៊ុយក្រែនលោក Volodymyr Zelensky ត្រូវបានបោះឆ្នោតជ្រើសរើសជាបុគ្គលមានអំណាចបំផុតនៅអឺរ៉ុបនៅក្នុងការស្ទង់មតិមួយដែលធ្វើឡើងដោយសារព័ត៌មានអាមេរិក Politico ។

ការស្ទង់មតិជ្រើសរើសបុគ្គលរបស់ស្ថាប័នព័ត៌មានមួយនេះបានចាប់ផ្តើមនៅក្នុងខែមីនា ហើយមានគោលបំណងធ្វើបច្ចុប្បន្នភាពបញ្ជីប្រចាំឆ្នាំរបស់ Politico 28 នៃអ្នកមានអំណាចបំផុតដែលត្រូវបានចេញផ្សាយដំបូងកាលពីខែធ្នូ ។

អ្នកបោះឆ្នោតម្នាក់បានពណ៌នាថា លោក Zelenskyy ជា “ពន្លឺនៃក្តីសង្ឃឹម” ដែលកំពុងខិតខំដើម្បី “សន្តិភាព ប្រជាធិបតេយ្យ ភាពសមរម្យ” នៅពេលដែលការលុកលុយរបស់រុស្ស៊ីលើអ៊ុយក្រែននៅតែបន្ត ។

ចាប់តាំងពីការប្រយុទ្ធគ្នាបានចាប់ផ្តើមនៅព្រឹកព្រលឹមនៃថ្ងៃទី ២៤ ខែកុម្ភៈ លោក Zelenskyy បានបង្ហោះវីដេអូបច្ចុប្បន្នភាពជាទៀងទាត់នៅលើប្រព័ន្ធផ្សព្វផ្សាយសង្គមរួមទាំងការបង្ហោះរបស់គាត់នៅកណ្តាលទីក្រុងកៀវ និងនៅកន្លែងធ្វើការក្នុងអគារការិយាល័យប្រធានាធិបតីរបស់គាត់ ។

គាត់ក៏បានថ្លែងសុន្ទរកថាជាវីដេអូទៅកាន់សភាសហរដ្ឋអាមេរិក សភាចក្រភពអង់គ្លេស និងសភា Bundestag របស់អាល្លឺម៉ង់ ក៏ដូចជាសភាផ្សេងទៀតផងដែរ ដោយលើកឡើងថា អ៊ុយក្រែនត្រូវការការគាំទ្របន្ថែមទៀតពីលោកខាងលិចក្នុងការប្រយុទ្ធប្រឆាំងនឹងរុស្ស៊ី ៕

ប្រែសម្រួលដោយ ៖ ជីវ័ន្ត

ប្រភព ៖ Politico

ចុចអាន ៖ រុស្ស៊ី​ បាញ់កម្ទេចឃ្លាំងអាវុធទំនើបៗ ៥ ទីតាំងបន្ថែមទៀតនៅ អ៊ុយក្រែន