ព័ត៌មានអន្ដរជាតិ
រុស្ស៊ី បាញ់កម្ទេចឃ្លាំងអាវុធទំនើបៗ ៥ ទីតាំងបន្ថែមទៀតនៅ អ៊ុយក្រែន
ក្រសួងការពារជាតិរុស្ស៊ីបាននិយាយកាលពីថ្ងៃអង្គារថា ឃ្លាំងអាវុធទំនើបៗចំនួន ៥ នៅក្នុងប្រទេសអ៊ុយក្រែនត្រូវបានវាយប្រហារ ។
អ្នកនាំពាក្យក្រសួងការពារជាតិលោក Igor Konashenkov បាននិយាយថា កាំជ្រួចមីស៊ីលនាំផ្លូវរយៈចម្ងាយឆ្ងាយបានវាយប្រហារឃ្លាំងផ្ទុកប្រេង និងប្រេងរំអិលដ៏ធំនៅទីក្រុង Lysychansk និងទីក្រុង Kramatorsk, ឃ្លាំងអាវុធគ្រាប់រ៉ុកកែត និងកាំភ្លើងធំនៅទីក្រុង Druzhkivka និងឃ្លាំងគ្រាប់នៅទីក្រុង Nadezhdinka និងទីក្រុង Novooleksandrivka ។
លោកបាននិយាយថា ដោយឡែក កងកម្លាំងអាកាសរុស្ស៊ីបានវាយប្រហារលើឧបករណ៍យោធារបស់អ៊ុយក្រែនចំនួន ៨៣ រួមទាំងប៉ុស្តិ៍បញ្ជាការចំនួន ៤ ប្រព័ន្ធការពារដែនអាកាសចំនួន ៤ ឃ្លាំងគ្រាប់រ៉ុកកែត កាំភ្លើងធំ និងគ្រាប់រំសេវចំនួន ៣ កន្លែង និងទីតាំងស្តុកសម្ភារៈយោធាចំនួន ៦៨ កន្លែង ។
អ្នកនាំពាក្យរូបនេះបានកត់សម្គាល់ថា ប្រព័ន្ធការពារដែនអាកាសរុស្ស៊ីក៏បានបាញ់ទម្លាក់យន្តហោះដ្រូនរបស់អ៊ុយក្រែនចំនួន ៦ គ្រឿង រួមទាំងយន្តហោះ Bayraktar មួយគ្រឿងផងដែរ ។
លោកបាននិយាយថា “សរុបមកចាប់តាំងពីការចាប់ផ្តើមប្រតិបត្តិការយោធាពិសេសមក យន្តហោះដ្រូនចំនួន ២៣៦ គ្រឿង ប្រព័ន្ធការពារដែនអាកាស ១៨៥ គ្រឿង រថក្រោះ និងរថពាសដែកប្រយុទ្ធផ្សេងទៀត ១,៥៤៧ គ្រឿង មីស៊ីលបាញ់ពីដីចំនួន ១៥៤ គ្រឿង កាំភ្លើងធំ និងកាំភ្លើងត្បាល់ចំនួន ៦១២ គ្រឿង ព្រមទាំងរថយន្តយោធា និងកាំភ្លើងពិសេសចំនួន ១,៣៤៣ គ្រឿង ត្រូវបានបំផ្លាញ” ។
រហូតមកដល់ពេលនេះ យ៉ាងហោចណាស់ជនស៊ីវិល ៩២៥ នាក់ត្រូវបានសម្លាប់ ក្នុងអំឡុងសង្គ្រាម និងជិត ១,៥០០ នាក់បានរងរបួស ខណៈមនុស្សជាង ៣.៥ លាននាក់បានភៀសខ្លួនចេញពីប្រទេសអ៊ុយក្រែន ចំពេលមានការវាយប្រហាររបស់រុស្ស៊ី ៕
ប្រែសម្រួលដោយ ៖ ជីវ័ន្ត
ប្រភព ៖ Anadolu
ចុចអាន ៖ រុស្ស៊ី គំរាមជាថ្មីថា ខ្លួននឹងប្រើអាវុធនុយក្លេអ៊ែរ ក្រោមហេតុផលមួយ
ចុចអាន ៖ ធ្លាយតួលេខពិត ទាហាន រុស្ស៊ី ស្លាប់នៅ អ៊ុយក្រែន ច្រើនជាងចំនួនផ្លូវការ ២០ ដង
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
សន្តិសុខសង្គម១៤ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ