ជម្លោះ រុស្ស៊ី-អ៊ុយក្រែន កំពុងធ្វើឲ្យប្រទេស ណាតូ មួយនេះធ្លាក់ខ្លួនក្រ

រដ្ឋមន្ត្រីក្រសួងហិរញ្ញវត្ថុរបស់ប្រទេសអាល្លឺម៉ង់បានទទួលស្គាល់ថា ពលរដ្ឋអាល្លឺម៉ង់កាន់តែក្រីក្រ ដោយសារពួកគេកំពុងបង់ថ្លៃសម្រាប់យុទ្ធនាការយោធារបស់រុស្ស៊ីនៅអ៊ុយក្រែន ។

ថ្លែងទៅកាន់កាសែត Bild លោក Christian Lindner រដ្ឋមន្ត្រីក្រសួងហិរញ្ញវត្ថុបាននិយាយថា “សង្រ្គាមរវាងរុស្ស៊ី និងអ៊ុយក្រែនកំពុងធ្វើឲ្យយើងទាំងអស់គ្នាកាន់តែក្រីក្រ ដោយសារយើងត្រូវចំណាយកាន់តែច្រើនសម្រាប់ការនាំចូលថាមពល” ។

នៅក្នុងបទសម្ភាសន៍មួយដែលបានចេញផ្សាយកាលពីថ្ងៃអាទិត្យ រដ្ឋមន្ត្រីអាល្លឺម៉ង់រូបនេះបានបន្តទទួលស្គាល់ថា រដ្ឋាភិបាលមិនអាចប៉ះប៉ូវការបាត់បង់នេះបានទេ ប៉ុន្តែអាជ្ញាធរក៏កំពុងធ្វើការដើម្បីទប់ទល់នឹងភាពចាំបាច់ដ៏ធំបំផុតនេះផងដែរ ។

ទន្ទឹមនោះលោក Lindner ក៏មានការព្រួយបារម្ភយ៉ាងខ្លាំងផងដែរអំពីស្ថានភាពសេដ្ឋកិច្ចបច្ចុប្បន្ន ហើយលោកបានទទួលស្គាល់ថា សេដ្ឋកិច្ចពិតជាធ្លាក់ចុះ ខណៈតម្លៃក៏មានការកើនឡើង ។

ជាចុងក្រោយលោករដ្ឋមន្ត្រីបានធានាដល់អ្នកសារព័ត៌មានថា រដ្ឋាភិបាលអាល្លឺម៉ង់នឹងធ្វើឲ្យអស់ពីសមត្ថភាពដើម្បីចៀសវាងការគំរាមកំហែងនៃការជាប់គាំងទាំងនេះ ៕

ប្រែសម្រួលដោយ ៖ ជីវ័ន្ត

ប្រភព ៖ RT

ចុចអាន ៖ រុស្ស៊ី ថា ប្រទេសអឺរ៉ុបមួយនេះមានអំណាចបំផុត ក្នុងចំណោមរដ្ឋសមាជិក ណាតូ ទាំងអស់

ចុចអាន ៖ វិមានក្រឹមឡាំង ថា បើអ្នកណាហ៊ានវ៉ៃប្រទេសសម្ព័ន្ធមិត្តខ្លួនមួយនេះ ដូចវាយប្រហារលើ រុស្ស៊ី