វិមានក្រឹមឡាំង ថា បើអ្នកណាហ៊ានវ៉ៃប្រទេសសម្ព័ន្ធមិត្តខ្លួនមួយនេះ ដូចវាយប្រហារលើ រុស្ស៊ី (មានវីដេអូ)

អ្នកនាំពាក្យវិមានក្រឹមឡាំងលោក Dmitri Peskov បាននិយាយថា រុស្ស៊ីគឺគាំទ្រផ្នែកយោធាសម្រាប់ប្រទេសបេឡារុសជាដាច់ខាត ហើយទីក្រុងមូស្គូនឹងចាត់ទុកការវាយប្រហារណាមួយប្រឆាំងនឹងទីក្រុង Minsk ស្មើនឹងការវាយប្រហារលើប្រទេសរុស្ស៊ី ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Peskov បាននិយាយទៅកាន់ទូរទស្សន៍បេឡារុសកាលពីថ្ងៃសៅរ៍ថា “ពួកយើងត្រូវបានរួបរួមដោយកាតព្វកិច្ចទៅវិញទៅមក ជាពិសេសលើវិស័យការពារជាតិ ទី ១ ក្នុងក្របខ័ណ្ឌនៃរដ្ឋសហភាពរបស់យើង និងទី ៣ នៅក្នុងក្របខ័ណ្ឌនៃអង្គការសន្ធិសញ្ញាសន្តិសុខសមូហភាព (CSTO) ។

លោកបញ្ជាក់ថា ការវាយប្រហារទៅលើសមាជិកណាមួយនៃ CSTO ជាពិសេសប្រឆាំងនឹងសម្ព័ន្ធមិត្តជិតស្និទ្ធបំផុតរបស់យើង គឺវាស្មើនឹងការវាយប្រហារលើសហព័ន្ធរុស្ស៊ី ។

លោក Peskov បានបន្ថែមថា “ដូច្នេះយើងមានការគាំទ្រគ្នាទៅវិញទៅមកយ៉ាងដាច់អហង្ការ និងដាច់ខាងចំពោះរុស្ស៊ីទៅលើបេឡារុស ហើយគ្មាននរណាម្នាក់គួរចោទសួរអំពីរឿងនេះទៀតទេ” ។

គួរបញ្ជាក់ថា រុស្ស៊ី និងបេឡារុស គឺជាសម្ព័ន្ធមិត្តនៅក្នុងអង្គការសន្ធិសញ្ញាសន្តិសុខសមូហភាព (CSTO) ហើយចូលរួមក្នុងការហ្វឹកហ្វឺនរួមគ្នាក្នុងគោលបំណងធ្វើសមាហរណកម្មរចនាសម្ព័ន្ធយោធារបស់ប្រទេសទាំងពីរនៅក្នុងរដ្ឋសហភាព ៕

សូមទស្សនាវីដេអូ!

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ លើកដំបូង អ៊ុយក្រែន ប្រើមីស៊ីលល្បឿនលឿនជាសំឡេងរបស់ អង់គ្លេស បាញ់ទម្លាក់ឧទ្ធម្ភាគចក្រ រុស្ស៊ី