ព័ត៌មានអន្ដរជាតិ
ចិន ព្រមានអាមេរិក កុំផ្គត់ផ្គង់អាវុធដល់តៃវ៉ាន់ ឲ្យសោះ, ក្រុងប៉េកាំងនឹងឆ្លើយតប បើបរទេស លូកដៃ
សហរដ្ឋអាមេរិកត្រូវតែបញ្ឈប់ការផ្គត់ផ្គង់អាវុធដល់តៃវ៉ាន់។ នេះបើតាមការព្រមានពីស្ថានទូតចិនប្រចាំទីក្រុងវ៉ាស៊ីនតោន។
ស្ថានទូតបានបន្ថែមថា ទីក្រុងប៉េកាំងសូមរក្សាសិទ្ធិក្នុងការឆ្លើយតប ក្នុងករណីមានការជ្រៀតជ្រែកពីបរទេសចំពោះស្ថានភាពនៅលើកោះនេះ។
ទីក្រុងប៉េកាំងបានចាត់ទុកទីក្រុងតៃប៉ិ ជាផ្នែកដែលមិនអាចកាត់ផ្តាច់បាននៃទឹកដីរបស់ខ្លួន និងជាខេត្តបំបែកខ្លួន ដែលនៅថ្ងៃណាមួយនឹងត្រូវបង្រួបបង្រួមជាមួយដីគោក។
អ្នកនាំពាក្យស្ថានទូតលោក Liu Pengyu បាននិយាយថា “សហរដ្ឋអាមេរិក ត្រូវតែគោរពតាមគោលការណ៍ចិនតែមួយ” និងបទប្បញ្ញត្តិនៃសេចក្តីថ្លែងការណ៍រួមចិន-អាមេរិកទាំងបី, បញ្ឈប់ទំនាក់ទំនងផ្លូវការ និងកិច្ចសហប្រតិបត្តិការយោធាជាមួយតៃវ៉ាន់, បញ្ឈប់ការលក់អាវុធដល់កោះនេះ និងចាត់វិធានការជាក់ស្តែងដើម្បីបំពេញកាតព្វកិច្ចរបស់ខ្លួន កុំគាំទ្រឯករាជ្យភាពតៃវ៉ាន់”។
អ្នកនាំពាក្យដដែលនិយាយថា ទីក្រុងប៉េកាំង រក្សាសិទ្ធិក្នុងការចាត់វិធានការចាំបាច់ទាំងអស់ ដើម្បីឆ្លើយតបទៅនឹងការជ្រៀតជ្រែកដោយកងកម្លាំងបរទេស និងក្រុមបំបែកខ្លួន នៅក្នុងដំណើរការនៃការបង្រួបបង្រួមឡើងវិញរបស់កោះនេះ ជាមួយដីគោក។
ក្នុងពេលជាមួយគ្នានោះ អ្នកនាំពាក្យស្ថានទូតបានច្រានចោលការប៉ុនប៉ង ប្រៀបធៀបគ្នារវាងស្ថានការណ៍នៅអ៊ុយក្រែន និងបញ្ហាតៃវ៉ាន់។
លោក Liu និយាយថា “សហរដ្ឋអាមេរិក និងតៃវ៉ាន់បានឃុបឃិតគ្នា ហើយមនុស្សមួយចំនួនមានចេតនាទាញការប្រៀបធៀបគ្នារវាងតៃវ៉ាន់ និងអ៊ុយក្រែន បើទោះបីជាការពិត នេះគឺជាករណីផ្សេងគ្នាជាមូលដ្ឋានពីរក៏ដោយ”។
លោក Liu កត់សម្គាល់ថា រលកនៃភាពតានតឹងថ្មីមួយ បានលេចឡើងនៅក្នុងច្រកសមុទ្រតៃវ៉ាន់ ដែលកើតចេញពីការប៉ុនប៉ងដោយអាជ្ញាធរតៃវ៉ាន់ ក្នុងការទទួលបានជំនួយពីសហរដ្ឋអាមេរិក និងនៅក្នុងការប៉ុនប៉ងរបស់ទីក្រុងវ៉ាស៊ីនតោន ដើម្បីប្រើប្រាស់កោះនេះ ទប់ទល់ជាមួយចិន។
គួរបញ្ជាក់ថា ថ្វីបើមិនមានទំនាក់ទំនងផ្លូវការក៏ដោយ ប៉ុន្តែតៃវ៉ាន់បានចុះហត្ថលេខាលើកិច្ចសន្យាជាមួយសហរដ្ឋអាមេរិកក្នុងឆ្នាំ២០១៩ ដើម្បីទិញសព្វាវុធ យន្តហោះគ្មានមនុស្សបើកយោធា យន្តហោះចម្បាំង និងឧបករណ៍យោធាក្នុងទំហំទឹកប្រាក់១៧ពាន់លានដុល្លារ។
រដ្ឋាភិបាលក្រុងប៉េកាំងបានជំទាស់យ៉ាងដាច់អហង្ការចំពោះកិច្ចសន្យានេះ ហើយបានជំរុញម្តងហើយម្តងទៀតឲ្យទីក្រុងវ៉ាស៊ីនតោន ចៀសវាងការបង្កហេតុជុំវិញកោះតៃវ៉ាន់ និងប្រកាន់ខ្ជាប់នូវ គោលការណ៍ចិនតែមួយ៕
ប្រែសម្រួល៖ Vann Vann
ប្រភព៖ Sputnik
ចុចអាន៖ ចិន អំពាវនាវឲ្យមានការចរចាដើម្បី បញ្ចប់សង្គ្រាម រុស្ស៊ី-អ៊ុយក្រែន
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
សន្តិសុខសង្គម១១ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ