អង់គ្លេស ថា រុស្ស៊ី នឹងប្រើពេល ២ សប្ដាហ៍ប៉ុណ្ណោះគ្រប់គ្រងទីក្រុងមួយនេះ

ក្រសួងការពារជាតិរបស់ចក្រភពអង់គ្លេសបាននិយាយថា រុស្ស៊ីទំនងជានឹងគ្រប់គ្រងទីក្រុង Luhansk ទាំងមូលក្នុងរយៈពេល ២ សប្តាហ៍ខាងមុខ ។

ការអះអាងរបស់ក្រសួងការពារជាតិអង់គ្លេសធ្វើឡើង ដោយសារតែបច្ចុប្បន្នកងកម្លាំងរុស្ស៊ីកំពុងគ្រប់គ្រងច្រើនជាង ៩០ ភាគរយនៃទីក្រុង Luhansk ដែលជាទីក្រុងមួយក្នុងចំណោមទីក្រុងចំនួន ២ ដែលបង្កើតបានជាតំបន់ Donbas ។

ក្រសួងបាននិយាយនៅក្នុងសន្និសីទសារព័ត៌មានចុងក្រោយបង្អស់របស់ខ្លួនថា ប៉ុន្តែទោះបីជារុស្សីនាពេលបច្ចុប្បន្នហាក់ដូចជាវាយសង្គ្រប់លើតំបន់ Donbas ក៏ដោយ ប៉ុន្តែទីក្រុងមូស្គូក៏នឹងចំណាយធនធានយ៉ាងច្រើន មុននឹងការគ្រប់គ្រងទាំងស្រុងផងដែរ” ។

ជាចុងក្រោយក្រសួងបាននិយាយថា “ដើម្បីឲ្យរុស្ស៊ីសម្រេចបាននូវទម្រង់នៃភាពជោគជ័យណាមួយ ទីក្រុងមូស្គូនឹងត្រូវការបន្តបន្ថែមយោធា និងគ្រឿងបរិក្ខារដ៏ច្រើន ហើយទំនងជាត្រូវចំណាយពេលច្រើនសន្ធឹកសន្ធាប់បន្ថែមទៀតផងដែរ” ៕

ប្រែសម្រួលដោយ ៖ ជីវ័ន្ត

ប្រភព ៖ Al Jazeera

ចុចអាន ៖ រុស្ស៊ី ថា អាមេរិក ចង់ប្រែ អ៊ុយក្រែន ជាប្រទេសអាណានិគមរបស់ខ្លួន