Connect with us

ព័ត៌មានអន្ដរជាតិ

លោក Zelensky៖ អាហ្រ្វិក គឺជាចំណាប់ខ្មាំងនៃសង្គ្រាមរបស់រុស្ស៊ី លើអ៊ុយក្រែន

បានផុស

នៅ

ក្នុងអំឡុងពេលថ្លែងសុន្ទរកថាទៅកាន់សហភាពអាហ្វ្រិក (AU) កាលពីថ្ងៃចន្ទទី២០ខែមិថុនា ប្រធានាធិបតីអ៊ុយក្រែនលោក Volodymyr Zelensky បានហៅទ្វីបអាហ្រ្វិកថាជា “ចំណាប់ខ្មាំងនៃសង្រ្គាមរបស់រុស្ស៊ី”។

ការលុកលុយរបស់រុស្ស៊ី និងការបិទខ្ទប់លំហូរនាំចេញគ្រាប់ធញ្ញជាតិរបស់អ៊ុយក្រែន បានបង្កឲ្យមានកង្វះខាតគ្រាប់ធញ្ញជាតិ និងជី ហើយធ្វើឲ្យមនុស្សរាប់លាននាក់ ប្រឈមនឹងហានិភ័យនៃភាពអត់ឃ្លាន។

យោងតាមប្រធានគណៈកម្មការ AU, មានតម្រូវការបន្ទាន់សម្រាប់កិច្ចសន្ទនា ដើម្បីស្តារស្ថិរភាពពិភពលោកឡើងវិញ ខណៈប្រទេសលោកខាងលិច បានជំរុញឲ្យរុស្ស៊ី បញ្ចេញស្តុកគ្រាប់ធញ្ញជាតិដ៏ធំរបស់អ៊ុយក្រែន។

លោក Zelensky បាននិយាយនៅក្នុងសុន្ទរកថារបស់គាត់ថា “អាហ្វ្រិកពិតជាចំណាប់ខ្មាំង នៃអ្នកដែលបានបង្កើតសង្រ្គាមប្រឆាំងនឹងរដ្ឋរបស់យើង”។ រដ្ឋាភិបាលរបស់លោក បានចូលរួមក្នុងកិច្ចចរចាដ៏ស្មុគស្មាញ ដើម្បីដកការរារាំងស្តុកបម្រុងគ្រាប់ធញ្ញជាតិ ដែលជាប់នៅក្នុងកំពង់ផែសមុទ្រខ្មៅរបស់ ប្រទេសអ៊ុយក្រែន។

លោកបានប្រាប់ AU ថា “សង្រ្គាមនេះហាក់ដូចជានៅឆ្ងាយពីអ្នក និងប្រទេសរបស់អ្នកណាស់។ ​ប៉ុន្តែ​តម្លៃ​អាហារ​ដែល​កើនឡើង​យ៉ាង​មហន្តរាយ ​បាន​នាំ​សង្គ្រាមមកដល់​ផ្ទះ​របស់​គ្រួសារ​អាហ្រ្វិក​រាប់លាន​គ្រួសារ​ហើយ​”។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គួរបញ្ជាក់ថា សុន្ទរកថានៅ AU របស់លោក Zelensky បានកើតឡើងក្នុងរយៈពេលជិត ១០ សប្តាហ៍បន្ទាប់ពីលោក ស្នើសុំជាលើកដំបូងដើម្បីនិយាយទៅកាន់ស្ថាប័នទ្វីបអាហ្វ្រិក។

ប្រមុខរដ្ឋចំនួន ៥៥ ប្រទេសត្រូវបានអញ្ជើញឲ្យចូលរួមក្នុងអង្គប្រជុំ ប៉ុន្តែមានតែប្រមុខរដ្ឋបួនរូបប៉ុណ្ណោះដែលបានចូលរួម ខណៈប្រទេសដែលនៅសេសសល់ បានបញ្ជូនអ្នកតំណាងមក។

ប្រទេស​ក្នុង​ទ្វីប​អាហ្រ្វិក បង្ហាញពីភាពខ្វែងគំនិតគ្នា​ក្នុង​ការ​ឆ្លើយ​តប​ទៅ​នឹង​សង្គ្រាម​របស់​រុស្ស៊ី​នៅ​អ៊ុយក្រែន។ កាល​ពី​ខែ​មីនា ប្រទេស​អាហ្វ្រិក​ចំនួន ១៧ បាន​អនុបវាទ​ក្នុង​ការ​បោះឆ្នោត​របស់​អង្គការសហប្រជាជាតិ ដើម្បី​ថ្កោលទោស​ការ​លុកលុយ​នេះ៕

ប្រែសម្រួល៖ Vann Vann

ប្រភព៖ BBC

ចុចអាន៖ រុស្ស៊ី គំរាមចាត់វិធានការ លើសមាជិកណាតូមួយប្រទេស

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម