ប្រធានសភា អាមេរិក ធ្វើទង្វើមិនគម្បីលើកូនស្រីសមាជិកសភាជាប់ឆ្នោតថ្មី

លោកស្រី Mayra Flores សមាជិកសភាដែលទើបជាប់ឆ្នោតថ្មី បានចោទប្រកាន់ប្រធានសភាសហរដ្ឋអាមេរិកលោកស្រី Nancy Pelosi ថាបានយកកែងដៃរុញកូនស្រីរបស់គាត់ឲ្យទៅម្ខាង ។

វីដេអូដែលបានលេចឡើងនៅលើបណ្ដាញ Twitter របស់គណបក្សប្រជាធិបតេយ្យនៅរដ្ឋកាលីហ្វ័រញ៉ា បានបង្ហាញពីលោកស្រី Pelosi រុញក្មេងស្រីនោះឲ្យទៅម្ខាង ខណៈពេលកំពុងនិយាយជាមួយអ្នកសារព័ត៌មាន អំឡុងពេលពិធីស្បថចូលកាន់តំណែងរបស់លោកស្រី Flores ។

ក្រោយមកវីដេអូ​នេះ​បានរីកសាយភាយ​ពេញ​អ៊ីនធឺណិត ខណៈ​អ្នក​ប្រើ​បណ្ដាញ​សង្គម​ជាច្រើន​បានធ្វើការរិះគន់យ៉ាងចាស់ដៃដល់ទង្វើរបស់​លោកស្រី Pelosi ។

គួររំឭកថា លោកស្រី Flores បានស្បថចូលកាន់តំណែងជាសមាជិកសភាអាមេរិកដើមកំណើតម៉ិកស៊ិកដំបូងគេកាលពីសប្តាហ៍មុន បន្ទាប់ពីបានឈ្នះកៅអីសភានៅរដ្ឋតិចសាស់ ៕

សូមទស្សនាវីដេអូ!

ប្រែសម្រួលដោយ ៖ ជីវ័ន្ត

ប្រភព ៖ Sky News

ចុចអាន ៖ អាមេរិក ប្រកាសទិញប្រព័ន្ធការពារមីស៊ីលមួយទៀតឲ្យ អ៊ុយក្រែន