ព័ត៌មានអន្ដរជាតិ
អាមេរិក ប្រកាសទិញប្រព័ន្ធការពារមីស៊ីលមួយទៀតឲ្យ អ៊ុយក្រែន
បើតាមសេចក្តីរាយការណ៍របស់សារព័ត៌មាន CNN បានឲ្យដឹងថា សហរដ្ឋអាមេរិកនឹងប្រកាសពីការទិញប្រព័ន្ធការពារកាំជ្រួចមីស៊ីលបាញ់ពីដីទៅអាកាសរយៈចម្ងាយមធ្យមកម្រិតខ្ពស់ឈ្មោះ NASAMS សម្រាប់ប្រទេសអ៊ុយក្រែនក្នុងសប្តាហ៍នេះ ។
ប្រភពដែលដឹងអំពីសេចក្ដីប្រកាសនេះបាននិយាយថា ជំនួយយោធាផ្សេងទៀតដែលទីក្រុងវ៉ាស៊ីនតោនទំនងជាផ្ដល់ទៅឲ្យទីក្រុងកៀវក្នុងសប្តាហ៍នេះ រួមមានគ្រាប់កាំភ្លើងធំ និងរ៉ាដាប្រឆាំងគ្រាប់កាំភ្លើងធំផងដែរ ។
ប្រភពបានបញ្ជាក់បន្ថែមថា ទាហានអ៊ុយក្រែនក៏នឹងត្រូវការពេលហ្វឹកហាត់ផងដែរ ប្រសិនបើពួកគេទទួលបានប្រព័ន្ធមីស៊ីលដែនអាកាស NASAMS ដោយសារតែវាជាប្រព័ន្ធការពារសមត្ថភាពថ្មី ។
ប្រសិនបើរដ្ឋាភិបាលទីក្រុងកៀវទទួលបានមីស៊ីល NASAMS ក្នុងសប្ដាហ៍នេះមែននោះ វាគឺជាការទទួលបានប្រព័ន្ធខែលការពារមួយទៀតដែលផ្គត់ផ្គង់ដោយសហរដ្ឋអាមេរិក បន្ទាប់ពីទើបតែទទួលបានប្រព័ន្ធរ៉ុកកែតកាំភ្លើងធំចល័តខ្ពស់ (HIMARS) កាលពីប៉ុន្មានថ្ងៃមុន ។
មិនខុសពីមីស៊ីល NASAMS នោះទេ ប្រព័ន្ធរ៉ុកកែត HIMARS ជាប្រព័ន្ធអាវុធរយៈចម្ងាយឆ្ងាយដ៏មានអានុភាពដែលទីក្រុងកៀវសង្ឃឹមថាអាចជួយទប់ទល់នឹងការវាយលុករបស់រុស្ស៊ីបាន បើទោះជាពេលនេះអ៊ុយក្រែនបានបាត់បង់ទីក្រុងសំខាន់ៗជាច្រើនទៅលើកណ្ដាប់ដៃរបស់កងកម្លាំងទីក្រុងមូស្គូក៏ដោយ ៕
ប្រែសម្រួលដោយ ៖ ជីវ័ន្ត
ប្រភព ៖ Sputnik
ចុចអាន ៖ លោក Zelensky ប្ដេជ្ញាយកទីក្រុងធ្លាក់ក្នុងកណ្ដាប់ដៃ រុស្ស៊ី ទាំងអស់មកវិញ
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១៩ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ព័ត៌មានជាតិ១ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម១ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល