Connect with us

ព័ត៌មានអន្ដរជាតិ

អាមេរិក ប្រកាសទិញប្រព័ន្ធការពារមីស៊ីលមួយទៀតឲ្យ អ៊ុយក្រែន

បានផុស

នៅ

បើតាមសេចក្តីរាយការណ៍របស់សារព័ត៌មាន CNN បានឲ្យដឹងថា សហរដ្ឋអាមេរិកនឹងប្រកាសពីការទិញប្រព័ន្ធការពារកាំជ្រួចមីស៊ីលបាញ់ពីដីទៅអាកាសរយៈចម្ងាយមធ្យមកម្រិតខ្ពស់ឈ្មោះ NASAMS សម្រាប់ប្រទេសអ៊ុយក្រែនក្នុងសប្តាហ៍នេះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រភពដែលដឹងអំពីសេចក្ដីប្រកាសនេះបាននិយាយថា ជំនួយយោធាផ្សេងទៀតដែលទីក្រុងវ៉ាស៊ីនតោនទំនងជាផ្ដល់ទៅឲ្យទីក្រុងកៀវក្នុងសប្តាហ៍នេះ រួមមានគ្រាប់កាំភ្លើងធំ និងរ៉ាដាប្រឆាំងគ្រាប់កាំភ្លើងធំផងដែរ ។

ប្រភពបានបញ្ជាក់បន្ថែមថា ទាហានអ៊ុយក្រែនក៏នឹងត្រូវការពេលហ្វឹកហាត់ផងដែរ ប្រសិនបើពួកគេទទួលបានប្រព័ន្ធមីស៊ីលដែនអាកាស NASAMS ដោយសារតែវាជាប្រព័ន្ធការពារសមត្ថភាពថ្មី ។

ប្រសិនបើរដ្ឋាភិបាលទីក្រុងកៀវទទួលបានមីស៊ីល NASAMS ក្នុងសប្ដាហ៍នេះមែននោះ វាគឺជាការទទួលបានប្រព័ន្ធខែលការពារមួយទៀតដែលផ្គត់ផ្គង់ដោយសហរដ្ឋអាមេរិក បន្ទាប់ពីទើបតែទទួលបានប្រព័ន្ធរ៉ុកកែតកាំភ្លើងធំចល័តខ្ពស់ (HIMARS) កាលពីប៉ុន្មានថ្ងៃមុន ។

មិនខុសពីមីស៊ីល NASAMS នោះទេ ប្រព័ន្ធរ៉ុកកែត HIMARS ជាប្រព័ន្ធអាវុធរយៈចម្ងាយឆ្ងាយដ៏មានអានុភាពដែលទីក្រុងកៀវសង្ឃឹមថាអាចជួយទប់ទល់នឹងការវាយលុករបស់រុស្ស៊ីបាន បើទោះជាពេលនេះអ៊ុយក្រែនបានបាត់បង់ទីក្រុងសំខាន់ៗជាច្រើនទៅលើកណ្ដាប់ដៃរបស់កងកម្លាំងទីក្រុងមូស្គូក៏ដោយ ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ លោក Zelensky ប្ដេជ្ញាយកទីក្រុងធ្លាក់ក្នុងកណ្ដាប់ដៃ រុស្ស៊ី ទាំងអស់មកវិញ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម