ព័ត៌មានអន្ដរជាតិ
ពូទីន៖ លោកខាងលិចចង់កម្ចាត់រុស្ស៊ីនៅលើសមរភូមិ? សាកមើលទៅ!
លោកប្រធានាធិបតី វ្ល៉ាឌីមៀរ ពូទីន បាននិយាយអំពីការព្យាយាមរបស់លោកខាងលិច ក្នុងការកម្ចាត់រុស្ស៊ីនៅលើសមរភូមិ ហើយអះអាងថា អន្តរាគមន៍របស់ទីក្រុងមូស្គូ នៅក្នុងប្រទេសអ៊ុយក្រែន បានបង្ហាញពីការផ្លាស់ប្តូរទៅកាន់ “ពិភពលោកពហុប៉ូល”។
មេដឹកនាំរុស្ស៊ីរូបនេះ បាននិយាយកាលពីថ្ងៃព្រហស្បតិ៍ទី០៧ខែកក្កដាថា រុស្ស៊ីស្ទើរតែបានចាប់ផ្តើមក្នុងលក្ខខណ្ឌនៃសង្រ្គាមទៅហើយនៅអ៊ុយក្រែន ហើយហ៊ានឲ្យលោកខាងលិចព្យាយាមកម្ចាត់ខ្លួននៅក្នុងសង្គ្រាម ប៉ុន្តែលោកក៏អះអាងផងដែរថា ទីក្រុងមូស្គូ នៅតែបើកចិត្តចំពោះកិច្ចចរចាសន្តិភាព។
នៅក្នុងសុន្ទរកថាខ្លាំងៗមួយកាលពីថ្ងៃព្រហស្បតិ៍ ទៅកាន់មេដឹកនាំសភា ពោលគឺរយៈពេលជាង ៤ ខែក្នុងការលុកលុយរបស់ទីក្រុងមូស្គូលើអ៊ុយក្រែន, លោក ពូទីន បាននិយាយថា ក្តីសង្ឃឹមសម្រាប់ការចរចាណាមួយនឹងកាន់តែរសាយបាត់ បើជម្លោះអូសបន្លាយកាន់តែយូរ។
លោកពូទីនបាននិយាយ “ថ្ងៃនេះ យើងឮថាពួកគេចង់កម្ចាត់យើងនៅលើសមរភូមិ។ តើអ្នកអាចនិយាយអ្វីខ្លះ? សាកមើលទៅ។ យើងបានឮជាច្រើនដងមកហើយថា លោកខាងលិចចង់វាយយើងដល់អ៊ុយក្រែនចុងក្រោយ។ នេះជាសោកនាដកម្មសម្រាប់ប្រជាជនអ៊ុយក្រែន ប៉ុន្តែវាហាក់ដូចជាអ្វីៗកំពុងតែឈានទៅរករឿងនេះ”។
រុស្ស៊ីបានចោទប្រកាន់លោកខាងលិចថា កំពុងធ្វើសង្គ្រាមប្រូកស៊ីប្រឆាំងនឹងខ្លួន រារាំងសេដ្ឋកិច្ចរុស្ស៊ីដោយការដាក់ទណ្ឌកម្ម និងបង្កើនការផ្គត់ផ្គង់អាវុធទំនើបៗដល់អ៊ុយក្រែន។
ស្របពេលជាមួយគ្នានោះ លោក ពូទីន ក៏បានលើកឡើងអំពីលទ្ធភាពនៃការចរចាផងដែរ។
លោកថ្លែងថា “អ្នករាល់គ្នាគួរតែដឹងថា យើងមិនទាន់ទទួលបានការចាប់ផ្តើមអ្វី ដោយស្មោះត្រង់ទេ។ ទន្ទឹមនឹងនេះ យើងមិនបដិសេធការចរចាសន្តិភាពឡើយ។ ប៉ុន្តែអ្នកដែលបដិសេធពួកគេគួរតែដឹងថា បើរឿងកាន់តែបន្ត វានឹងកាន់តែពិបាកសម្រាប់ពួកគេក្នុងការចរចាជាមួយយើង”។
គួរបញ្ជាក់ថា ការអត្ថាធិប្បាយរបស់លោក ពូទីន គឺជាលើកដំបូង ដែលសំដៅទៅទំនាក់ទំនងការទូតក្នុងរយៈពេលជាច្រើនសប្តាហ៍ បន្ទាប់ពីមានសេចក្តីថ្លែងការណ៍ម្តងហើយម្តងទៀតពីទីក្រុងមូស្គូថា ការចរចាជាមួយទីក្រុងកៀវ បានដួលរលំទាំងស្រុង៕
ប្រែសម្រួល៖ Vann Vann
ប្រភព៖ Al Jazeera
ចុចអាន៖ រុស្ស៊ី កម្ទេច ប្រ័ពន្ធបាញ់រ៉ុកកែតទំនើប ដែលអាមេរិក ផ្តល់ឲ្យ អ៊ុយក្រែន
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២៣ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ២១ ម៉ោង ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ព័ត៌មានជាតិ១ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ