ព័ត៌មានអន្ដរជាតិ
រុស្ស៊ី កម្ទេច ប្រ័ពន្ធបាញ់រ៉ុកកែតទំនើប ដែលអាមេរិក ផ្តល់ឲ្យ អ៊ុយក្រែន
ក្រសួងការពារជាតិរុស្ស៊ី បាននិយាយកាលពីថ្ងៃពុធទី០៦ខែកក្កដាថា កងកម្លាំងរុស្ស៊ីបានបំផ្លាញប្រ័ពន្ធបាញ់រ៉ុកកែតផលិតដោយសហរដ្ឋអាមេរិកចំនួនពីរគ្រឿង នៅក្នុងទីក្រុង Donbass។
សហរដ្ឋអាមេរិកបានផ្តល់ឲ្យទីក្រុង កៀវ នូវប្រព័ន្ធបាញ់គ្រាប់រ៉ុក្កែតទំនើប (HIMARS) ចំនួនប្រាំបីគ្រឿង និងគ្រាប់រំសេវ ចាប់តាំងពីការចាប់ផ្តើមនៃការវាយលុករបស់យោធារុស្ស៊ីក្នុងប្រទេសអ៊ុយក្រែន។
យោធារុស្ស៊ីបាននិយាយក្នុងសេចក្តីថ្លែងការណ៍មួយថា “នៅតំបន់ Malotaranovka ក្នុងសាធារណរដ្ឋប្រជាមានិត Donetsk, មីស៊ីលបាញ់ពីលើអាកាស បានបំផ្លាញប្រព័ន្ធរ៉ុកកែត HIMARS ផលិតដោយសហរដ្ឋអាមេរិកចំនួនពីរគ្រឿង និងស្តុកគ្រាប់ចំនួនពីរ”។
នៅចុងខែមិថុនា សាធារណរដ្ឋប្រជាមានិត Lugansk (LPR) បាននិយាយថា ប្រព័ន្ធបាញ់រ៉ុកកែត M142 HIMARS ត្រូវបានប្រើប្រាស់ដោយកងកម្លាំងអ៊ុយក្រែននៅតំបន់ Donbass។ នោះជាលើកទីមួយហើយ ដែលអាជ្ញាធរក្នុងតំបន់រាយការណ៍ថា ប្រព័ន្ធផ្គត់ផ្គង់ដោយសហរដ្ឋអាមេរិកត្រូវបានប្រើប្រាស់ក្នុងការប្រយុទ្ធ។
កាលពីថ្ងៃទី២៣ខែមិថុនា រដ្ឋមន្ត្រីការពារជាតិអ៊ុយក្រែន លោក Alexey Reznikov បានស្វាគមន៍ការមកដល់របស់ប្រព័ន្ធបាញ់រ៉ុកកែត HIMARS ហើយបានសម្តែងការដឹងគុណចំពោះសហសេវិកអាមេរិក និងមិត្តរបស់គាត់គឺប្រមុខមន្ទីរបញ្ចកោណលោក Lloyd Austin សម្រាប់ឧបករណ៍ដ៏មានឥទ្ធិពលទាំងនេះ។
រុស្ស៊ីតែងតែព្រមានសហរដ្ឋអាមេរិក និងសម្ព័ន្ធមិត្ត កុំឲ្យផ្តល់អាវុធដល់អ៊ុយក្រែន ដោយនិយាយថា វានឹងនាំទៅដល់ការអូសបន្លាយនៃជម្លោះ និងបង្កើតបញ្ហារយៈពេលវែង៕
ប្រែសម្រួល៖ Vann Vann
ប្រភព៖ RT
ចុចអាន៖ អំពើពុករលួយក្នុងជួរកងទ័ពអ៊ុយក្រែន! ទាហានលក់ជំនួយយោធាលោកខាងលិច ដើម្បីប្រាក់
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង