Connect with us

ព័ត៌មានអន្ដរជាតិ

យោធាចិន ចេញការព្រមានខ្លាំងៗ ដាក់ សហរដ្ឋអាមេរិក (មានវីដេអូ) 

បានផុស

នៅ

កាលពីថ្ងៃចន្ទទី១៨ខែកក្កដា ក្រសួងការបរទេស និងការពារជាតិនៅទីក្រុងប៉េកាំង បានចេញសេចក្តីថ្លែងការណ៍ខ្លាំងៗ ដោយថ្កោលទោសរដ្ឋបាលលោក Biden ចំពោះការយល់ព្រមលក់អាវុធថ្មីរបស់សហរដ្ឋអាមេរិកទៅឲ្យកោះតៃវ៉ាន់។ កិច្ច​ព្រម​ព្រៀង​នេះ​មាន​តម្លៃ​ប្រមាណ ១០៨ លាន​ដុល្លារ ហើយ​រួម​បញ្ចូល​ទាំង​ជំនួយ​រថពាសដែក និង​ជំនួយ​បច្ចេកទេសផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកនាំពាក្យក្រសួងការពារជាតិចិន លោកវរសេនីយ៍ឯក Tan Kefei បាននិយាយថា ទីក្រុងប៉េកាំង ទាមទារឲ្យសហរដ្ឋអាមេរិក លុបចោលជាបន្ទាន់នូវផែនការលក់សព្វាវុធដូចដែលបានរៀបរាប់ខាងលើទៅឲ្យតៃវ៉ាន់, បញ្ឈប់កិច្ចព្រមព្រៀងសព្វាវុធបែបនេះ និងកាត់ផ្តាច់ទំនាក់ទំនងយោធាជាមួយកោះនេះ។ បើមិនដូច្នេះទេ ភាគីអាមេរិក នឹងទទួលខុសត្រូវទាំងស្រុងចំពោះការធ្វើឲ្យខូចទំនាក់ទំនងរវាងចិន និងអាមេរិក និងយោធាទាំងពីរ ព្រមទាំងសន្តិភាព និងស្ថិរភាពនៃច្រកសមុទ្រតៃវ៉ាន់ផងដែរ។

លោកវរសេនីយ៍ឯកបានបន្ថែមថា “កងទ័ពរំដោះប្រជាជនចិន នឹងចាត់វិធានការចាំបាច់ទាំងអស់ដើម្បីការពារអធិបតេយ្យភាពជាតិ និងបូរណភាពទឹកដីយ៉ាងរឹងមាំ ហើយរារាំងយ៉ាងម៉ឺងម៉ាត់នូវរាល់ទម្រង់នៃការជ្រៀតជ្រែកពីខាងក្រៅ និងការប៉ុនប៉ងបំបែកខ្លួនសម្រាប់ឯករាជ្យភាពតៃវ៉ាន់”។

អ្នកនាំពាក្យក្រសួងការពារជាតិចិន លោកវរសេនីយ៍ឯក Tan Kefei

ស្របពេលជាមួយគ្នានោះ អ្នកនាំពាក្យក្រសួងការបរទេសចិន លោក Wang Wenbin បានលើកឡើងថា ការផ្គត់ផ្គង់អាវុធរបស់ទីក្រុងវ៉ាស៊ីនតោន បានធ្វើឲ្យខូចអធិបតេយ្យភាព និងផលប្រយោជន៍សន្តិសុខរបស់ចិនយ៉ាងធ្ងន់ធ្ងរ និងធ្វើឲ្យប៉ះពាល់ខ្លាំងក្លាដល់ទំនាក់ទំនងចិន-អាមេរិក និងសន្តិភាព ក៏ដូចជាស្ថិរភាពនៅទូទាំងច្រកសមុទ្រតៃវ៉ាន់។

លោក Wang បន្ថែមថា “ប្រទេសចិន នឹងបន្តចាត់វិធានការយ៉ាងម៉ឺងម៉ាត់ និងរឹងមាំដើម្បីការពារអធិបតេយ្យភាព និងផលប្រយោជន៍សន្តិសុខរបស់ខ្លួន”។

អ្នកនាំពាក្យក្រសួងការបរទេសចិន លោក Wang Wenbin

គួររម្លឹកថា កាលពីថ្ងៃសុក្រសប្តាហ៍មុន មន្ទីរបញ្ចកោណបានលាតត្រដាងថា ក្រសួងការបរទេ​សសហរដ្ឋអាមេរិក បានបើកភ្លើងខៀវលើកិច្ចព្រមព្រៀងលក់អាវុធ ក្នុងទំហំទឹកប្រាក់រហូតដល់ទៅ ១០៨ លានដុល្លារឯណោះ។ ទោះ​យ៉ាង​ណា វា​មិន​ទាន់​ទទួល​បាន​ការ​អនុម័ត​ពី​សភា​នៅ​ឡើយ​ទេ។

កិច្ចព្រមព្រៀងនេះ នឹងរួមបញ្ចូលគ្រឿងបន្លាស់សម្រាប់រថក្រោះ និងយានប្រយុទ្ធផ្សេងទៀត ក៏ដូចជាសេវាកម្មគាំទ្រផ្នែកបច្ចេកទេស និងដឹកជញ្ជូនដែលផ្តល់ដោយរដ្ឋាភិបាលសហរដ្ឋអាមេរិក និងអ្នកម៉ៅការរបស់ខ្លួនផងដែរ ដើម្បីបង្កើនសមត្ថភាពអន្តរប្រតិបត្តិការ របស់យោធាតៃវ៉ាន់ជាមួយកងកម្លាំងអាមេរិក និងសម្ព័ន្ធមិត្តដទៃទៀត។ នេះបើយោងតាម ទីភ្នាក់ងារកិច្ចសហប្រតិបត្តិការសន្តិសុខការពារជាតិអាមេរិក។

តៃវ៉ាន់ បានគ្រប់គ្រងដោយខ្លួនឯងចាប់តាំងពីសង្គ្រាមស៊ីវិល បញ្ចប់នៅឆ្នាំ១៩៤៩។ ទីក្រុងប៉េកាំងបានចាត់ទុកខេត្តដែលមានប្រជាជនចំនួន ២៣.៥លាននាក់មួយនេះ ជាផ្នែកនៃទឹកដីរបស់ខ្លួន ក្រោមគោលនយោបាយចិនតែមួយ។

ថ្មីៗនេះ ប្រទេសចិនបានបង្កើនសកម្មភាពយោធាដែនសមុទ្រ និងអាកាសជុំវិញកោះនេះ ដោយនិយាយថា វាគឺជារឿងចាំបាច់ដើម្បីរារាំងសកម្មភាពឃុបឃិតគ្នា រវាងកងកម្លាំងឯករាជ្យតៃវ៉ាន់ និងរដ្ឋាភិបាលសហរដ្ឋអាមេរិក៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ RT

ចុចអាន៖ ក្រុងប៉េកាំង បន្ទោស អាមេរិក ថា ជាអ្នកបង្កបញ្ហា ក្រោយនាវាចម្បាំង រំលោភដែនទឹករបស់ ចិន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា៦ ថ្ងៃ មុន

ឈ្នះខ្សែក្រវាត់ថ្ងៃជាមួយ​ ឈឿង ល្វៃ កីឡាករ Erdene ក៏មានរថយន្តទទួល

ព័ត៌មានជាតិ៥ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

សន្តិសុខសង្គម៧ ថ្ងៃ មុន

ដកហូតមុខតំណែង មេបញ្ជាការរងស្រុកស្វាយជ្រុំ​៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ

ព័ត៌មានជាតិ៥ ថ្ងៃ មុន

ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល

ព័ត៌មានអន្ដរជាតិ៥ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

Sokha Hotels

ព័ត៌មានពេញនិយម