ព័ត៌មានអន្ដរជាតិ
ក្រុងប៉េកាំង បន្ទោសអាមេរិកថា ជាអ្នកបង្កបញ្ហា ក្រោយនាវាចម្បាំង រំលោភដែនទឹករបស់ ចិន
លោក Tian Junli អ្នកនាំពាក្យបញ្ជាការដ្ឋានភាគខាងត្បូងនៃកងទ័ពរំដោះប្រជាជនចិន បាននិយាយនៅក្នុងសេចក្តីថ្លែងការណ៍មួយថា “នៅថ្ងៃទី១៣ខែកក្កដា នាវាពិឃាតនាំផ្លូវមីស៊ីល USS Benfold របស់អាមេរិក បានរំលោភចូលដែនទឹករបស់ចិន នៅជិតកោះ Xisha ដោយគ្មានការអនុញ្ញាតពីរដ្ឋាភិបាលចិន”។
វរសេនីយ៍ឯកនៃកងទ័ពអាកាសចិនរូបនេះ បន្ថែមថា សកម្មភាពរបស់យោធាអាមេរិក បានរំលោភយ៉ាងធ្ងន់ធ្ងរលើអធិបតេយ្យភាព និងសន្តិសុខជាតិរបស់ចិន, បំផ្លាញសន្តិភាព និងស្ថិរភាពនៅសមុទ្រចិនខាងត្បូង និងបំពានច្បាប់អន្តរជាតិ។
យោងតាមលោក Tian, ទង្វើរបស់សហរដ្ឋអាមេរិក បានបង្ហាញជាថ្មីម្តងទៀត អំពីចេតនារបស់រដ្ឋាភិបាលទីក្រុងវ៉ាស៊ីនតោន ក្នុងការធ្វើយោធូបនីយកម្មនៅសមុទ្រចិនខាងត្បូង។
សេចក្តីថ្លែងការណ៍បានឲ្យដឹងថា “ការពិតបានបង្ហាញឲ្យឃើញយ៉ាងច្បាស់ថា សហរដ្ឋអាមេរិកគ្មានបានការ ហើយជាអ្នកបង្កើតបញ្ហា និងជាអ្នកបំផ្លាញធំបំផុតដល់សន្តិភាព និងស្ថិរភាពនៅក្នុងសមុទ្រចិនខាងត្បូង”។
គួរបញ្ជាក់ថា រដ្ឋាភិបាលក្រុងប៉េកាំង បាននិងកំពុងមានជម្លោះជាមួយប្រទេសអាស៊ីប៉ាស៊ីហ្វិកមួយចំនួន អំពីកម្មសិទ្ធិលើកោះដែលសម្បូរទៅដោយអ៊ីដ្រូកាបូនជាច្រើន នៅក្នុងសមុទ្រចិនខាងត្បូង។
ដែនដីទាំងនោះរួមមានប្រជុំកោះ Xisha, កោះ Spratly និងកោះ Huangyan ដែលត្រូវបានគេស្គាល់ថាជា Scarborough Shoal។ ប្រទេសវៀតណាម ព្រុយណេ ម៉ាឡេស៊ី និងហ្វីលីពីន ក៏បានទាមទារកម្មសិទ្ធិលើទឹកដីទាំងនោះផងដែរ។
ស្ថានការណ៍នៅក្នុងតំបន់សមុទ្រ តែងតែមានភាពស្មុគស្មាញដោយសារតែការធ្វើដំណើរឆ្លងកាត់របស់នាវាចម្បាំងអាមេរិក ដែលទីក្រុងប៉េកាំង អះអាងថាជាការបំពានច្បាប់អន្តរជាតិ និងធ្វើឲ្យប៉ះពាល់ដល់អធិបតេយ្យភាព និងសន្តិសុខរបស់ចិន៕
ប្រែសម្រួល៖ Vann Vann
ប្រភព៖ Sputnik
ចុចអាន៖ ចិន ស្តីឲ្យ ណាតូ ខ្លាំងៗ ថា បង្កើត ជម្លោះ និង បញ្ឆេះ សង្រ្គាម
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម៤ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល