Connect with us

ព័ត៌មានអន្ដរជាតិ

ចិន រៀបចំធ្វើសមយុទ្ធយោធាថ្មី ​ជុំវិញ​កោះ​តៃវ៉ាន់ បន្ទាប់ពីដំណើរទស្សនកិច្ច របស់លោកស្រី Pelosi (មានវីដេអូ)

បានផុស

នៅ

ប្រទេស​ចិន ​កំពុងរៀបចំ ​សម្រាប់​សមយុទ្ធ​យោធា​នៅ​ក្នុងសមុទ្រ ​ជុំវិញ​កោះ​តៃវ៉ាន់ ​បន្ទាប់​ពីដំណើរទស្សនកិច្ច ​របស់​អ្នក​នយោបាយ​កំពូល​​អាមេរិក លោកស្រី Nancy Pelosi ទៅ​កាន់​កោះនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកស្រី Pelosi បានចាកចេញកាលពីថ្ងៃពុធទី០៣ខែសីហា បន្ទាប់ពីបំពេញទស្សនកិច្ចរយៈពេលខ្លីដ៏ចម្រូងចម្រាសទៅកាន់កោះតៃវ៉ាន់ ដែលប្រទេសចិនចាត់ទុកថាជាខេត្តបំបែក។

ជាការឆ្លើយតប ប្រទេសចិនបានប្រកាស ធ្វើសមយុទ្ធយោធាចាំបាច់រយៈពេលប្រាំថ្ងៃ ដែលនឹងចាប់ផ្តើមនៅថ្ងៃព្រហស្បតិ៍នេះ។

ប្រទេសចិននិយាយថា សមយុទ្ធនេះនឹងធ្វើឡើងនៅក្នុងផ្លូវទឹកដ៏មមាញឹកបំផុតមួយចំនួនរបស់ពិភពលោក ហើយនឹងរួមបញ្ចូលទាំងការបាញ់គ្រាប់ពិតរយៈចម្ងាយឆ្ងាយ ផងដែរ។

តៃវ៉ាន់ បានស្នើឲ្យកប៉ាល់ទាំងឡាយ ស្វែងរកផ្លូវវាង ដើម្បីចៀសវាងការធ្វើសមយុទ្ធនេះ ហើយកំពុងចរចាជាមួយប្រទេសជិតខាង ដូចជាជប៉ុន និងហ្វីលីពីន ដើម្បីស្វែងរកផ្លូវអាកាសចរណ៍ជំនួស។

ស្របពេលជាមួយគ្នានោះ ប្រធានាធិបតីតៃវ៉ាន់ លោកស្រី Tsai Ing-wen បាន​និយាយ​ថា ទឹកដីរបស់ខ្លួន ​កំពុង​ប្រឈម​នឹង ការ​គំរាម​កំហែង​ដោយ​ចេតនា​ផ្នែក​យោធា។

ក្នុងកិច្ចខិតខំប្រឹងប្រែងដើម្បីធ្វើឲ្យស្ថានការណ៍ធូរស្រាល រដ្ឋមន្ត្រីការបរទេសមកពីប្រទេស G7 រួមមានកាណាដា បារាំង អាល្លឺម៉ង់ អ៊ីតាលី ជប៉ុន អង់គ្លេស និងសហរដ្ឋអាមេរិក បានចេញសេចក្តីថ្លែងការណ៍រួមមួយ ដោយនិយាយថា សកម្មភាពកាន់តែខ្លាំងក្លារបស់ចិន កំពុងប្រថុយបង្កអស្ថិរភាពនៅក្នុងតំបន់។

សេចក្តីថ្លែងការណ៍បាននិយាយថា “មិនមានហេតុផលត្រឹមត្រូវក្នុងការប្រើដំណើរទស្សនកិច្ចនេះ ជាលេសសម្រាប់សកម្មភាពយោធានៅក្នុងច្រកសមុទ្រតៃវ៉ាន់នោះទេ។ វាជារឿងធម្មតា និងជាទម្លាប់សម្រាប់សមាជិកសភាមកពីប្រទេសរបស់យើង ក្នុងការធ្វើដំណើរជាអន្តរជាតិ”៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ BBC

ចុចអាន៖ ក្រុងតៃប៉ិ ថ្កោលទោស ចិន ខ្លាំងៗ ចំពោះសមយុទ្ធបាញ់គ្រាប់ពិត នៅជុំវិញកោះ តៃវ៉ាន់

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា៦ ថ្ងៃ មុន

ឈ្នះខ្សែក្រវាត់ថ្ងៃជាមួយ​ ឈឿង ល្វៃ កីឡាករ Erdene ក៏មានរថយន្តទទួល

ព័ត៌មានជាតិ៥ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

សន្តិសុខសង្គម៧ ថ្ងៃ មុន

ដកហូតមុខតំណែង មេបញ្ជាការរងស្រុកស្វាយជ្រុំ​៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ

ព័ត៌មានជាតិ៥ ថ្ងៃ មុន

ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល

ព័ត៌មានអន្ដរជាតិ៥ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

Sokha Hotels

ព័ត៌មានពេញនិយម