ព័ត៌មានអន្ដរជាតិ
ឡាវ-ថៃ ព្រមព្រៀងភ្ជាប់ប្រព័ន្ធដឹកជញ្ជូនទំនិញ និងអ្នកដំណើរតាមផ្លូវរថភ្លើងពី ចិន ទៅអាស៊ាន
ប្រទេសឡាវ និងថៃបានព្រមព្រៀងក្នុងការតភ្ជាប់ប្រព័ន្ធដឹកជញ្ជូនទំនិញជាមួយគ្នាក្នុងគោលបំណងដើម្បីអភិវឌ្ឍន៍ឲ្យក្លាយទៅជាមជ្ឈមណ្ឌលសម្រាប់ការដឹកជញ្ជូនទំនិញ និងអ្នកដំណើរតាមរយៈផ្លូវរថភ្លើងជាមួយប្រទេសចិន និងអាស៊ាន ។
លោក Chanthon Thitinxay ប្រធានក្រុមហ៊ុនប្រេងឥន្ទនៈឡាវបាននិយាយថា កិច្ចព្រមព្រៀងនេះ គឺជាភាពជាដៃគូយុទ្ធសាស្ត្រសម្រាប់កំណើនសេដ្ឋកិច្ច និងការអភិវឌ្ឍប្រកបដោយនិរន្តរភាពរវាងឡាវ និងថៃ ។
កិច្ចព្រមព្រៀងនេះត្រូវបានធ្វើឡើងក្នុងឱកាសដែលលោក Phankham Wiphawan នាយករដ្ឋមន្ត្រីឡាវបានទៅធ្វើទស្សនកិច្ចនៅប្រទេសថៃ តាមការអញ្ជើញរបស់នាយករដ្ឋមន្ត្រីថៃលោក Prayuth Chan-Ocha កាលពីថ្ងៃទី ១-២ ខែមិថុនា ឆ្នាំ ២០២២ ។
ទន្ទឹមនោះកិច្ចព្រមព្រៀងនោះក៏មានទាំងការរៀបចំផែនការសកម្មភាពរួមគ្នាសម្រាប់ដំណាក់កាលឆ្នាំ ២០២២-២០២៦ ដែលត្រូវបានផ្តល់សារៈសំខាន់ជាពិសេសក្នុងការអភិវឌ្ឍសេដ្ឋកិច្ចសម្រាប់ជីវភាពរស់នៅរបស់ប្រជាជននៃប្រទេសទាំង ឡាវ-ថៃ ឲ្យកាន់តែល្អប្រសើរឡើងផងដែរ ។
ចំណែកគោលបំណងចំពោះការអភិវឌ្ឍនៃការតភ្ជាប់ប្រព័ន្ធដឹកជញ្ជូនទំនិញ និងអ្នកដំណើរតាមរយៈផ្លូវរថភ្លើងរវាង ចិន-ឡាវ-ថៃ ក៏ដើម្បីបង្កើនតម្លៃពាណិជ្ជកម្មរវាងគ្នាទៅវិញទៅមកផងដែរ ជាពិសេសនឹងក្លាយទៅជាមជ្ឈមណ្ឌលសម្រាប់ការដឹកជញ្ជូនទំនិញ និងអ្នកដំណើរជាមួយប្រទេសចិន និងអាស៊ាន ៕
ប្រែសម្រួលដោយ ៖ គង់ សំអាន
ប្រភព ៖ VOA Lao
ចុចអាន ៖ ថៃ រកអ្នកចាក់វ៉ាក់សាំងជំងឺអុតស្វាយឆ្នាំ ១៩៨០ ដើម្បីធ្វើតេស្តភាពស៊ាំជំងឺ អុតស្វា
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង