ព័ត៌មានអន្ដរជាតិ
ចិន ឲ្យ រុស្ស៊ី និងអ៊ុយក្រែនបន្តការចរចាដោយរបៀបត្រជាក់
ប្រទេសចិនបានអំពាវនាវឲ្យទាំងរុស្ស៊ី និងអ៊ុយក្រែនបន្តការចរចាឡើងវិញ បន្ទាប់ពីរដ្ឋាភិបាលទីក្រុងប៉េកាំងបានសម្តែងការព្រួយបារម្ភអំពីសុវត្ថិភាព និងសន្តិសុខនៃរោងចក្រនុយក្លេអ៊ែរនៅអ៊ុយក្រែន ។
លោក Zhang Jun ឯកអគ្គរដ្ឋទូតចិនប្រចាំអង្គការសហប្រជាជាតិ (UN) បានប្រាប់ក្រុមប្រឹក្សាសន្តិសុខអង្គការសហប្រជាជាតិកាលពីថ្ងៃសុក្រថា “យើងអំពាវនាវឲ្យភាគីពាក់ព័ន្ធទាំងអស់ចាប់ផ្តើមការចរចាឡើងវិញឲ្យបានឆាប់តាមដែលអាចធ្វើទៅបាន ស្វែងរកដំណោះស្រាយចំពោះវិបត្តិអ៊ុយក្រែនក្នុងរបៀបត្រជាក់ និងសមហេតុផល ដោះស្រាយកង្វល់សន្តិសុខស្របច្បាប់របស់គ្នាទៅវិញទៅមក និងកសាងស្ថាបត្យកម្មសន្តិសុខប្រកបដោយតុល្យភាព ប្រសិទ្ធភាព និងនិរន្តរភាព ទើបសម្រេចបាននូវសន្តិសុខរួមគ្នា” ។
ចំណែកទាក់ទិននឹងការវាយប្រហារនាពេលថ្មីៗនេះ ទៅលើរោងចក្រថាមពលនុយក្លេអ៊ែរ Zaporizhzhia របស់ប្រទេសអ៊ុយក្រែន លោក Zhang បាននិយាយថា “យើងអាចដកហានិភ័យនុយក្លេអ៊ែរជាមូលដ្ឋាន កាត់បន្ថយការវិនិច្ឆ័យខុស និងជៀសវាងគ្រោះថ្នាក់ទាំងឡាយ គឺការចរចានេះឯង” ។
បច្ចុប្បន្នរុស្ស៊ីកំពុងគ្រប់គ្រងរោងចក្រនេះ បន្ទាប់ពីបានវាយដណ្ដើមយកពីអ៊ុយក្រែនកាលពីខែមីនា ខណៈភាគីជម្លោះទាំងពីរបានស្តីបន្ទោសគ្នាទៅវិញទៅមកចំពោះការបាញ់ផ្លោងរោងចក្រនុយក្លេអ៊ែរដ៏ធំបំផុតរបស់អឺរ៉ុបនាពេលថ្មីៗនេះផងដែរ ។
ជាចុងក្រោយលោក Zhang បានអំពាវនាវឲ្យគោរពអធិបតេយ្យភាព និងបូរណភាពទឹកដីនៃភាគីពាក់ព័ន្ធ និងបានជំរុញឲ្យសហគមន៍អន្តរជាតិធ្វើសកម្មភាពប្រកបដោយទំនួលខុសត្រូវ ដើម្បីជួយសម្រួលដល់ដំណោះស្រាយសមស្របនៃវិបត្តិ និងបង្កើនកិច្ចខិតខំប្រឹងប្រែងផ្នែកនយោបាយការទូត ដើម្បីបង្កើតលក្ខខណ្ឌសម្រាប់ភាគីពាក់ព័ន្ធក្នុងការវិលត្រឡប់ទៅកាន់តុចរចា ៕
ប្រែសម្រួលដោយ ៖ ជីវ័ន្ត
ប្រភព ៖ Anadolu
ចុចអាន ៖ រដ្ឋបាល់ទិកចំនួន ២ បន្ថយទំនាក់ទំនងជាមួយ ចិន ដោយសារលោកស្រី Pelosi
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ