ព័ត៌មានអន្ដរជាតិ
សមយុទ្ធ Vostok ឆ្នាំ២០២២ នៅរុស្ស៊ី ចាប់ផ្តើមហើយ
ក្រសួងការពារជាតិរុស្ស៊ីបាននិយាយថា ពិធីបើកសមយុទ្ធប៉ុស្តិ៍បញ្ជាការយុទ្ធសាស្ត្រ Vostok ឆ្នាំ២០២២ ត្រូវបានធ្វើឡើងកាលពីថ្ងៃពុធទី៣១ខែសីហា នៅឯទីលានហ្វឹកហាត់ Sergeyevsky ក្នុងតំបន់ Primorsky។
ជាមួយវត្តមានរបស់ប្រមុខយោធាបរទេស, អនុរដ្ឋមន្ត្រីក្រសួងការពារជាតិរុស្ស៊ី លោកវរសេនីយ៍ឯក Yunus-Bek Yevkurov បានប្រកាសបើកសមយុទ្ធនេះ។
លោក Yunus-Bek Yevkurov និយាយថា “ថ្ងៃនេះ ទាហាន និងមន្ត្រីនៃរដ្ឋចំនួន១០ កំពុងឈរនៅក្នុងទ្រង់ទ្រាយតែមួយ ហើយប្រទេសសរុប ១៤ កំពុងចូលរួមក្នុងសមយុទ្ធនេះ។ ទាហានរាប់ម៉ឺននាក់ និងឧបករណ៍រាប់ពាន់គ្រឿង កំពុងបំពេញបេសកកម្មហ្វឹកហ្វឺនប្រយុទ្ធតាមផែនការតែមួយ នៅទីលានហ្វឹកហាត់ចំនួនប្រាំបួនក្នុងពេលជាក់ស្តែង”។
សមយុទ្ធរួមគ្នានេះ ជាផ្នែកនៃសម្ព័ន្ធរដ្ឋ ដើម្បីជួយអភិវឌ្ឍការយល់ដឹងរួមនៃការរៀបចំការហ្វឹកហ្វឺនកងទ័ព ការគ្រប់គ្រង និងអន្តរកម្មរបស់ពួកគេនៅកម្រិតប្រតិបត្តិការ និងយុទ្ធសាស្ត្រ ពង្រឹងមិត្តភាព និងសមរភូមិប្រយុទ្ធរវាងបុគ្គលិកយោធានានា។
គួរបញ្ជាក់ថា សមយុទ្ធ Vostok ឆ្នាំ២០២២ គឺប្រព្រឹត្តទៅចាប់ពីថ្ងៃទី០១ ដល់ថ្ងៃទី៧ខែកញ្ញានេះ ក្រោមការដឹកនាំរបស់អគ្គសេនាធិការនៃកងកម្លាំងប្រដាប់អាវុធ សហព័ន្ធរុស្ស៊ី។
សមយុទ្ធនេះ មានការចូលរួមពីស្ថាប័នយោធា និងអ្នកសង្កេតការណ៍មកពីអង្គការ CSTO, SCO និងបណ្តាប្រទេសជាដៃគូផ្សេងទៀតរួមមាន អាស៊ែបៃហ្សង់ អាល់ហ្សេរី អាមេនី បេឡារុស ឥណ្ឌា កាហ្សាក់ស្ថាន កៀហ្ស៊ីស៊ីស្ថាន ចិន ឡាវ ម៉ុងហ្គោលី នីការ៉ាហ្គា ស៊ីរី និងតាជីគីស្ថាន។
សរុបមក ទាហានជាង ៥ម៉ឺននាក់, អាវុធ និងសម្ភារយោធាជាង ៥ពាន់គ្រឿង រួមទាំងយន្តហោះ ១៤០ គ្រឿង, នាវាចម្បាំង ទូក និងនាវាគាំទ្រ៦០ គ្រឿងផងដែរ បានចូលរួមក្នុងសមយុទ្ធ នេះ៕
ប្រែសម្រួល៖ Vann Vann
ប្រភព៖ TASS
ចុចអាន៖ រុស្ស៊ី បង្ហាញឈ្មោះប្រទេស និងចំនួនទាហានចូលរួមក្នុងសមយុទ្ធ “Vostok-2022”
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៩ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម១៧ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
សន្តិសុខសង្គម១ សប្តាហ៍ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)