ព័ត៌មានអន្ដរជាតិ

រុស្ស៊ី និងចិន ពិភាក្សាគ្នាអំពីសង្គ្រាមអ៊ុយក្រែន និងទំនាក់ទំនងជាមួយអាមេរិក

បានផុស

១២ ខែ មុន

នៅ

ថ្ងៃចន្ទ ១៤ កក្កដា ២០២៥

ដោយ

Chheang

កាលពីថ្ងៃអាទិត្យទី១៣ខែកក្កដាឆ្នាំ២០២៥នៅទីក្រុងប៉េកាំង រដ្ឋមន្ត្រីការបរទេសរុស្ស៊ី លោក Sergei Lavrov បានជួបជាមួយសមភាគីចិន លោក Wang Yi សម្រាប់ការពិភាក្សាអំពីទំនាក់ទំនងកាន់តែស៊ីជម្រៅរវាងប្រទេសទាំងពីរ សង្គ្រាមនៅអ៊ុយក្រែន និងទំនាក់ទំនងជាមួយសហរដ្ឋអាមេរិក។

លោក Wang Yi និងលោក Sergei Lavrov (រូបថត៖ Reuters)

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមសេចក្តីថ្លែងការណ៍ផ្លូវការ កិច្ចពិភាក្សារបស់រដ្ឋមន្ត្រីការបរទេសទាំងពីរបានផ្តោតលើការបង្កើនសកម្មភាពរួម និងការសម្របសម្រួលនៅទូទាំងវេទិកាអន្តរជាតិជាច្រើន ដូចជា ក្រុមប្រឹក្សាសន្តិសុខអង្គការសហប្រជាជាតិ, អង្គការសហប្រតិបត្តិការសៀងហៃ (SCO), ក្រុមប្រទេស BRICS, ក្រុមប្រទេស G20 និងកិច្ចសហប្រតិបត្តិការសេដ្ឋកិច្ចអាស៊ីប៉ាស៊ីហ្វិក (APEC)។ លោក Lavrov និងលោក Yi បានសង្កត់ធ្ងន់លើភាពជាដៃគូ«គ្មានដែនកំណត់» របស់ពួកគេ ដែលត្រូវបានធ្វើឡើងជាផ្លូវការនៅក្នុងខែកុម្ភៈឆ្នាំ២០២២ មុនការឈ្លានពានរបស់រុស្ស៊ីលើអ៊ុយក្រែន ហើយបានសន្យាបន្តកិច្ចសហប្រតិបត្តិការជាយុទ្ធសាស្រ្តនេះបន្ថែមទៀត ចំពេលមានភាពតានតឹងជាសកល។

ប្រទេសចិនបានអះអាងថា ខ្លួនស្វាគមន៍ចំពោះការពង្រឹងសម្ព័ន្ធភាពជាមួយរុស្ស៊ី ដោយពណ៌នាកិច្ចប្រជុំនេះថាជាមធ្យោបាយមួយ ដើម្បីជំរុញការអភិវឌ្ឍ និងរួមគ្នាប្រឈមមុខនឹងបញ្ហាប្រឈមជាសាកល ខណៈពិភពលោកកំពុងមានភាពច្របូកច្របល់ និងការផ្លាស់ប្តូរ។

ក្រៅពីបញ្ហានៅអ៊ុយក្រែន រដ្ឋមន្ត្រីទាំងពីរក៏បានផ្លាស់ប្តូរទស្សនៈលើតំបន់រសើបភូមិសាស្ត្រនយោបាយផ្សេងទៀតដូចជា ឧបទ្វីបកូរ៉េ និងកម្មវិធីនុយក្លេអ៊ែររបស់អ៊ីរ៉ង់ផងដែរ។

សូមជម្រាបថា កន្លងមក អាមេរិកតែងចាត់ទុកចិនជាគូប្រជែងដ៏ធំបំផុត ហើយរុស្ស៊ីជាការគំរាមកំហែងថ្នាក់ជាតិធំបំផុតរបស់ខ្លួន៕

ដោយ៖ ឈាង