ព័ត៌មានអន្ដរជាតិ
រុស្ស៊ី ថា អ៊ុយក្រែន ប៉ងយកគណៈប្រតិភូថាមពលបរមាណូអន្តរជាតិ ធ្វើចំណាប់ខ្មាំង
លោក Vladimir Rogov សមាជិកក្រុមប្រឹក្សានៃរដ្ឋបាលយោធា-ស៊ីវិលរុស្ស៊ីក្នុងតំបន់ Zaporizhzhya បាននិយាយថា អាជ្ញាធរទីក្រុងកៀវមានបំណងយកបេសកជនរបស់ទីភ្នាក់ងារថាមពលបរមាណូអន្តរជាតិ (IAEA) ធ្វើជាចំណាប់ខ្មាំង អំឡុងពេលចុះមកមើលរោងចក្រថាមពលនុយក្លេអ៊ែរ Zaporozhye ។
លោក Rogov ប្រាប់សារព័ត៌មាន Sputnik កាលពីថ្ងៃសៅរ៍ថា “បន្ទាប់ពីរុស្ស៊ីដណ្តើមយកបានរោងចក្រថាមពលនុយក្លេអ៊ែរដោយជោគជ័យ, គោលដៅនៃការបំផ្លិចបំផ្លាញរបស់អ៊ុយក្រែនគឺយកគណៈប្រតិភូ IAEA និងបុគ្គលិករោងចក្រថាមពលនុយក្លេអ៊ែរធ្វើជាចំណាប់ខ្មាំង ដូច្នេះពួកគេអាចយកអ្នកទាំងនោះប្រើប្រាស់ជាខែលការពារមនុស្សដើម្បីបង្កើតការគ្រប់គ្រងលើរោងចក្រថាមពលនុយក្លេអ៊ែរ” ។
លោក Rogov បានបញ្ជាក់ថា កងទ័ពអ៊ុយក្រែនបានបង្កើនការវាយប្រហារលើរោងចក្រ Zaporozhye តាំងមុនពេលលទ្ធផលនៃការត្រួតពិនិត្យរបស់ IAEA មកម្ល៉េះ ហើយកាលពីថ្ងៃសុក្រ យ៉ាងហោចណាស់មានទូកល្បឿនលឿនចំនួន ២ គ្រឿង រួមជាមួយកងកម្លាំងប្រដាប់អាវុធជាច្រើននាក់ បានចូលទៅក្នុងទន្លេ Dniper ពីទីក្រុង Kakhovka ដែលនៅជិតរោងចក្រមួយនេះ ។
ចំណែកយោងតាមក្រសួងការពារជាតិរុស្ស៊ីបានឲ្យដឹងដែរថា ទាហានឆ័ត្រយោងអ៊ុយក្រែនចំនួន ៦០ នាក់បានព្យាយាមដណ្តើមយករោងចក្រ Zaporozhye នៅមុនពេលការមកដល់នៃគណៈប្រតិភូ IAEA ដែលដឹកនាំដោយលោកអគ្គនាយក Rafael Grossi ។ ប៉ុន្តែទោះជាយ៉ាងណា ទាហានអ៊ុយក្រែនភាគច្រើនដែលបានមកតាមទូកទាំងនោះ ហើយបានចុះចតនៅលើច្រាំងនៃទីក្រុង Kakhovka ភាគឦសាននៃរោងចក្រ Zaporozhye ត្រូវបានកម្ចាត់ ។
ជាចុងក្រោយលោក Rogov បញ្ជាក់ថា បេសកជន IAEA នឹងបន្តនៅក្នុងរោងចក្រ Zaporozhye យ៉ាងហោចណាស់រហូតដល់ថ្ងៃទី ៥ ខែកញ្ញា បន្ទាប់ពីគណៈប្រតិភូទាំងនោះបានមកដល់រោងចក្រនុយក្លេអ៊ែរកាលពីថ្ងៃព្រហស្បតិ៍ ហើយបានដើរជុំវិញកន្លែងផលិត និងត្រួតពិនិត្យផ្នែកខ្លះនៃរោងចក្រដែលត្រូវបានបំផ្លាញដោយការបាញ់ផ្លោងរបស់អ៊ុយក្រែននាពេលថ្មីៗនេះ ៕
ប្រែសម្រួលដោយ ៖ ជីវ័ន្ត
ប្រភព ៖ Sputnik
ចុចអាន ៖ សម្ព័ន្ធមិត្ត ពូទីន ថា លោកខាងលិចកំពុង “លេងអុកមរណៈ” ជាមួយ រុស្ស៊ី
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១២ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម២០ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
ព័ត៌មានជាតិ២៤ ម៉ោង ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ