ព័ត៌មានអន្ដរជាតិ
លោក Min Aung Hlaing ជួបលោក Putin ជាលើកដំបូង ចាប់តាំងពីរដ្ឋប្រហារ
មេដឹកនាំយោធាមីយ៉ាន់ម៉ាលោក Min Aung Hlaing និងលោកប្រធានាធិបតីរុស្ស៊ី Vladimir Putin បានជួបពិភាក្សាគ្នាជាលើកដំបូងនៅខាងក្រៅវេទិកាសេដ្ឋកិច្ចបូព៌ា (EEF) ចាប់តាំងពីរដ្ឋប្រហារកាលពីឆ្នាំមុនមក ។
លោក Min Aung Hlaing បានប្រាប់លោក Putin ថា “ខ្ញុំមានមោទនភាពចំពោះអ្នកខ្លាំងណាស់ នៅពេលអ្នកចាប់ផ្តើមគ្រប់គ្រងប្រទេសរុស្ស៊ី ព្រោះអ្នកគឺជាអ្នកគ្រប់គ្រង និងរៀបចំស្ថិរភាពជុំវិញពិភពលោក ។ ចំណែកសហរដ្ឋអាមេរិក ដែលថ្កោលទោសកិច្ចសហប្រតិបត្តិការរវាងរុស្ស៊ី និងមីយ៉ាន់ម៉ា គឺពួកគេចង់រំខានដល់ស្ថិរភាពនៅក្នុងពិភពលោក និងក្នុងតំបន់” ។
លោក Min Aung Hlaing បាននិយាយទៀតថា “ហេតុផលសម្រាប់ការថ្កោលទោសដោយសហរដ្ឋអាមេរិកលើកិច្ចសហប្រតិបត្តិការរវាងប្រទេសរបស់យើង គឺនៅក្នុងបំណងប្រាថ្នាធ្វើឲ្យមិនមានតុល្យភាពស្ថិរភាពពិភពលោក ។ នៅក្នុងពិភពលោកពហុប៉ូល ទាំងរុស្ស៊ី និងមីយ៉ាន់ម៉ា ចង់រក្សាសន្តិភាព និងស្ថិរភាព ខណៈអាស៊ានក៏ដើរតួនាទីយ៉ាងធំនៅក្នុងរឿងនេះផងដែរ ។
មេដឹកនាំយោធារូបនេះបញ្ជាក់ថា “នៅក្នុងបញ្ហានេះដែរ សហរដ្ឋអាមេរិកមិនពេញចិត្តនោះទេ ដោយសារតែខ្លួនចង់បង្កើតពិភពលោកឯកប៉ូល ។ ការជ្រៀតជ្រែកបែបនេះដោយសហរដ្ឋអាមេរិកតែងតែធ្វើឡើងក្រោមលេសនៃលទ្ធិប្រជាធិបតេយ្យ សិទ្ធិមនុស្ស និងការបង្កើតការពឹងផ្អែកលើប្រាក់ដុល្លារ” ។
លោក Min Aung Hlaing សង្កត់ធ្ងន់ថា ប្រទេសមីយ៉ាន់ម៉ាក៏បានចាប់ផ្តើមទិញផលិតផលប្រេងរបស់រុស្ស៊ីក្នុងរយៈពេលពីរបីថ្ងៃទៀត ហើយនឹងទទួលបានការផ្គត់ផ្គង់ប្រេងម៉ាស៊ូតដំបូង ជាពិសេសត្រៀមខ្លួនជាស្រេចក្នុងការចំណាយលើការដឹកជញ្ជូនគិតជាប្រាក់រូបិ៍របស់រុស្ស៊ី ។
ចំណែកលោក Putin បាននិយាយនៅក្នុងកិច្ចប្រជុំជាមួយលោក Min Aung Hlaing ដែរថា ទំនាក់ទំនងរវាងរុស្ស៊ី និងមីយ៉ាន់ម៉ាកំពុងអភិវឌ្ឍជាវិជ្ជមាន ជាពិសេសគឺទំហំពាណិជ្ជកម្ម ពោលកើនឡើង ១៤០ ភាគរយនៅក្នុងឆមាសទីមួយនៃឆ្នាំ ២០២២ ៕
ប្រែសម្រួលដោយ ៖ ជីវ័ន្ត
ប្រភព ៖ Sputnik
ចុចអាន ៖ វិមានក្រឹមឡាំង បញ្ជាក់ពេលវេលាដែលលោក ពូទីន ចុះទៅតំបន់ Donbass
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា២ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត