អង់គ្លេសអនុម័តប្រើប្រាស់វ៉ាក់សាំងកូវីដទី ២ ស្របពេលស្ថានភាពកាន់តែធ្ងន់ធ្ងរ

វ៉ាក់សាំងការពារជំងឺកូវីដ ១៩ ដែលត្រូវបានបង្កើតឡើងដោយអ្នកវិទ្យាសាស្ត្រនៅសាកលវិទ្យាល័យ Oxford ត្រូវបានអនុម័តឲ្យប្រើប្រាស់ក្នុងចក្រភពអង់គ្លេស ។

ចក្រភពអង់គ្លេសបានបញ្ជាទិញវ៉ាក់សាំង ១០០ លានដូសពីក្រុមហ៊ុនផលិត AstraZeneca  ដោយចំនួននេះគ្រប់គ្រាន់ក្នុងការចាក់ដល់ប្រជាជន ៥០ លាននាក់ ។

ការអនុម័តដោយនិយតករឱសថមានន័យថា វ៉ាក់សាំងនេះមានទាំងសុវត្ថិភាព និងប្រសិទ្ធភាពក្នុងការពារជំងឺកូវីដ ១៩ ។

ទន្ទឹមនោះការអនុម័តឲ្យប្រើប្រាស់វ៉ាក់សាំងថ្មីនេះធ្វើឡើង បន្ទាប់ពីសុខភាពសាធារណៈអង់គ្លេសបាននិយាយថាប្រទេសនេះកំពុងប្រឈមនឹងកម្រិតនៃការឆ្លងដែលមិនធ្លាប់មានពីមុនមក ។

គួរបញ្ជាក់ថា វាជាការអនុម័តប្រើប្រាស់វ៉ាក់សាំងទី ២ នៅចក្រភពអង់គ្លេស បន្ទាប់ពីវ៉ាក់សាំងក្រុមហ៊ុន Pfizer-BioNTech ត្រូវបានផ្តល់ឲ្យនៅក្នុងខែធ្នូ ៕

ប្រែសម្រួលដោយ ៖ ជីវ័ន្ត

ប្រភព ៖ BBC