ព័ត៌មានអន្ដរជាតិ
ប្រទេសចំនួន៩ ប្រកាសគាំទ្រឲ្យ អ៊ុយក្រែន ចូល អង្គការណាតូ (មានវីដេអូ)
ប្រធានាធិបតីនៃសមាជិកចំនួន៩ របស់អង្គការណាតូ បានជួបជុំគ្នាកាលពីថ្ងៃអាទិត្យទី០២ខែតុលា ដើម្បីបង្ហាញការគាំទ្ររបស់ពួកគេ ចំពោះសមាជិកភាពរបស់ប្រទេសអ៊ុយក្រែន ហើយថែមទាំងជំរុញឲ្យសម្ព័ន្ធមិត្តទាំងអស់បង្កើនការគាំទ្រផ្នែកយោធា ចំពោះទីក្រុងកៀវ ទៀតផង។
សេចក្តីថ្លែងការណ៍នេះធ្វើឡើងពីរថ្ងៃ បន្ទាប់ពីប្រធានាធិបតីអ៊ុយក្រែន លោក Vladimir Zelensky បានប្រកាសពីចេតនានៃប្រទេសរបស់គាត់ ក្នុងការដាក់ពាក្យសុំចូលជាសមាជិកអង្គការណាតូជាបន្ទាន់។
ប្រធានាធិបតីសាធារណរដ្ឋឆេក អេស្តូនី ឡាតវី លីទុយអានី ម៉ាសេដូនីខាងជើង ម៉ុងតេណេហ្គ្រោ ប៉ូឡូញ រូម៉ានី និងស្លូវ៉ាគីបាននិយាយថា “យើងឈរយ៉ាងរឹងមាំនៅពីក្រោយការសម្រេចចិត្តរបស់កិច្ចប្រជុំកំពូល ប៊ុយការ៉េស ណាតូ ឆ្នាំ២០០៨ ទាក់ទងនឹងសមាជិកភាពនាពេលអនាគតរបស់អ៊ុយក្រែន”។
នៅក្នុងកិច្ចប្រជុំកំពូល ប៊ុយការ៉េស, សមាជិកសម្ព័ន្ធភាព បានស្វាគមន៍ចំពោះសេចក្តីប្រាថ្នាសម្រាប់សមាជិកភាពក្នុងអង្គការណាតូ របស់អ៊ុយក្រែន និងហ្សកហ្ស៊ី ប៉ុន្តែមិនបានបញ្ជាក់ពេលវេលាណាមួយ សម្រាប់ការចូលជាសមាជិករបស់ប្រទេសទាំងនេះទេ។
សេចក្តីថ្លែងការណ៍នោះនិយាយថា “យើងគាំទ្រអ៊ុយក្រែនក្នុងការការពារខ្លួន ប្រឆាំងនឹងការលុកលុយរបស់រុស្ស៊ី ទាមទារឲ្យរុស្ស៊ីដកខ្លួនចេញពីទឹកដីដែលកាន់កាប់ទាំងអស់ជាបន្ទាន់ និងលើកទឹកចិត្តសម្ព័ន្ធមិត្តទាំងអស់ ឲ្យបង្កើនជំនួយយោធារបស់ពួកគេយ៉ាងលើសលប់ដល់អ៊ុយក្រែន”។
ទន្ទឹមនឹងនេះ អគ្គលេខាធិការអង្គការណាតូ លោក Jens Stoltenberg បានសង្កត់ធ្ងន់ថា “ការសម្រេចចិត្តណាមួយស្តីពីសមាជិកភាព ត្រូវតែធ្វើឡើងដោយការឯកភាពនៃសមាជិកទាំង៣០។ បច្ចុប្បន្ន អាទិភាពកំពូលរបស់ប្លុកនេះគឺ គាំទ្រអ៊ុយក្រែន ទាំងផ្នែកយោធា និងផ្នែកហិរញ្ញវត្ថុ។ នេះក៏ជាវិធីល្អបំផុតដើម្បីឆ្លើយតប ចំពោះសកម្មភាពរបស់រុស្ស៊ីផងដែរ”។
គួរបញ្ជាក់ថា ការប្រកាសរបស់ លោក Zelensky អំពីការប៉ុនប៉ងចូលណាតូ បានកើតឡើងនៅថ្ងៃតែមួយដែលប្រធានាធិបតីរុស្ស៊ីលោក វ្ល៉ាឌីមៀរ ពូទីន ចុះហត្ថលេខាលើសន្ធិសញ្ញាស្តីពីការដាក់បញ្ចូលតំបន់ចំនួន៤ ចូលជាឧបសម្ព័ន្ធរបស់រុស្ស៊ី៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ RT
ចុចអាន៖ អ៊ុយក្រែន ដណ្តើម បាន មកវិញទាំងស្រុងនូវមជ្ឈមណ្ឌលដឹកជញ្ជូនដ៏សំខាន់
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ