Connect with us

ព័ត៌មានអន្ដរជាតិ

អ៊ុយក្រែន ​ដណ្តើម​បាន​មកវិញទាំងស្រុងនូវមជ្ឈមណ្ឌលដឹកជញ្ជូនដ៏សំខាន់ (មានវីដេអូ)

បានផុស

នៅ

កាលពីថ្ងៃអាទិត្យទី០២ ខែតុលា ប្រទេសអ៊ុយក្រែន បានដណ្តើមយកមកវិញទាំងស្រុងនូវមជ្ឈមណ្ឌលដឹកជញ្ជូនភាគខាងកើតគឺទីក្រុង Lyman ដែលនេះជាទឹកដីសមរភូមិដ៏សំខាន់បំផុត ដែលអ៊ុយក្រែន វាយយកបានពីរុស្ស៊ីក្នុងរយៈពេលប៉ុន្មានសប្តាហ៍ចុងក្រោយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការវាយយកបាននេះ កើតឡើងបន្ទាប់ពីប្រធានាធិបតីរុស្ស៊ីលោក​ វ្ល៉ាឌីមៀរ ពូទីន កាលពីថ្ងៃសុក្រសប្តាហ៍មុន បានប្រកាសកាត់បញ្ចូលតំបន់ចំនួន៤ដែលគ្របដណ្តប់ជិតមួយភាគប្រាំនៃទឹកដីអ៊ុយក្រែន។

ប្រធានាធិបតីអ៊ុយក្រែនលោក Volodymyr Zelensky បាននិយាយនៅក្នុងឃ្លីបវីដេអូខ្លីមួយលើឆានែល Telegram របស់គាត់ថា “គិតត្រឹមម៉ោង៩:៣០នាទីព្រឹក ទីក្រុង Lyman ត្រូវបានរំដោះទាំងស្រុង។ សូមអរគុណដល់កងទ័ពរបស់យើង”។

ប្រធានាធិបតីអ៊ុយក្រែនលោក Volodymyr Zelensky

មុននេះ លោក Zelenskiy ក៏បាននិយាយដែរថា “ក្នុងរយៈពេលមួយសប្តាហ៍កន្លងមកនេះ ចំនួនទង់ជាតិអ៊ុយក្រែននៅតំបន់ Donbas កាន់តែមានច្រើនឡើងៗ”។

ដោយឡែក ក្រសួងការពារជាតិរុស្ស៊ី បាននិយាយកាលពីថ្ងៃសៅរ៍ទី០១ខែតុលាថា ខ្លួនកំពុងដកកងទ័ពចេញពីតំបន់ Lyman ដោយសារការគំរាមកំហែងនៃការឡោមព័ទ្ធ។

រុស្ស៊ី មិនបានដាក់ឈ្មោះទីក្រុង Lyman នៅក្នុងការអាប់ដេតប្រចាំថ្ងៃរបស់ខ្លួនអំពីការប្រយុទ្ធនៅអ៊ុយក្រែនកាលពីថ្ងៃអាទិត្យនោះទេ ថ្វីបើខ្លួននិយាយថា កងកម្លាំងរុស្ស៊ីបានបំផ្លាញឃ្លាំងកាំភ្លើងធំ និងមីស៊ីលចំនួនប្រាំពីរនៅក្នុងតំបន់ Kharkiv, Zaporizhzhia, Mykolaiv និង Donetsk របស់អ៊ុយក្រែនក៏ដោយ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Sharjah 24

ចុចអាន៖ រុស្ស៊ី ដកទ័ពចេញពីទីក្រុងភាគខាងកើត អ៊ុយក្រែន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម