ព័ត៌មានអន្ដរជាតិ
មនុស្សស្លាប់កើនលើស ៤០នាក់ ក្នុងហេតុការណ៍ផ្ទុះអណ្តូងរ៉ែ នៅ តួកគី
ប្រធានាធិបតីតួកគីបាននិយាយថា ការផ្ទុះក្នុងអណ្តូងរ៉ែធ្យូងថ្មមួយ នៅភាគខាងជើងប្រទេសនេះ បានសម្លាប់មនុស្សយ៉ាងតិច ៤១នាក់ ខណៈប្រតិបត្តិការជួយសង្គ្រោះត្រូវបានបញ្ចប់។
ការផ្ទុះនេះកើតឡើងកាលពីថ្ងៃសុក្រទី១៤ខែតុលា នៅឯអណ្តូងរ៉ែ TTK Amasra Muessese Mudurlugu ដែលគ្រប់គ្រងដោយរដ្ឋ ក្នុងទីក្រុង Amasra នៃខេត្ត Bartin។
លោកប្រធានាធិបតី Recep Tayyip Erdogan បានប្រកាសថា អ្នកបាត់ខ្លួនចុងក្រោយ ត្រូវបានរកឃើញស្លាប់កាលពីថ្ងៃសៅរ៍។
ភ្លាមៗបន្ទាប់ពីទៅដល់កន្លែងកើតហេតុ លោកបាននិយាយថា “អាទិភាពរបស់យើង គឺស្វែងរកអ្នករុករករ៉ែនៅក្នុងអណ្តូង។ ទីបំផុត យើងរកឃើញមនុស្សចុងក្រោយ។ គាត់ក៏ស្លាប់ដែរ ដែលនាំឲ្យចំនួនអ្នកស្លាប់កើនឡើងដល់៤១នាក់” ។
មុននេះ រដ្ឋមន្ត្រីមហាផ្ទៃលោក Suleyman Soylu និយាយថា កម្មករអណ្តូងរ៉ែចំនួន ៥៨ នាក់ បានរួចរស់ជីវិតពីការបំផ្ទុះ ខណៈមនុស្ស ២៨ នាក់រងរបួស។
សហជីពកម្មកររុករករ៉ែ Maden-Is នៃប្រទេសតួកគី បានសន្មតថា ការផ្ទុះនេះគឺបណ្តាលមកពីឧស្ម័នមេតាន ប៉ុន្តែមន្ត្រីផ្សេងទៀតលើកឡើងថា វាឆាប់ពេកក្នុងការសន្និដ្ឋានអំពីមូលហេតុ។
នៅក្នុងគ្រោះមហន្តរាយអណ្តូងរ៉ែដ៏អាក្រក់បំផុតរបស់ប្រទេសតួកគី មនុស្សសរុប៣០១នាក់ បានស្លាប់ក្នុងឆ្នាំ២០១៤ ដោយសារអគ្គិភ័យឆាបឆេះនៅក្នុងអណ្តូងរ៉ែធ្យូងថ្ម នៅទីក្រុង Soma ភាគខាងលិចប្រទេស៕
ប្រែសម្រួល៖ Vann Vann
ប្រភព៖ Aljazeera
ចុចអាន៖ ផ្ទុះអណ្តូងរ៉ែមាស ស្លាប់មនុស្ស៦០នាក់ នៅប្រទេស បួគីណាហ្វាសូ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង