ផ្ទុះអណ្តូងរ៉ែមាស ស្លាប់មនុស្ស៦០នាក់ នៅប្រទេស បួគីណាហ្វាសូ

មនុស្សប្រហែល៦០នាក់បានស្លាប់ បន្ទាប់ពីការផ្ទុះនៅអណ្តូងរ៉ែមាស ក្នុងភូមិមួយនៅជិតទីក្រុង Gaoua ភាគនិរតីប្រទេស បួគីណាហ្វាសូ កាលពីថ្ងៃអង្គារទី២២ ខែកុម្ភៈ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមសាក្សី, ការ​ផ្ទុះ​នេះ​បាន​កើត​ឡើង ដោយសារតែរំសេវដែលគេស្តុកទុកនៅទីនោះ ត្រូវភ្លើងឆាបឆេះ។

ប្រភពមួយបានប្រាប់រ៉យទ័រថា “មានសាកសពរាយប៉ាយពាសពេញគ្រប់ទីកន្លែង។ វាគឺជាការផ្ទុះដែលអាចកម្ទេចដើមឈើ និងបំផ្លាញផ្ទះសម្បែងបាន”។

អ្នករងរបួសរាប់សិបនាក់ត្រូវបានជម្លៀសទៅកាន់មន្ទីរពេទ្យដែលនៅជិតបំផុតខណៈ ស្ត្រី និងកុមារ ស្ថិតក្នុងចំណោមអ្នកស្លាប់។

ស្របពេលជាមួយគ្នានោះដែរ មនុស្ស​ម្នាក់​ត្រូវ​បាន​ចាប់​ខ្លួន​និង​​ឃុំឃាំង ​ដើម្បី​សាកសួរ​។

គួរបញ្ជាក់ថា បួគីណាហ្វាសូ គឺជាប្រទេសផលិតមាសដ៏ធំបំផុតមួយរបស់ទ្វីបអាហ្រ្វិក ប៉ុន្តែអណ្តូងរ៉ែជាច្រើនដែលដំណើរការដោយក្រុមហ៊ុនអន្តរជាតិ ក៏ដូចជាក្រុមហ៊ុនក្រៅផ្លូវការផងដែរនោះ មិនមានការត្រួតពិនិត្យទេ ឬមានបទប្បញ្ញត្តិតិចតួចប៉ុណ្ណោះ។

ក្នុងឆ្នាំ២០២០ ប្រទេសនេះផលិតមាសបានចំនួន ៥៤ តោន ធៀបនឹង ៤៥ តោនក្នុងឆ្នាំ ២០១៩ ពោលគឺកើនឡើង ២០%៕

ប្រែសម្រួល៖ Vann Vann

ប្រភព៖ BBC

ចុចអាន៖ ខ្មាន់កាំភ្លើងចូលបាញ់ដល់ភូមិ សម្លាប់មនុស្សជាង១៣០នាក់ នៅ បួគីណាហ្វាសូ