Connect with us

ព័ត៌មានអន្ដរជាតិ

ក្រុមហ៊ុនអាមេរិក Lockheed Martin ប្រាប់ទំហំប្រាក់ចំណូលការលក់អាវុធ ក្នុងត្រីមាសទី ៣ នៃឆ្នាំនេះ

បានផុស

នៅ

ក្រុមហ៊ុនផលិតអាវុធរបស់អាមេរិក Lockheed Martin បានកត់ត្រាពីការកើនឡើងការលក់អាវុធ និងប្រាក់ចំណូលសុទ្ធនៅក្នុងត្រីមាសទី ៣ ឆ្នាំ ២០២២ នេះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមហ៊ុនបាននិយាយនៅក្នុងសេចក្តីប្រកាសព័ត៌មានមួយថា “ក្រុមហ៊ុន Lockheed Martin Corporation បានរាយការណ៍ពីប្រាក់ចំណូលសុទ្ធក្នុងត្រីមាសទី ៣ ឆ្នាំ ២០២២ នេះគឺ ១.៨ ពាន់លានដុល្លារ ឬ ៦.៧១ ដុល្លារក្នុងមួយហ៊ុន បើធៀបនឹង ៦១៤ លានដុល្លារ ឬ ២.២១ ដុល្លារក្នុងមួយហ៊ុនសម្រាប់ត្រីមាសទី ៣ នៃឆ្នាំ ២០២១ ។

ដូច្នេះសាច់ប្រាក់ពីប្រតិបត្តិការនេះមានចំនួនសរុប ៣.១ ពាន់លានដុល្លារ បើធៀបនឹង ១.៩ ពាន់លានដុល្លារក្នុងអំឡុងពេលដូចគ្នានៃឆ្នាំមុន ខណៈដែលលំហូរសាច់ប្រាក់នេះបានកើនឡើងពី ១.៦ ពាន់លានដុល្លារដល់ ២.៧ ពាន់លានដុល្លារនៅក្នុងត្រីមាសទី ៣ នៃឆ្នាំ ២០២២ ។

ចំណែកការលក់អាវុធសុទ្ធក្នុងត្រីមាសទី ៣ ឆ្នាំ ២០២២ នេះបានចំនួន ១៦.៦ ពាន់លានដុល្លារ បើធៀបនឹង ១៦ ពាន់លានដុល្លារក្នុងត្រីមាសទី ៣ ឆ្នាំ ២០២១” ។

ទន្ទឹមនោះប្រធាន និងនាយកប្រតិបត្តិក្រុមហ៊ុន Lockheed Martin លោក James Taiclet បានបញ្ជាក់បន្ថែមថា ក្រុមហ៊ុនក៏កំពុងបន្តបង្កើនសមត្ថភាពក្នុងការវិនិយោគលើបច្ចេកវិទ្យាផលិតថ្មីៗផងដែរ ហើយបច្ចេកវិទ្យាទាំងនេះរួមមានមីស៊ីលល្បឿនលឿនជាងសំឡេងទាំងដើរដោយថាមពល និងដើរស្វ័យភាព ផ្អែកលើសមត្ថភាពឌីជីថល 5G ។

លោក Taiclet សង្កត់ធ្ងន់ថា លើសពីនេះ យើងក៏កំពុងវិនិយោគលើសមត្ថភាពផលិតកម្មអាវុធបន្ថែមទៀតផងដែរដើម្បីការពារប្រទេសរបស់យើង និងសម្ព័ន្ធមិត្តរបស់យើង រួមទាំងការផលិតយន្តហោះចម្បាំង F-35, មីស៊ីលប្រឆាំងរថក្រោះ Javelin និងប្រព័ន្ធបាញ់កាំភ្លើងធំចល័តខ្ពស់ HIMARS ជាដើម” ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ អាមេរិក នឹងបញ្ចេញប្រេងរាប់លានបារ៉ែល ដើម្បីទប់ការឡើងថ្លៃ ក្រោយ OPEC កាត់បន្ថយផលិតកម្ម

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម