ជប៉ុន និងអាមេរិក ចាប់ផ្តើមសមយុទ្ធយោធា ទ្រង់ទ្រាយធំ

នៅថ្ងៃព្រហស្បតិ៍ទី១០ខែវិច្ឆិកានេះ កងកម្លាំងស្វ័យការពារជប៉ុន និងយោធាអាមេរិក បានចាប់ផ្តើមសមយុទ្ធ Keen Sword រួមគ្នាដ៏ធំមួយ ដើម្បីអនុវត្តសកម្មភាពការពារកោះដាច់ស្រយាល Tokunoshima ក្នុងខេត្ត Kagoshima របស់ប្រទេសជប៉ុន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមក្រសួងការពារជាតិជប៉ុន, កងទ័ពជើងគោក ជើងទឹក និងអាកាសជប៉ុនប្រមាណ ២៦ ០០០នាក់ នឹងចូលរួមក្នុងសមយុទ្ធនេះ ខណៈយោធាអាមេរិកប្រហែល ១០​ ០០០នាក់ក៏នឹងមានវត្តមានផងដែរ។

នាវាកងកម្លាំងស្វ័យការពារជប៉ុនចំនួន២០គ្រឿង និងនាវាអាមេរិក ១០គ្រឿង ព្រមទាំងយន្តហោះជប៉ុន ២៥០គ្រឿង និងយន្តហោះអាមេរិក ១២០គ្រឿង នឹងចូលរួមក្នុងសមយុទ្ធនេះ។

លើសពីនេះ នាវាសរុប ៤គ្រឿង និងយន្តហោះ ២គ្រឿងមកពីកងកម្លាំងប្រដាប់អាវុធនៃប្រទេសអូស្ត្រាលី កាណាដា និងចក្រភពអង់គ្លេស ក៏នឹងចូលរួមជាមួយយោធាអាមេរិក និងជប៉ុនផងដែរ ក្នុងអំឡុងពេលសមយុទ្ធ ដែលនឹងដំណើរការរហូតដល់​ថ្ងៃទី​ ១៩ខែវិច្ឆិកា។

បញ្ជាការរួមរបស់ជប៉ុន បាននិយាយនៅក្នុងសេចក្តីថ្លែងការណ៍មួយថា “សមយុទ្ធនាពេលបច្ចុប្បន្ន បានក្លាយជាសមយុទ្ធលើកទី១៦ជាប់ៗគ្នា។ អ្នកសង្កេតការណ៍មកពីប្រទេសអូស្ត្រាលី កាណាដា បារាំង ឥណ្ឌា នូវែលសេឡង់ ហ្វីលីពីន កូរ៉េខាងត្បូង ចក្រភពអង់គ្លេស និងអង្គការណាតូ ត្រូវបានអញ្ជើញឲ្យចូលរួមពួកគេ”៕

ប្រែសម្រួល៖ Vann Vann

ប្រភព៖ Sputnik

ចុចអាន៖ Nikkei៖ ជប៉ុន គ្រោងដាក់ពង្រាយមីស៊ីលល្បឿនលឿនជាងសំឡេង ក្នុងឆ្នាំ ២០៣០