Connect with us

ព័ត៌មានអន្ដរជាតិ

ក្រុមតារាវិទូ រកឃើញផ្កាយធំសម្បើម មុនធ្លាក់ចូល Black Hole ដែលអាច​កើតបាតុភូតវិទ្យាសាស្ត្រ

បានផុស

នៅ

ក្រុមតារាវិទូនៅចក្រភពអង់គ្លេសកាលពីថ្ងៃព្រហស្បតិ៍បានរកឃើញផ្កាយណឺត្រុងដ៏ដំសម្បើមមួយដែលបញ្ចេញវិទ្យុសកម្មយ៉ាងច្រើនទៅក្នុងទីអវកាស មុនពេលធ្លាក់ចូលទៅក្នុងប្រហោងខ្មៅ (Black Hole) ដែលនាំឲ្យមានការសង្ស័យមួយចំនួនអំពីការកើតមានបាតុភូតវិទ្យាសាស្ត្រ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមតារាវិទូនៅសាកលវិទ្យាល័យ Bath ក្នុងទីក្រុង Somerset បានសង្កេតមើលការបញ្ចូលធាតុគ្នានៃផ្កាយចំនួន ២ ហើយបង្កើតបានជាផ្កាយណឺត្រុងដ៏ធំសម្បើមដែលបញ្ចេញកាំរស្មីហ្គាម៉ាអស់រយៈពេលយូរមកហើយ មុនពេលវាធ្លាក់ចូលទៅក្នុង Black Hole ។

លទ្ធផលនេះត្រូវបានគេដាក់ឈ្មោះថា GRB 180618A ស្ថិតនៅចម្ងាយប្រហែល ១០.៦ ពាន់លានឆ្នាំពន្លឺ ហើយត្រូវបានថតជាប់ដោយយានអវកាស Neil Gehrels Swift Observatory របស់អង្គការណាសា ។

ផ្កាយនឺត្រុង គឺជាស្នូលរបស់ផ្កាយយក្សធំៗដែលជាទូទៅមានកាំប្រហែល ១០ គីឡូម៉ែត្រ និងម៉ាសប្រហែល ១.៤ នៃម៉ាសព្រះអាទិត្យរបស់ផែនដី ។

ទន្ទឹមនោះ វាកកើតឡើងក្រោយឆ្លងកាត់បាតុភូត “បន្ទុះស៊ូភើណូវ៉ា” គឺបន្ទាប់ពីផ្កាយទាំងនោះអស់អាយុ ហើយបើមានផ្កាយធំៗជាងនេះទៅទៀតវិញនោះ ពួកវានឹងផ្តល់កំណើត ទៅជាប្រហោងខ្មៅ ដែលគេហៅថា Black Hole ជាមិនខាន ៕

ប្រែសម្រួលដោយ ៖ ជីវ័ន្ត

ប្រភព ៖ RT

ចុចអាន ៖ ឆ្នាំក្រោយ ណាសា បញ្ជូនយានឆ្ពោះទៅ អាចម៍ផ្កាយសម្បូរលោហធាតុ ដែលសមល្មមឲ្យមនុស្សមួយផែនដី ក្លាយជាមហាសេដ្ឋី

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម