ព័ត៌មានអន្ដរជាតិ
តើមេដឹកនាំ អាស៊ាន រូបណាខ្លះយកភរិយាមកតាមក្នុងកិច្ចប្រជុំកំពូលនៅ កម្ពុជា?
មេដឹកនាំប្រទេសអាស៊ានចំនួន ៤ ដូចជា ថៃ ហ្វីលីពីន ឥណ្ឌូណេស៊ី និងឡាវ បាននាំយកភរិយារបស់ខ្លួនមកកាន់ទឹកដីនៃព្រះរាជាណាចក្រកម្ពុជា ដើម្បីចូលរួមកិច្ចប្រជុំកំពូលអាស៊ានលើកទី៤០ និងទី៤១ ក៏ដូចជា កិច្ចប្រជុំពាក់ព័ន្ធ ។
លោក Phankham Viphavanh នាយករដ្ឋមន្ត្រីនៃសាធារណរដ្ឋប្រជាធិបតេយ្យប្រជាមានិតឡាវ បានអញ្ជើញមកដល់ប្រទេសកម្ពុជាជាមួយភរិយាគឺលោកស្រី Sichanh Viphavanh នៅវេលាម៉ោង ៥ និង ២០ នាទីល្ងាច ថ្ងៃទី០៩ ខែវិច្ឆិកា ឆ្នាំ ២០២២ ។
នៅថ្ងៃដដែលនោះ ពោលកាលពីវេលាម៉ោង ៦ ល្ងាច លោកប្រធានាធិបតីហ្វីលីពីន Ferdinand Marcos Jr បានអញ្ជើញមកដល់ប្រទេសកម្ពុជា ពីក្រោយនាយករដ្ឋមន្ត្រីឡាវ រួមជាមួយនឹងភរិយាលោកស្រី Liza Araneta Marcos វ័យ ៦៣ ឆ្នាំ ដើម្បីចូលរួមកិច្ចប្រជុំកំពូលអាស៊ានដែលកម្ពុជាធ្វើជាម្ចាស់ផ្ទះ ហើយក៏ជាការចូលរួមកិច្ចប្រជុំថ្នាក់តំបន់លើកដំបូងរបស់លោកផងដែរ ។
ចំណែកភរិយារបស់ប្រធានាធិបតីឥណ្ឌូណេស៊ីបានអញ្ជើញមកដល់ទឹកដីនៃព្រះរាជាណាចក្រកម្ពុជាជាមួយស្វាមីគឺលោក Joko Widodo កាលពីវេលាម៉ោង ៨ យប់ថ្ងៃទី៩ ខែវិច្ឆិកា ឆ្នាំ២០២២ ។ លោកស្រី Iriana Joko Widodo វ័យ ៥៩ ឆ្នាំបានធ្វើដំណើរអមស្វាមី ដើម្បីចូលរួមកិច្ចប្រជុំកំពូលអាស៊ាននៅកម្ពុជា មុននឹងឥណ្ឌូណេស៊ីរៀបចំកិច្ចប្រជុំកំពូល G20 នៅកោះបាលី ។
ដោយឡែក លោកនាយករដ្ឋមន្ត្រីថៃ Prayuth Chan O Cha បានអញ្ជើញមកដល់ព្រះរាជាណាចក្រកម្ពុជា ជាមួយនឹងភរិយាគឺលោកស្រី Naraporn Rotchanachan វ័យ ៦៨ ឆ្នាំ កាលពីវេលាម៉ោង ៨ និង ៤៥ នាទីព្រឹកថ្ងៃទី១០ ខែវិច្ឆិកា ដើម្បីចូលរួមកិច្ចប្រជុំកំពូលអាស៊ាន មុននឹងប្រទេសថៃធ្វើជាម្ចាស់ផ្ទះកិច្ចប្រជុំ APEC នៅថ្ងៃទី១៨ និងទី១៩ ខែវិច្ឆិកា ខាងមុខនេះ ។
គួរបញ្ជាក់ថា កិច្ចប្រជុំកំពូលអាស៊ានលើកទី៤០ និងទី៤១ ក៏ដូចជាកិច្ចប្រជុំពាក់ព័ន្ធដែលកម្ពុជាធ្វើជាម្ចាស់ផ្ទះ បានចាប់ផ្ដើមឡើងកាលពីថ្ងៃទី១០ ដល់ថ្ងៃទី១៣ ខែវិច្ឆិកា ដែលក៏មានការចូលរួមពីប្រធានាធិបតីអាមេរិកលោក Joe Biden ផងដែរ ៕
ដោយ ៖ ជីវ័ន្ត
ចុចអាន ៖ ដឹងទេ រថយន្ត ប្លាំងដាស់ របស់លោក ចូ បៃដិន ជិះចូលរួមកិច្ចប្រជុំនៅ កម្ពុជា មានតម្លៃប៉ុន្មាន?
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង