ព័ត៌មានអន្ដរជាតិ
កងទ័ពមីយ៉ាន់ម៉ា-រុស្ស៊ី ចាប់ដៃគ្នាបង្កើតគណៈកម្មាធិការប្រឆាំងអំពើភេរវកម្ម
ប្រភពព័ត៌មានបានឱ្យដឹងថា កងទ័ពមីយ៉ាន់ម៉ានិងកងទ័ពរុស្ស៊ី បានបង្កើនចំណងមិត្តភាពមួយកម្រិតថែមទៀត ដោយភាគីទាំងពីរបានសហការគ្នាបង្កើតគណៈកម្មាធិការប្រឆាំងអំពើភេរវកម្ម តាមរយៈកិច្ចប្រជុំលើកដំបូងត្រូវបានធ្វើឡើងនៅទីក្រុងណៃពិដោររវាងពីថ្ងៃទី៣០ ខែវិច្ឆិកា ដល់ថ្ងៃទី១ ខែធ្នូ ឆ្នាំ២០២២។
គណៈកម្មាធិការនេះត្រូវបានបង្កើតឡើងតាមរយៈកិច្ចសហប្រតិបត្តិការយោធារវាងកងទ័ពនៃប្រទេសទាំងពីរ ដែលបានពង្រឹងទំនាក់ទំនងគ្នាកាន់តែខ្លាំងថែមទៀតក្នុងរយៈពេល ២ឆ្នាំកន្លងមកនេះ បន្ទាប់ពីរដ្ឋប្រហាររបស់កងទ័ពមីយ៉ាន់ម៉ា ថ្ងៃទី១ ខែកុម្ភៈ ឆ្នាំ២០២១។
លោកឧត្តមសេនីយ៍ឯក Kim Alexey Rostislavovich អគ្គមេបញ្ជាការរងកងទ័ពសហព័ន្ធរុស្ស៊ីបានដឹកនាំគណៈប្រតិភូជាន់ខ្ពស់បំពេញទស្សនកិច្ចនៅមីយ៉ាន់ម៉ាជាផ្លូវការ មកដល់នៅថ្ងៃទី២៩ ខែវិច្ឆិកា និងបានចូលជួបពិភាក្សាជាមួយ លោក មីន អ៊ុងឡាំង ប្រធានក្រុមប្រឹក្សារដ្ឋ និងជានាយករដ្ឋមន្ត្រីមីយ៉ាន់ម៉ា ជុំវិញអំពីបញ្ហាជាច្រើនស្តីពីកិច្ចសហប្រតិបត្តិការរវាងកងទ័ពមីយ៉ាន់ម៉ា និងកងទ័ពរុស្ស៊ី ដូចជា៖ វិស័យអប់រំ បច្ចេកវិទ្យា សុខាភិបាល ក៏ដូចជាការផ្តល់អាហារូបករណ៍ដល់នាយទាហានមីយ៉ាន់ម៉ាឱ្យទៅសិក្សាបន្តនៅសាលាយោធារបស់កងទ័ពរុស្ស៊ី។
បន្ទាប់មកនៅថ្ងៃទី៣០ ខែវិច្ឆិកា លោកឧត្តមសេនីយ៍ឯក Kim Alexey Rostislavovich បានចូលរួមកិច្ចប្រជុំគណៈកម្មាធិការចម្រុះរវាងមីយ៉ាន់ម៉ា-រុស្ស៊ី ជាមួយលោកឧត្តមសេនីយទោ ម៉ូ មីនធុន អគ្គសេនាធិការកងទ័ពមីយ៉ាន់ម៉ាដើម្បីប្រឆាំងភេរវកម្ម ហើយថ្ងៃទី១ ខែធ្នូ ភាគីទាំងពីរបានចុះហត្ថលេខាលើកំណត់ហេតុកិច្ចប្រជុំលើកទី១ ប៉ុន្តែមិនមានព័ត៌មានលម្អិតអំពីរបៀបវារៈនៃកិច្ចពិភាក្សាត្រូវបានបង្ហាញឱ្យដឹងឡើយ៕
ប្រែសម្រួល៖ គង់ សំអាន
ប្រភព៖ Mgronline
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ