Connect with us

ព័ត៌មានអន្ដរជាតិ

​អាមេរិក ​ថា រុស្ស៊ី​ កំពុងពង្រីក និងធ្វើទំនើបកម្មឃ្លាំងអាវុធនុយក្លេអ៊ែរ

បានផុស

នៅ

រដ្ឋមន្ត្រីការពារជាតិអាមេរិក លោក Lloyd Austin បាននិយាយកាលពីថ្ងៃសុក្រទី០៩ខែធ្នូថា ប្រទេសរុស្ស៊ី កំពុងពង្រីក និងធ្វើទំនើបកម្មឃ្លាំងអាវុធនុយក្លេអ៊ែររបស់ខ្លួន។

រដ្ឋមន្ត្រីការពារជាតិអាមេរិក លោក Lloyd Austin
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការអត្ថាធិប្បាយរបស់លោក Austin គឺស្របទៅនឹងឯកសារគោលនយោបាយរបស់មន្ទីរបញ្ចកោណនាពេលថ្មីៗនេះ ស្តីពីអាវុធនុយក្លេអ៊ែរ។

យោងតាមអ្នកជំនាញបានឲ្យដឹងថា ប្រទេសរុស្ស៊ីមានឃ្លាំងអាវុធនុយក្លេអ៊ែរធំជាងគេបំផុតលើពិភពលោក ជាមួយនឹងក្បាលគ្រាប់ជិត ៦០០០គ្រាប់។ ជាមួយគ្នានេះ រុស្ស៊ី និងសហរដ្ឋអាមេរិក រួមគ្នាកាន់ក្បាលគ្រាប់នុយក្លេអ៊ែរ៩០%នៃពិភពលោក ដែលគ្រប់គ្រាន់អាចបំផ្លាញភពផែនដីបាន។

លោក Austin បាននិយាយនៅក្នុងពិធី ជាមួយមេបញ្ជាការទ័ពជើងគោកអាមេរិក ដែលនឹងចូលគ្រប់គ្រងឃ្លាំងអាវុធនុយក្លេអ៊ែររបស់សហរដ្ឋអាមេរិកថា “រុស្ស៊ី ក៏កំពុងធ្វើទំនើបកម្ម និងពង្រីកឃ្លាំងអាវុធនុយក្លេអ៊ែររបស់ខ្លួនផងដែរ”។

លោក Austin និយាយថា “នៅពេលដែលវិមានក្រឹមឡាំងបន្តសង្រ្គាមដ៏ឃោរឃៅ និងគ្មានហេតុផលប្រឆាំងអ៊ុយក្រែននោះ ពិភពលោកទាំងមូលបានឃើញថា លោកពូទីន កំពុងបង្ហាញភាពគ្មានទំនួលខុសត្រូវពាក់ព័ន្ធនឹងអាវុធនុយក្លេអ៊ែរ”។

រុស្ស៊ីធ្លាប់​បាន​និយាយ​ថា ខ្លួន​នឹង​យក​ចិត្ត​ទុក​ដាក់​ជា​ពិសេស​ ក្នុង​ការ​កសាង​ហេដ្ឋារចនាសម្ព័ន្ធ​សម្រាប់​កងកម្លាំង​នុយក្លេអ៊ែរ​របស់​ខ្លួន​នៅ​ឆ្នាំ២០២៣។

ហើយកាលពីព្រឹកថ្ងៃសុក្រ លោក ពូទីន បានប្តេជ្ញានៅក្នុងសន្និសីទសារព័ត៌មានមួយថា ប្រទេសណាដែលហ៊ានវាយប្រហាររុស្ស៊ីដោយអាវុធនុយក្លេអ៊ែរនោះ នឹងត្រូវបាត់មុខពីផែនដី៕

ប្រែសម្រួល៖ Vann Vann

ប្រភព៖ Reuters

ចុចអាន៖ ពូទីន ព្រមានថា ប្រទេសណាបាញ់នុយក្លេអ៊ែរដាក់រុស្ស៊ី ប្រទេសនោះនឹងភ្លក់ អាវុធល្បឿនលឿនជាងសំឡេង ហើយបាត់មុខពីផែនដី

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៣ ម៉ោង មុន

អតីតសេដ្ឋិនីវៀតណាម Truong My Lan ត្រូវបានរដ្ឋអាជ្ញាស្នើកាត់ទោសប្រហារជីវិត

ព័ត៌មានអន្ដរជាតិ៧ ម៉ោង មុន

ស្ត្រីវៀតណាមដែលបានលក់ផ្លែពុទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអាជ្ញាធរ

ព័ត៌មានជាតិ៧ ម៉ោង មុន

ក្រសួង​ការងារ និង​បណ្តុះបណ្តាល​វិជ្ជាជីវៈ បើក​វគ្គ​បណ្តុះបណ្តាល​លើ​ជំនាញ​ផ្នែក​កំបោរ​ក្នុង​វិស័យ​សំណង់

ព័ត៌មានជាតិ៨ ម៉ោង មុន

ក្រសួងការងារ៖ ការបំផ្លើសព័ត៌មានអំពីការបើកប្រាក់ឈ្នួលដល់កម្មករ Y & W នៅថ្ងៃស្អែកនេះ ជាព័ត៌មានមិនពិត

ព័ត៌មានជាតិ៨ ម៉ោង មុន

មន្ត្រីជំនាញខេត្តកំពង់ចាម ចុះព្រមានម្ចាស់យានដ្ឋាន កែច្នៃ ឧបករណ៍បំពងសំឡេងខុសបច្ចេកទេស

Sokha Hotels

ព័ត៌មានពេញនិយម