ព័ត៌មានអន្ដរជាតិ
ការដាក់ទណ្ឌកម្មរបស់ អឺរ៉ុប លើ រុស្ស៊ី ធ្វើឲ្យប្រទេសមួយនេះទទួលបានផលប្រយោជន៍
រដ្ឋមន្រ្តីក្រសួងសេដ្ឋកិច្ចរុស្ស៊ីលោក Anton Siluanov និយាយថា ការដាក់ទណ្ឌកម្មរបស់អឺរ៉ុបលើរុស្ស៊ី គឺមានតែអាមេរិកប៉ុណ្ណោះ ដែលទទួលបានប្រយោជន៍ជាច្រើនពីទណ្ឌកម្មមួយនេះ ។
លោក Siluanov និយាយថា ទណ្ឌកម្មរបស់លោកខាងលិច បានជួយអាមេរិកឲ្យសម្រេចបាននូវអ្វីដែលពួកគេប៉ងចង់បាននោះគឺ ការបង្កើនបរិមាណលក់ប្រេង និងឧស្ម័នទៅឲ្យអឺរ៉ុបកាន់តែច្រើនឡើង ។
លោករដ្ឋមន្ត្រីបន្ថែមថា ការបំផ្ទុះបំពង់បង្ហូរប្រេង North Stream 1 និង 2 ក៏ដូចជាទណ្ឌកម្មពីសំណាក់លោកខាងលិច កាលពីខែកញ្ញា គឺធ្វើឲ្យតម្លៃនៃការទិញប្រេង និងឧស្ម័នធម្មជាតិពីអាមេរិក កាន់តែឡើងខ្ពស់ ហើយចុងបញ្ចប់ អាមេរិក គឺជាអ្នកឈ្នះ ហើយមានតែអឺរ៉ុបប៉ុណ្ណោះ ជាអ្នកទទួលខាតបង់ ។
ប៉ុន្តែ ទោះជាយ៉ាងណា លោករដ្ឋមន្ត្រីក្រសួងសេដ្ឋកិច្ចរូបនេះ ទទួលស្គាល់ថា ការដាក់ទណ្ឌកម្មពីសំណាក់លោកខាងលិចនេះ គឺពិតជាធ្វើឲ្យរុស្ស៊ីមានការខាតបង់ពិតមែន ហើយប្រទេសលោកខាងលិច ក៏ទទួលការខាតបង់ដូចគ្នាពីទណ្ឌកម្មមួយនេះ ។
គួរបញ្ជាក់ថា រុស្ស៊ី នៅតែប្រកាន់គោលជំហរមិនលក់ប្រេងឆៅទៅឲ្យសហភាពអឺរ៉ុបជាដាច់ខាត បន្ទាប់ពីពួកគេកំណត់តម្លៃ ៦០ ដុល្លារក្នុងមួយបារ៉ែលមក ដោយរុស្ស៊ីបានបង្វែរគោលដៅទៅរកទីផ្សារថ្មីជំនួសវិញ ជាពិសេស គឺទីផ្សារអាស៊ីតែម្តង ៕
ប្រែសម្រួលដោយ ៖ រតនៈ
ប្រភព ៖ RT
ចុចអាន ៖ លោក Medvedev ៖ រុស្ស៊ី នឹងធ្វើគ្រប់យ៉ាងការពារសង្គ្រាមលោកលើកទី ៣ និងគ្រោះមហន្តរាយនុយក្លេអ៊ែរ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង