ព័ត៌មានអន្ដរជាតិ
លោក Medvedev ៖ រុស្ស៊ី នឹងធ្វើគ្រប់យ៉ាងការពារសង្គ្រាមលោកលើកទី ៣ និងគ្រោះមហន្តរាយនុយក្លេអ៊ែរ
អនុប្រធានក្រុមប្រឹក្សាសន្តិសុខរុស្ស៊ី លោក Dmitry Medvedev បាននិយាយកាលពីថ្ងៃអាទិត្យថា រុស្ស៊ីនឹងធ្វើអ្វីគ្រប់យ៉ាងដើម្បីការពារសង្គ្រាមលោកលើកទី ៣ និងគ្រោះមហន្តរាយនុយក្លេអ៊ែរ ហើយភាពតានតឹងពិភពលោកទំនងជាបន្ត “គ្មានដែនកំណត់” នោះទេ រហូតដល់រុស្ស៊ីទទួលបានការធានាសន្តិសុខចាំបាច់ ។
លោក Medvedev បាននិយាយនៅក្នុងសេចក្តីថ្លែងការណ៍មួយទៅកាន់កាសែតរុស្ស៊ី Rossiyskaya Gazeta ថា “ប្រសិនបើយើងមិនទទួលបានការធានាសុវត្ថិភាពសមស្របណាមួយនោះទេ ភាពតានតឹងនឹងនៅតែបន្តកើតមានដោយគ្មានដែនកំណត់ ។
អ្នកនយោបាយរូបនេះបានបន្តទៀតថា រុស្ស៊ីមិនមានអ្វីត្រូវចរចាជាមួយលោកខាងលិចនោះទេ ដោយសារតែការជឿទុកចិត្តត្រូវបានបំផ្លាញ ហើយព្រឹត្តិការណ៍ដែលបានកើតឡើងនៅឆ្នាំ ២០២២ នេះ បានលុបចោលឱកាសដើម្បីរៀបចំកិច្ចសន្ទនាទំនុកចិត្តទាំងអស់ ។
លោក Medvedev បានបន្ថែមថា ការប៉ុនប៉ងរបស់ណាតូ ដើម្បីពង្រីកទៅភាគខាងកើត គឺជា “ការត្រៀមរៀបចំសម្រាប់ធ្វើសង្រ្គាមជាមួយរុស្ស៊ី” ។
កាលពីដើមខែធ្នូ អនុរដ្ឋមន្ត្រីការបរទេសរុស្ស៊ីលោក Sergei Ryabkov បាននិយាយថា ទីក្រុងមូស្គូនៅតែត្រៀមខ្លួនជាស្រេចដើម្បីត្រលប់ទៅរកការពិភាក្សាលើការធានាសន្តិសុខ ប្រសិនបើលោកខាងលិចចាប់អារម្មណ៍ ។
រុស្ស៊ីបានបង្វែរសំណើរបស់ខ្លួនលើការធានាសន្តិសុខដល់សហរដ្ឋអាមេរិក និងប្រទេសណាតូផ្សេងទៀតក្នុងខែធ្នូ ឆ្នាំ ២០២១ ហើយឯកសារនេះរួមបញ្ចូលការធានាថា អង្គការណាតូនឹងមិនពង្រីកបន្ថែមទៀតទៅភាគខាងកើតឡើយ ដោយសំដៅលើសក្តានុពលរបស់អ៊ុយក្រែន និងបទប្បញ្ញត្តិស្តីពីការមិនដាក់ពង្រាយអាវុធវាយលុក រួមទាំងនុយក្លេអ៊ែរ ។
ពាក់ព័ន្ធនឹងបញ្ហានេះដែរ សហរដ្ឋអាមេរិក និងប្រទេសណាតូ បាននិយាយថា ការទាមទាររបស់រុស្ស៊ី ទាក់ទងនឹងការពង្រីកសម្ព័ន្ធភាព មិនអាចសម្រេចបានឡើយ ដោយសារប្លុកនេះ បានប្តេជ្ញាចិត្តចំពោះគោលនយោបាយបើកចំហររបស់ខ្លួន ៕
ប្រែសម្រួលដោយ ៖ ជីវ័ន្ត
ប្រភព ៖ Sputnik
ចុចអាន ៖ រុស្ស៊ី ព្រមានប្រទេសជិត អ៊ុយក្រែន មួយទៀត ជុំវិញកិច្ចសហប្រតិបត្តិការយោធាជាមួយ ណាតូ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ